ជម្ងឺអេដស៍ គឺជាជម្ងឺឱកាសនិយម និងជាជម្ងឺដែលធ្វើឲ្យសង្គមជាតិមានការព្រួយបារម្ភជាខ្លាំង។
ក. ការរីករាលដាលនៃជម្ងឺអេដស៍នៅលើពិភពលោកជាពិសេស នៅប្រទេសកម្ពុជាយើង បណ្ដាលមកពី៖
- ខ្វះចំណេះដឹងជាមូលដ្ឋាននៃការរួមភេទ
- ខ្វះការអប់រំដល់ពលរដ្ឋទូទៅ
- មិនយល់ច្បាស់ពីវិធីបង្ការ និងវិធីទប់ស្កាត់
- មិនស្គាល់ពីប្រភេទនៃស្រោមអនាម័យ
- មានដៃគូច្រើនក្នុងការរួមភេទ
- ប្រើប្រាស់ម្ជុលសឺរុំាងរួមគ្នា
- ទុកចិត្តដៃគូដោយពុំគិតពីអនាគតដ៏វែង
- យកទស្សនៈមានអេដស៍ប្រសើរជាងអត់
- ចចេសរឹងរូសចង់សាកល្បងជាមួយអេដស៍
- ប្រមាថជីវិតរបស់ខ្លួនជាដើម។
ខ. ក្នុងនាមខ្ញុំជាគ្រូបង្រៀនមួយរូប ដើម្បីការពារខ្លួនខ្ញុំផ្ទាល់ សិស្សខ្ញុំ និងប្រជាពលរដ្ឋខ្ញុំ កុំឲ្យ
ឆ្លងជម្ងឺអេដស៍ ខ្ញុំត្រូវធ្វើការអប់រំ និងផ្សព្វផ្សាយដូចតទៅ៖
- ត្រូវមានស្នេហាស្មោះមួយទល់មួយ
- ត្រូវពិនិត្យឈាមមុនពេលរៀបអាវាហ៍វិវាហ៍
- មិនត្រូវប្រើម្ជុល ឬគ្រឿងទម្លុះស្បែករួមគ្នា
- ត្រូវប្រើប្រាស់ ស្រោមអនាម័យ ក្នុងករណីមានដៃគូរួមភេទច្រើន
- មិនត្រូវបញ្ចូលឈាម រវាងគ្នានឹងគ្នាដោយខ្វះការត្រួតពិនិត្យពីមន្ទីរពិសោធន៍ឡើយ
- មិនត្រូវប៉ះពាល់ឈាមអ្នកដទៃដោយផ្ទាល់បើសិនជាខ្លួនអ្នកមានស្នាមរបួសសើស្បែក
- ត្រូវយល់ដឹងពីរូបភាពពិតនៃការវិវត្តចំពោះអ្នកដែលមានផ្ទុកមេអេដស៍ (ទស្សនៈកិច្ច ឬផ្សព្វផ្សាយរូបភាព អ្នកកើតអេដស៍)
- យុវជន យុវនារីគួរគប្បីកុំប្រញាប់ក្នុងការរួមភេទដោយប្រថុយប្រថាន។ (សំខាន់ណាស់)
