តើកូនប្រុសកូនស្រី ត្រូវមានវិន័យ និងឥរិយាបថដូចម្តេចខ្លះក្នុងគ្រួសារ ? ក្នុងច្បាប់កេរកាលថ្មី តើកវីង៉ុយចែកកូនជាប៉ុន្មានប្រភេទ ? អ្វីខ្លះ ?

វិន័យ និងឥរិយាបថ កូនចៅប្រុសស្រីនៅក្នុងគ្រួសារគឺ ៖

• គោរពតាមដំបូន្មានមាតាបិតា
• មានភាពស្មោះត្រង់ យុត្តិធម៌
• មិនប្រព្រឹត្តអំពើពាលា ដែលនាំអោយអាប់អោនកិត្តិយសខ្លួនឯង ឪពុកម្តាយ និងសង្គមជាតិ
• មិនបង្កលក្ខណៈដែលធ្វើអោយម៉ែឪពិបាកចិត្ត
• ស្វ័យសិក្សា
• ចេះជួយបំពេញការងារក្នុងគ្រួសារ
• ស្រលាញ់ ដឹងគុណឪពុកម្តាយ និងអ្នកដែលធ្វើល្អមកលើខ្លួន ។

ក្នុងច្បាប់កេរកាលថ្មី កវីង៉ុយចែកកូនជា៣ប្រភេទគឺ ៖

• អវជាតបុត្រ  ៖ គឺកូនដែលមិនស្តាប់តាមដំបូន្មានឪពុកម្តាយហើយធ្លាក់ក្នុងអន្ទាក់នៃជនពាល
• អនុជាតបុត្រ ៖ គឺកូនដែលស្តាប់តាមដំបូន្មានឪពុកម្តាយ ស្គាល់ខុសស្គាល់ត្រូវ ។
• អតិជាតបុត្រ ៖ គឹកូនដែលល្អបរិសុទ្ធប្រសើរជាងឪពុកម្តាយហើយដឹកនាំឪពុកម្តាយឆ្ពោះទៅកាន់បរមសុខ (ព្រះនិញ្វន) ។