ដើម្បីអោយប្រទេសរីកចំរើន សម្បូររុងរឿងជានិរន្ត៍ ក្នុងនាមជាខ្មែរត្រូវ៖
ក. ព្យាយាមរៀនសូត្រ
- រៀនដើម្បីមានចំណេះដឹង
- រៀនដើម្បីប្រកបមុខរបរជំនាញ
- រៀនដើម្បីរស់ជាមួយគ្នា
- រៀនដើម្បីរៀបចំឥរិយាបថឱ្យមានសីលធម៌ គុណធម៌។
ខ. ថែរក្សាការពារទំនៀមទំលាប់ប្រពៃណីល្អរបស់ជាតិ និងសម្បត្តិវប្បធម៌ជាតិ
- ស្រលាញ់វប្បធម៌ជាតិ និងរួមចំណែកទប់ស្កាត់វប្បធម៌បរទេសដែលមិនល្អ ទទួលយកវប្បធម៌ណាដែលនាំឱ្យរីកចំរើនដល់ជាតិ។
- ចូលរួមរក្សាអត្តសញ្ញាណជាតិតាមរយៈការរៀបចំឥរិយាបថ អាកប្បកិរិយា សំលៀកបពាក់បែបខ្មែរ ប្រើប្រាស់ភាសាខ្មែរ ការរស់នៅបែបខ្មែរ។
- ការពារសម្បត្តិវប្បធម៌ជាតិ ទឹកដី ព្រៃឈើ និងហេដ្ឋារចនាសម័ន្ធផ្សេងៗ។
គ. រក្សាសាមគ្គីភាព
- ទំនាក់ទំនងល្អរវាងបុគ្គលនិងបុគ្គល បុគ្គលនិងសហគមន៍
- ចេះអធ្យាស្រ័យល្អរវាងគ្នានិងគ្នា មិនប្រកាន់ឥរិយាបថមើលងាយ មើលថោកមនុស្សផងគ្នា
- ស្មោះត្រង់ចំពោះខ្លួនឯង និងអ្នកដទៃ
- ស្គាល់ពីតួនាទីរបស់ខ្លួន។
ឃ. ប្រកាន់សីលធម៌ គោរពច្បាប់
- ប្រកាន់សីលធម៌រស់នៅល្អ (ស្រលាញ់ និងគោរពស្ដាប់ដំបូន្មានឪពុកម្ដាយ ចាស់ទុំ អ្នកដទៃ គោរពបទបញ្ជា និងវិន័យ...)
- គោរពសិទ្ធិមនុស្ស រៀបចំឱ្យមានប្រយោជន៍ដល់សង្គមជាតិ
- គោរពច្បា់ដែលរដ្ឋបានចែង មានដូចជាៈ ច្បាប់ប្រឆាំងការប្រើប្រាស់ និងជួញដូរគ្រឿងញៀន ច្បាប់ប្រឆាំងអំពើហិង្សាក្នុងគ្រួសារ ច្បា់ប្រឆាំងការជួញដូរមនុស្ស ច្បាប់ចរចរណ៍...។
ង. ចូលរួមការងារផលិតកម្មដើម្បីលើកកំពស់ជីវភាពរស់នៅរបស់ខ្លួន និងសង្គម
- ចូលរួមការអភិវឌ្ឍសេដ្ឋកិច្ចមានដូចជា ការបង្កបង្កើនផលបែបប្រពលវប្បកម្ម បំរើការនាំចេញទៅក្រៅប្រទេស។
- ចូលរួមបង្កើនប្រាក់ចំណូលក្នុងគ្រួសារ ដូចជាចិញ្ចឹមត្រី ចិញ្ចឹមសត្វ ដាំបន្លែជាដើម។
- ចូលរួមចំណែកក្នុងសេវាកម្មផ្សេងៗដូចជាអប់រំសុខាភិបាល ការពារបរិស្ថាន ទេសចរណ៍ ពាណិជ្ជកម្មជាដើម។
