តើជនជាតិណាជាអ្នករកឃើញប្រទេសញូសេឡែនមុនគេ ? ប្រទេសនេះស្ថិតនៅឯណា ? មានស្ថានភាពដូចម្តេចខ្លះ ?

ជនជាតិដែករកឃើញប្រទេសញូសេឡែនមុនគេ គឺជនជាតិហូឡង់ ឈ្មោះ អាបែលចនស៊ុន តាស្មាន់ (ឆ្នាំ ១៦៤២) ។ ប្រទេសនេះស្ថិតនៅក្នុងចំណោមទីប្រជុំកោះប៉ាស៊ីភិច ដែលពីមុនហៅថាទ្វីបអូសេអានី ឥឡូវហៅថាអាស៊ីប៉ាស៊ីភិច ។ ស្ថានភាពគឺ ប្រទេសញូសេឡែនមានកោះធំៗចំនួន ២​គឺកោះខាងជើង និងកោះខាងត្បូង ដែលចែកខណ្ឌគ្នាដោយច្រកសមុទ្រឃុក ក្រៅពីនេះនៅមានកោះតូចៗ មួយចំនួនទៀត ដែលស្ថិតនៅក្នុងលំហសមុទ្រប៉ាស៊ីភិច ។ ប្រទេសនេះមានក្រុងធំៗ ៥គឺ វ៉ែលលីងតោន ដែលជារដ្ឋធានី ទីក្រុងបន្ទាប់ឈ្មោះអកកឡិន គ្រិស្តឆឺច ឌូនឌីន និងម៉ានូកូវ ។ ញូសេឡែនជាប្រទេសល្អឆើតឆាយទៅដោយជួរភ្នំដែលគ្របដណ្តប់ទៅដោយព្រិលនិងលាតសន្ធឹងដោយវាលស្មៅខ្ចី ឆ្នេរខ្សាច់ បឹងបួរ និងព្រៃព្រឹក្សា ប៉ុន្តែសម្បូរទៅដោយភ្នំភ្លើង ។