វិញ្ញាសាពុទ្ធិវប្បធម៌ទូទៅខ្មែរប្រឡងក្របខណ្ឌមន្រ្តីរាជការស៊ីវិល (វិញ្ញាសាទី១៤)

សំនួរ

១. វិធានការពិសេសបណ្តោះអាសន្នគឺជាអ្វី ?

២. តើអនុសញ្ញាទូទៅគឺជាអ្វី ?

៣. តើអត្តសញ្ញាណជាតិមានសារៈសំខាន់ប្រយោជន៍អ្វីខ្លះ ?

ចម្លើយ

១. វិធានការពិសេសបណ្តោះអាសន្នគឺជា ៖

ក. បញ្ញត្តិពិសេស ដើម្បីពន្លឿននូវសមភាពរបស់នារី និងការផ្តល់ជាពិសេសលក្ខខណ្ឌអនុគ្រោះ (ឬបញ្ញត្តិច្បាប់អនុគ្រោះ) សម្រាប់ការលើកកម្ពស់សមភាពរបស់នារី

ខ.វិធានការពិសេសសបណ្តោះអាសន្នគឺសម្រាប់ធ្វើការសម្របសម្រួលឱ្យនារីមានលទ្ធភាពទទួលបានឳកាសស និងបង្កើនសមត្ថភាពពិតប្រាកដនិងវិធានការដ៏សំខាន់មួយ ដើម្បីជម្នះការរើសអើងជាប្រព័ន្ធ

គ.វិធានការពិសេសបណ្តោះអាសន្ននេះនឹងត្រូវបញ្ឈប់អនុវត្តបន្ទាប់ពីបានសម្រេចនូវលទ្ធផលដែលចង់បាន ។

២. អនុសញ្ញាទូទៅគឺជាអនុសាសន៍មួយដែលគណៈកម្មាធិការស៊ី-ដបានបង្កើតឡើងដើម្បីបកស្រាយចំណុចបន្ថែមទៅលើមាត្រាជាក់លាក់មួយចំនួននៃអនុសញ្ញាស៊ី-ដដែលមិនមានចែងពីមុនមកដូចជាអនុសាសន៍ទូទៅចំណុចទី១២និង១៩ស្តីពីអំពើហិង្សាប្រឆាំងនឹងនារីភេទដែលផ្អែកលើយេនឌ័រ ។

៣. អត្តសញ្ញាណជាតិមានសារៈសំខាន់ប្រយោជន៍ដូចតទៅ ៖

• បង្ហាញនូវលក្ខណៈពិតៗដាច់ដោយឡែកពីជនជាតិនីមួយៗ
• បង្ហាញអំពីតម្លៃនៃវប្បធម៌ជាតិនីមួយៗ
• បង្ហាញឱ្យខ្មែរយល់ដឹង និងកាន់តែស៊ីជម្រៅពីតម្លៃជាតិ
• បង្ហាញឱ្យស្គាល់ពីចរិតខ្មែរពិតៗ ។