+ រដ្ឋាភិបាលមានទិសដៅអភិវឌ្ឍន៍​ប្រព័ន្ធឧស្សាហកម្មដូចជា​ ៖

• រដ្ឋាភិបាលធ្វើយ៉ាងណា ដើម្បីជំរុញលើការផលិត ផលិតផលក្នុងការនាំចេញ
• រដ្ឋាភិបាល ក៏ត្រូវជំរុញលើការផលិត នូវផលិតផលតម្រូវការក្នុងស្រុក ជំនួសឱ្យការនាំចូល ។

+​​ យុទ្ធសាស្រ្តដើម្បីឆ្លើយតប ៖

• ជំរុញលើការអភិវឌ្ឍ​វិស័យកសិ-ឧស្សាហកម្ម
• រដ្ឋាភិបាល ត្រូវជំរុញការកែច្នៃធនធានធម្មជាតិ ជាមូលដ្ឋាន
• រដ្ឋាភិបាល ត្រូវជំរុញ​ការទាក់ទាញវិនិយោគ ដែលប្រើប្រាស់កម្លាំងពលកម្ម អតិពលកម្ម ។

នៅក្នុងន័យសេដ្ឋកិច្ច ធនធានធម្មជាតិមាន ២ប្រភេទគឺ៖

• ធនធានកំរ ៖ ជាធនធានទាំងឡាយណា ដែលបរិមាណរបស់វាមានតិចជាងតម្រូវការរបស់អ្នកប្រើប្រាស់ ។
• ធនធានសេរី ៖ ជាធនធានទាំងឡាយណា ដែលបរិមាណរបស់វាមានច្រើនលើសលប់ បើធៀបទៅនឹងតម្រូវការនៃការប្រើប្រាស់ ។ 

ផូស៊ីល គឺជាភស្តុតាងមួយដ៏សំខាន់​ដើម្បីដឹងពីការកកើត និងផុតពូជទៅវិញនៃរុក្ខជាតិ និងសត្វ​ដែលរស់នៅពីអតីតកាល។​ ជាទូទៅផូស៊ីលភាគច្រើន​កើតឡើងពីភាវរស់ (សត្វ និងរុក្ខជាតិ) ដែលស្លាប់​នឹងកប់​ដោយកម្ទេចកំណ។

ឧតុភូតវិទ្យា សិក្សាពីចលនាបរិយាកាស អាកាសធាតុ ធាតុអាកាស​ ប្រភេទខ្យល់ ប្រភេទព្យុះ... ដែលកើតឡើងនៅលើផែនដី។

សាគរវិទ្យា សិក្សាពីលក្ខណៈទូទៅ​នៃមហាសមុទ្រ (រលក ចរន្តទឹកសមុទ្រ) ពីជីវសាស្រ្តមហាសមុទ្រ (សត្វ និងរុក្ខជាតិ ដែលរស់នៅក្នុងសមុទ្រ) ពីសណ្ឋានដីបាតសមុទ្រ...។

ធរណីវិទ្យា ឬភូគព្ភវិទ្យា សិក្សាពីផ្នែកខាងលើ​ និងផ្នែកខាងក្នុងនៃផែនដី ដូចជាសណ្ឋានដី ភ្នំភ្លើង រញ្ជួយដី ផូស៊ីល ប្រភេទសិលា...។

ខេត្តត្បូងឃ្មុំ ត្រូវបានបង្កើតឡើង​នៅថ្ងៃទី ៣១ ខែធ្នូ ឆ្នាំ២០១៣ ហើយត្រូវបានចេញប្រកាស​នៅដើមខែ មករា ឆ្នាំ២០១៤​ ។ ខេត្តនេះមានក្រុងចំនួនមួយ និងស្រុកចំនួន៦ ដែលបានកាត់យកពីខេត្តកំពង់ចាមគឺ ក្រុងសួង ស្រុកត្បូងឃ្មុំ ស្រុកអូរាំងឪ ស្រុកក្រូចឆ្មា ស្រុកតំបែរ ស្រុកពញាក្រែក និងស្រុកមេមត់។

ការទទួលបានឯករាជ្យពីបារាំង​​មានអត្ថន័យជាប្រវត្តិសាស្រ្ត​សម្រាប់កម្ពុជាដូចជា៖

• ប្រទេសកម្ពុជារួចផុតពី​នឹមអាណានិគមបារាំង
• កម្ពុជាទទួលបានអធិបតេយ្យភាព បូរណភាពដែនដី
• ប្រជាជនកម្ពុជាមានសេរីភាព មានសិទ្ធិសម្រេចលើ​ជោគវាសនាខ្លួន
• ប្រជាជនកម្ពុជារួចផុតពីការគាបសង្កត់ កេងប្រវ័ញ្ច ជិះជាន់ និងការប្រមូលពន្ធដារសព្វសារពើ​យ៉ាងធ្ងន់ធ្ងរ
• អន្តរជាតិ​ទទួលស្គាល់ឯករាជ្យ​របស់កម្ពុជា និងកម្ពុជាមានមុខមាត់​លើឆាកអន្តរជាតិ។

ចក្រភពអង់គ្លេស​សម្រេចចាកចេញ​ពីទីផ្សារសហភាពអឺរ៉ុប​នៅថ្ងៃទី ២៣ ខែ​មិថុនា ឆ្នាំ២០១៦ ។

រដ្ឋមានតួនាទីសំខាន់ក្នុងការផ្លាស់ប្តូរ បញ្ជូនកម្លាំងពលករ បំពេញការងារ​ទៅក្រៅប្រទេស និងការពារពួកគេគ្រប់ពេលវេលា ស្របទៅតាមច្បាប់។ (នេះគ្រាន់តែជា​តួនាទីមួយផ្នែក​របស់រដ្ឋតែប៉ុណ្ណោះ)