មតិអ្នកអប់រំមួយរូបបានពោលថា “ការសិក្សាវប្បធម៌ អរិយធម៌ ជាការអប់រំបណ្ដុះនូវស្មារតីគំណិតឧត្តមគតិ អត្តសញ្ញាណជាតិខ្មែរដល់កូនខ្មែរ”។ ចូរបកស្រាយ។

មតិអ្នកអប់រំមួយរូបបានពោលថា “ការសិក្សាវប្បធម៌ អរិយធម៌ ជាការអប់រំបណ្ដុះនូវស្មារតីគំនិតឧត្តមគតិ អត្តសញ្ញាណជាតិខ្មែរដល់កូនខ្មែរ” បកស្រាយដូចខាងក្រោម៖

            ការសិក្សាវប្បធម៌ អរិយធម៌ខ្មែរ គឺធ្វើឲ្យកូនខ្មែរយើងស្គាល់ ប្រភពលក្ខណៈជាតិ និងតម្លៃរបស់ព្រលឹងជាតិខ្មែរបានកាន់តែច្បាស់។ ការដឹង ការស្គាល់អំពីតម្លៃអរិយធម៌ជាពិសេសពិតជា​​  នាំឲ្យកូនខ្មែរយើង មានមោទនភាពចំពោះជាតិខ្មែរ ពោលគឺអត្តសញ្ញាណជាតិខ្មែរ និងឧត្តមគតិដ៏ខ្ពង់ខ្ពស់របស់ខ្មែរយើង។

            អត្តសញ្ញាណជាតិខ្មែររួមមាន៖

• ឈ្មោះមនុស្ស

សុខ សៅ លឹម រតនៈ រ៉ាវី រចនា...។

• ឈ្មោះរុក្ខជាតិ

ដើមត្នោត ដើមរំដួល ដើមក្រវ៉ាន់...។

• ឈ្មោះភូមិស្រុក

ភូមិក្រឡាញ់ ភូមិព្រៃសម្លាញ ភូមិខ្សុំ...។

• ឈ្មោះរមណីយដ្ឋាន

អំពែភ្នំ អូរតាវ៉ៅ ភ្នំដា ភ្នំបាខែង កាំពី...។

• ឈ្មោះមុខម្ហូបអាហារ

សម្លកកូរ សម្លម្ជូរ សម្លប្រហើរ ប្រហុក...។

• សម្លៀកបំពាក់បែបខ្មែរ

ស្លៀកចងក្បិន ហូល អាវប៉ាក់ ផាមួង...។

• ប្រភេទរបាំ

របាំគោះត្រឡោក របាំអប្សរា របាំត្រុដិ...។

• ឥរិយាបថ

            ដេក ដើរ ឈរ អង្គុយ និយាយ គិត...។

• ទឹកដី

ចំនួន១៨១.០៣៥គ.ម២ ទទួលស្គាល់ដោយច្បាប់ជាតិ និងអន្ដរជាតិ។

• ឈ្មោះខែត្រ

ខែត្រកំពង់ស្ពឺ តាកែវ កណ្ដាល...។

• ប្រភេទសត្វ

ទន្សោង គោព្រៃ ត្រីរាជ ត្រីចង្វារអង្គរ...។

• ចិត្តគំនិត អត្តចរិត ទំនៀមទម្លាប់ ប្រពៃណី ភាសានិយាយ “ភាសាខ្មែរ”
• សិល្បៈ

ភ្លេងពិណពាទ្យ ភ្លេងមហោរី ភ្លេងអារក្ស...។

តាមរយៈអត្តសញ្ញាណជាតិ ឧត្តមគតិជាតិ ពិតជាបានឆ្លុះបញ្ចាំង ឲ្យយើងស្គាល់ពីសារៈសំខាន់របស់វាដូចតទៅ៖

១.ស្គាល់ពីតម្លៃនៃអរិយធម៌ជាតិរបស់ខ្លួន

២.យល់ដឹងស៊ីជម្រៅ អំពីការការពារ និថែរក្សាអត្តសញ្ញាណជាតិ និងជាតិឲ្យគង់វង្ស

៣.នាំឲ្យប្រជាជាតិមានជំហរ ស្រឡាញ់ពេញចិត្ត និងមានឧត្តមគតិជាតិ

៤.បានស្គាល់អំពីអត្តចរិតពិតរបស់ជាតិ

៥.នាំឲ្យប្រជាជាតិមានវិធានការ ទប់ស្កាត់នូវអ្វីៗដែលអសកម្ម ដែលមិនល្អចំពោះជាតិ។