តើបរិយាកាសព្រះអាទិត្យមានអ្វីខ្លះ? ចូររៀបរាប់ផ្នែកនីមួយៗផង?

បរិយាកាសព្រះអាទិត្យរួមមាន មណ្ឌលហ្វូត មណ្ឌលក្រូម៉ូនិងកូរ៉ូណា។

-មណ្ឌលហ្វូត គឺជាកន្លែងមានឧស្ម័នក្រាស់ល្មមអាចមើលឃើញបាន។ មណ្ឌលហ្វូតជាផ្ទៃលើរបស់ព្រះអាទិត្យដែលយើងមើលឃើញ វាមានកម្រាស់ ៦០០គីឡូម៉ែត្រ។

-មណ្ឌលក្រូម៉ូ គឺជាតំបន់ស្តើងស្ថិតនៅពីក្រោមកូរ៉ូណា មានកម្រាស់៣ ០០០គីឡូម៉ែត្រ។ មណ្ឌលក្រូម៉ូមានពណ៌ក្រហមស្លេកមើលស្ទើរពុំឃើញប្រសិនបើគ្មានសូរ្យគ្រាសពេលទេ។

-កូរ៉ូណា គឺជាបរិយាកាសខាងក្រៅរបស់ព្រះអាទិត្យ និងអាតលាតសន្ធឹងក្នុងចម្ងាយពី ១០ ទៅ​ ២០ដងនៃអង្កត់ផ្ចិតព្រះអាទិត្យ។ ឧស្ម័ននៅក្នុងមណ្ឌលនេះមានកម្រាស់ស្តើងណាស់អាចមើលឃើញបានតែក្នុងពេលមានសូរ្យគ្រាសប៉ុណ្ណោះ។