ចូរពន្យល់ពាក្យ “វចនលេខន៍ វចនវិទ្យា ឯកតា មូលតា វចនតា រូបតា កាឡារូប “ ឱ្យបានក្បោះក្បាយ ។

ពន្យល់ពាក្យមួយចំនួនដូចខាងក្រោម ៖

ក. វចនលេខ

• អង់គ្លេស ៖ Lexicography
• បារាំង ៖ Lexicographie

ការសរសេរ និងរៀបរៀង ចងក្រង វចនានុក្រមដោយផ្អែកលើចំណេះដឹងខាងវចនវិទ្យា ។

ខ. វចនវិទ្យា

• បារាំង ៖ Lexicology
• អង់គ្លេស ៖ Lexicologie

ផ្នែកមួយនៃភាសាវិទ្យាដែលសិក្សាអំពីវាក្យក្នុងនោះការបង្កើតពាក្យ ការប្រើពាក្យជាដើម ។

គ. ឯកតា

• បារាំង ៖ Unit
• អង់គ្លេស ៖ Unite

ភាគនៃខ្សែសម្តីក្នុងភាសាគេអាចវិភាគចេញពីគ្នាដូចជាសុទ្ទតា ពាក្យទោល ឬល្បះទោល ។ សទ្ទតា ឬពាក្យទោល ឬល្បះទោលជាឯកតាភាសា ។

ឃ. មូលតា

• បារាំង ៖ Morpheme
• អង់គ្លេស ៖ Moneme

ការប្រែពាក្យ “Moneme ” ដែលលោកអង់ដ្រេ ម៉ាទីនណេ បានកំណត់ន័យថាជាឯកតាអប្បបរមាដែលមានន័យ ។

ង. វចនតា

• បារាំង ៖ Lexicsal Morpheme
• អង់គ្លេស ៖ Mexeme

មូលតាមួយបែបដែលជាពាក្យទោល ឬជាឫស/ជាធាតុនៃពាក្យក្នុងភាសាឥណ្ឌូអឺរ៉ុប ។

ច. រូបតា

• បារាំង ៖ Grammatical Morpheme
• អង់គ្លេស ៖ Morpheme

មូលតាមួយបែប ដែលឥតមានអត្ថិភាពជាពាក្យឯករាជ្យក្នុងភាសា (លោក អៀវ កើស ហៅថា “កន្ទេចពាក្យ” ) សម្រាប់ភ្ជាប់ជាមួយពាក្យឫស ឬជាមួយឫស ដើម្បីបង្កើតពាក្យ និងបំបែកពាក្យ ។

ឆ. កាឡារូប

• បារាំង ៖ Allomorph
• អង់គ្លេស ៖ Allomorphe

រូបផ្សេងៗរបស់រូបតាណាមួយដែលអាចប្តូររូបទៅតាមបរិបទដូចរូបតា /-s/ នៃពហុវចនៈរបស់នាមសព្តអង់គ្លេស ដែលអាចមានកាឡារូប ។