តើប្រជាពលរដ្ឋដែលមានសិទ្ធិនិងមានបំណងឈរឈ្មោះជាបេក្ខជនបោះឆ្នោតតំណាងរាស្រ្តត្រូវបំពេញលក្ខខ័ណ្ឌអ្វីខ្លះ?

ប្រជាពលរដ្ឋខ្មែរដែលមានសិទ្ធិ និងមានបំណងឈរឈ្មោះជាបេក្ខជនបោះឆ្នោតតំណាងរាស្រ្ត ត្រូវបំពេញលក្ខខ័ណ្ឌដូចជា៖

• មានសញ្ជាតិខ្មែរពីកំណើត
• មានអាយុ២៥ឆ្នាំឡើងទៅគិតដល់ថ្ងៃបោះឆ្នោត
• មានសិទ្ធិបោះឆ្នោត
• ស្នាក់នៅអចិន្ត្រៃយ៍ក្នុងព្រះរាជាណាចក្រកម្ពុជាយ៉ាងតិចមួយឆ្នាំគិតដល់ថ្ងៃបោះឆ្នោត
• មានការតែងតាំងពីគណបក្សនយោបាយដែលមានក្នុងបញ្ជីឈរឈ្មោះបោះឆ្នោត។

ចំណាំៈ អ្នកគ្មានសិទ្ធិឈរឈ្មោះជាបេក្ខជន បោះឆ្នោតជ្រើសតាំងតំណាងរាស្ត្រមានដូចជា៖

• មន្ត្រីរាជការស៊ីវិល មន្ត្រីតុលាការ កងកម្លាំងនគរបាលជាតិ កងយោពលខេមរភូមិន្ទក្នុងមុខដំណែង និងបុព្វជិតសាសនា
• ជនដែលត្រូវតុលាការផ្តន្ទាទោសដាក់ពន្ធធនាគាពីបទឧក្រិដ្ឋ ឬមជ្ឃឹម ហើយមិនទាន់មាននីតិវិធីឡើងវិញ
• ជនដែលត្រូវបានផ្តន្ទាទោសដកសិទ្ធិបោះឆ្នោត
• ជនវិកលចរិក ឬជនដែលស្ថិតនៅក្រោមអាណាព្យាបាលដែលមានលិខិតបញ្ជាក់ពីក្រសួងមានសមត្ថកិច្ច
• ជនដែលត្រូវដកហូតប័ណ្ណបោះឆ្នោតដោយគណៈកម្មាធិការជាតិរៀបចំការបោះឆ្នោត
• សមាជិកនៃគណៈកម្មាធិការជាតិនិងគណៈកម្មាធិការរៀបចំការបោះឆ្នោតជ្រើសតាំងតំណារាស្ត្រ
• សមាជិកនៃឧត្តមក្រុមប្រឹក្សានៃអង្គចៅក្រម
• និងសមជិកក្រុមប្រឹក្សាធម្មនុញ្ញ។