Point Center Login Help

ចង់ប្តូរការងារ ឬ កំពុងស្វែងរកការងារ​​ ផ្វើសារឥឡូវនេះ

Answer 1


user icon
Neang
2017-08-06 11:31

សិល្បៈ​ខ្មែរ​បុរាណ (សម័យ​នគរ​ភ្នំ ចេន​ឡា និង​អង្គរ) ចែក​ចេញ​ជា​ប្រាំបួន​រចនាបថ រួមមាន៖

  • រចនាបថ​ភ្នំដា (ស.វ.ទី១ ដល់​ស.វ.ទី៦)
  • រចនាបថ​សម្បូណ៌ (ពាក់​កណ្ដាលទី១ នៃ​ស.វ ទី៧)

រចនា​បថ​សម្បូណ៌ស្ថិត​ក្នុង​រជ្ចកាល​ព្រះ​បាទ​ឦសានវរ្ម័ន​ទី១ « ៦១៦-៦៣៥ » ដែល​មាន​រាជធានី​ឈ្មោះ​ឦសាន​​បុរៈ​ គឺ​សម្បូណ៌​ព្រៃ​គុក ប្រាសាទ​ដែល​រាប់​បញ្ចូល​ក្នុង​រចនាបថ​សម្បូណ៌ព្រៃគុក មាន៖

  • ប្រាសាទ​សម្បូណ៌​ព្រៃ​គុក​ស្ទើរ​តែ​ទាំង​អស់​
  • ប្រាសា​ទ​ភ្នំ​ធំ​
  • ប្រាសាទ​ដំបង​ដែក
  • រចនាបថព្រៃក្មេង​ (ពាក់​កណ្ដាល​តី២ នៃ​ស.វទី៧)

រចនា​បថ​ព្រៃ​ក្មេង​ ស្ថិត​ក្នុងរជ្ជកាល​ព្រះ​បាទ​ជ័យ​វរ្ម័ន​ទី១ (៦៥៥-៦៨១) ដែលមាន​រាជធានី​នៅ​អង្គរ​បុរី។ ប្រាសាទ​ដែល​រាប់​បញ្ចូល​ក្នុង​រចនាបថ​នេះ​មាន៖

  • ប្រាសាទ​ព្រៃ​ក្មេង
  • ប្រាសាទ​ស្វាព្រាហ្មណ៍
  • ប្រាសាទ​ភ្នំបាសិទ្ធ (ទ្វាខាង​កើត)
  • ប្រាសាទ​ព្រៃ​ប្រាសាទ (ប្រាសាទ​ខាង​ត្បូង​)
  • ប្រាសាទ​អណ្ដែត
  • រចនាបថ​កំពង់​ព្រះ​ (ស.វទី៨)

រចនាបថ​កំពង់​ព្រះ​ស្ថិត​ក្នុង​សម័យ​ដែល​រាជា​ណាចក្រ​ចេន​ឡា​បែង​ចែក​ជាពីរ។ ប្រាសាទ​ក្នុង​រចនា​បថ​កំពង់​ព្រះ​គឺ​៖

  • ប្រាសាទ​កំពង់​ព្រះ​
  • ប្រាសាទ​អក​យំ
  • ប្រាសាទ​ភ្នំ​បាសិទ្ធ « ទា្វខាងលិច»
  • ប្រាសាទ​ភូមិ​ប្រាសាទ
  • រចនា​បថ​គូលែន​ (ពាក់​កណ្ដាល​ទី១ នៃ​ស.វ ទី៩) រចនា​បថ​នេះ​ស្ថិត​ក្នុង​រជ្ជកាល​ព្រះ​បាទ​ជ័យ​វរ្ម័ន​ទី២ (៨០២-៨៥០) ដែល​មាន​រាជធានី​នៅ​ច្រើន​កន្លែង។​ ប្រាសាទ​ក្នុង​រចនាបថ​គូលែន​មាន៖
  • ប្រាសាទ​ព្រៃ​ប្រាសាទ
  • ប្រាសាទមួយចំនួន​នៅ​ក្នុង​សម្បូណ៌​ព្រៃ​គុក
  • ប្រាសាទ​នៅ​ភ្នំ​គូលែន
  • ប្រាសាទ​ដំរី​ទ្រាប
  • ​ប្រាសាទ​ខ្ទីង​ស្លាប់
  • ប្រាសាទ​រូប​អារក្ស
  • ប្រាសាទ​ថ្ម​អារក្ស
  • ប្រាសាទ​ថ្មដាប់​ប្រាសាទ​គគីរ
  • ​ប្រាសាទ​ក្រហម​
  • ប្រាសាទ​អ្នក​តា
  • រចនា​បថ​ព្រះគោ (ភាគ​៤ ចុង​ក្រោយ​នៃ​ស.វ ទី៩)

រចនា​ប​ថព្រះ​គោ​ស្ថិត​នៅ​ក្នុង​រជ្ជកាល​ព្រះបាទ​ឥន្រ្ទវរ្ម័ន​តី១ (៨៨៩-៩០០) ដែល​បាន​គង់​នៅ​ក្នុង​រាជធានី​ហរិហរាល័យ។ ប្រាសាទ​ក្នុង​រចនា​បថ​ព្រះគោ​មានៈ

  • ប្រាសាទព្រះគោ (គ.ស. ៨៧៩)
  • ប្រាសាទបាគង (គ.ស. ៨៨៧) ឥន្រ្ទវរ្ម័នទី១
  • ប្រាសាទលលៃ (គ.ស. ៨៩៣) យសោវរ្ម័នទី១
  • រចនាបថ​បាខែង​ (ចុង​ស.វ. ទី៩ ដើម​ស.វ ទី១០)

រចនាបថ​នេះ​ស្ថិត​ក្នុង​រាជ្យ​ព្រះបាទយសោវរ្ម័នទី១ (៨៨៩- ៩០០) ដែល​មាន​រាជធានី​នៅ​យសោធបុរៈ (ភ្នំបាខែង)។ ប្រាសាទ​ក្នុង​រចនាបថនេះ​មាន៖

  • ប្រាសាទភ្នំបាខែង
  • ប្រាសាទភ្នំក្រហម
  • ប្រាសាទភ្នំបូក
  • ប្រាសាទក្រវ៉ាន់ និង​បក្សី​ចាំក្រុង
  • រចនាបថកោះកេរ្តិ៍ (ភាគ​ទី​២ នៃ​ស.វ. ទី​១០)

រចនា​បថ​នេះ​ស្ថិត​នៅ​ក្នុង​រជ្ជកាល​ព្រះ​បាទ​ជ័យ​វរ្ម័ន​ទី​៤ (៩២៨-៩៤១) ដែលទ្រង់​តាំង​រាជ​ធានី​នៅ​កោះ​កេរ (១០០គ.ម) ផ្នែក​ឦសាន​ក្នុង​អង្គរ។

ប្រាសាទ​ក្នុង​រចនាបថ​កោះ​កេរ គឺ​ប្រាសាទ​ទាំង​អស់​ដែល​ស្ថិត​ក្នុង​តំបន់​កោះ​កេរ ក្នុង​ចំនោម​នេះ​មាន​ប្រាសាទ​មួយ​សង់​នៅ​លើ​ខឿន​៧ជាន់​កំពស់​៣៥ម។

  • រចនាបថបន្ទាយស្រី (ពាក់​កណ្ដាល​ទី២ នៃ​ស.វ. ទី១០​)

រចនា​បថ​បន្ទាយ​ស្រី​ ស្ថិត​ក្នុង​រជ្ជកាល​ព្រះ​បាទ​រាជេន្រ្ទ​វរ្ម័ន​ទី២ (គ.ស ៩៤៤-៩៦៨) ដែលទ្រង់​បាន​លើក​រាជធានី​មក​តាំង​នៅ​អង្គរ​វិញ។

            រចនា​បថ​បន្ទាយ​ស្រី​រួមមាន៖

  • ប្រាសាទ​មេ​បុណ្យ​ខាង​កើត​ (គ.ស. ៩៥២)
  • ប្រាសាទ​ប្រែ​រូប​ (គ.ស. ៩៦១)
  • ប្រាសាទ​បន្ទាយ​ស្រី​ (គ.ស. ៩៦៧)
  • រចនាបថឃ្លាំង(ចុង​ស.វ. ទី១០ និង​ពាក់​កណ្ដាល​ទី១ នៃ​ស.វ. ទី១១)

រចនា​បថ​ឃ្លាំង​ស្ថិត​នៅ​ក្នុង​រជ្ជ​កាល​ព្រះ​បាទ​ជ័យ​វរ្ម័ន​ទី៥ (គ.ស.​ ៩៦៨-១០០២) និង​ព្រះ​បាទ​សូរ្យ​វរ្ម័ន​ទី១ (គ.ស. ១០០២-១០៥០) ដែល​មាន​រាជធានី​នៅ​អង្គរ​។​ រចនាបថ​មាន៖

  • ប្រាសាទ​តាកែវ​
  • ប្រាសាទ​ឃ្លាំង​ខាង​លើ​-ខាង​ត្បូង
  • ប្រាសាទ​ភិមាន​អាកាស
  • ខ្លោង​ទ្វារ​ព្រះ​រាជវាំង​
  • ប្រាសាទ​ភ្នំ​ជីសូរ
  • ប្រាសាទ​ព្រះ​វិហារ...។
  • រចនា​បថ​បាពួន​ (ពាក់​កណ្ដាល​ទី​២ នៃ​ស.វ. ទី១១)

រចនា​បថ​បាពួន​ស្ថិត​ក្នុង​រជ្ជ​កាល​ព្រះ​បាទ​ឧទយា​ទិត្យ​វរ្ម័ន​ទី២ (គ.ស. ១០៥០-១០៦០) និង​ព្រះ​បាទ​ហស៌វរ្ម័ន​ទី៣ (គ.ស ១០៦៦-១០៨០) ដែលមានរាជធានីនៅ​អង្គរ​ដដែល​។

ប្រាសាទ​ក្នុង​រចនាបថនេះ​មាន៖

  • ប្រាសាទ​បាពួន
  • ប្រាសាទ​មេ​បុណ្យ​ខាង​លិច
  • ប្រាសាទ​វត្ត​ខ្នារ...។
  • រចនាបថ​អង្គរ​វត្ត (ពាក់​កណ្ដាល​ទី១ នៃ​ស.វ. ទី១២)

រចនាបថ​អង្គរ​ស្ថិត​ក្នុង​រជ្ជកាល​ព្រះ​បាទ​សូរ្យ​វរ្ម័ន​ទី២ (គ.ស. ១១១៣-១១៤៥) ដែល​មាន​រាជ​ធានី​នៅ​អង្គរ។ ប្រាសាទ​ក្នុង​រចនា​បថ​នេះ​មាន៖

  • ប្រាសាទ​មាលា
  • ប្រាសាទ​ភី​មាយ
  • ប្រាសាទ​បន្ទាយ​សំរ៉ែ
  • ប្រាង្គ​ជា​កំពូល​ប្រាសាទ​បាគង
  • ប្រាសាទ​ធម្មានន
  • ប្រាសាទ​អង្គរវត្ត។ល។
  • រចនា​បថ​បាយ័ន (ពាក់​កណ្ដាល​ទី២ នៃ​ស.វ ទី​១២ និង​ដើម​ស.វ. ទី​១៣)

រចនា​បថ​បាយ័ន​ស្ថិត​ក្នុង​រជ្ជកាល​ព្រះ​បាទ​ជ័យ​វរ្ម័ន​ទី៧ (គ.ស. ១១៨១-១២១៨)។ ប្រាសាទ​ស្ថិត​ក្នុង​រចនា​បថ​នេះ​មាន៖

  • ប្រាសាទតាព្រហ្ម
  • ប្រាសាទ​បន្ទាយ​ក្ដី
  • ប្រាសាទ​ព្រះ​ខ័ន
  • ប្រាសាទ​នាគ​ព័ន្ធ
  • ប្រាសាទបន្ទាយ​ឆ្មារ
  • ប្រាសាទ​បាយ័ន​
  • ប្រាសាទតាព្រហ្ម (បាទី)
  • ប្រាសាទនគរ (កំពង់​ចាម​)
  • កំពែង​ និង​ខ្លោង​ទា្វរ​ទាំង​៥នៃ អង្គរ​ធំ

លក្ខណៈ​ពិសេស​នៃ​រចនា​បថ​នេះ​គឺ៖

  • មាន​ប្រាង្គ​មុខ​៤ ញញឹម​ទៅ​ទិស​ទាំង​៤
  • មាន​នាគ​អម​សង​ខាង​ផ្លូវ​ឆ្លង​ចូល​ទៅ​កាន់​ប្រាសាទ​
  • ក្បាល​នាគ​បែរ​មុខ​ចេញ​ក្រៅ​ នាគ​ម្ខាង​ទាញ​ដោយ​ពួក​ទេវតា ឯ​ម្ខាង​ទៀត​ទាញ​ដោយ​ពួក​អសុរៈ​ (រឿង​កូរ​សមុទ្រ​ទឹក​ដោះ)។

Login or Register to Share Login

×

×

Tips to earn more points:

  • Get 2 point for each question.
  • Learn more how to earn point quickly with Point Center

Login

×

One more step

Please login to share your idea

Register Login