Point Center Login Help

ចង់ប្តូរការងារ ឬ កំពុងស្វែងរកការងារ​​ ផ្វើសារឥឡូវនេះ

សំណួរ

១. តើព្រះរាជពិធីច្រត់ព្រះនង្គ័ល គេធ្វើនៅពេលណា ?

២. តើស្រីហិតោបទេសមានន័យដូចម្តេច ?

៣. តើពិធីសំពះព្រះខែ អកអំបុកប្រារព្ធធ្វើនៅថ្ងៃណា ខែណា ? ហើយគេធ្វើពិធីនេះដើម្បីអ្វី ?

៤. តើនរណាជាអ្នកបង្កើតអង្គការកាកបាទក្រហម ? ជនជាតិអ្វី ? នៅក្នុងឆ្នាំណា ? មានទិសដៅដូចម្តេច ?

៥. តើវប្បធម៌សន្តិភាព មានសារៈប្រយោជន៍ អ្វីខ្លះចំពោះសង្គមខ្មែរ ?

ចម្លើយ

១. ព្រះរាជពិធីច្រត់ព្រះនង្គ័ល គេធ្វើឡើងនៅថ្ងៃ ៤រោច ខែពិសាខ ជាថ្ងៃដែលគេរៀបចំធ្វើព្រះរាជពិធីច្រត់ព្រះនង្គ័លជាឧឡារឹក ។

២. ស្រីគឺសិរីមង្គល ឯហិតោបរទេស ប្រែថា ការប្រៀនប្រដៅប្រយោជន៍​ការពន្យល់ប្រយោជន៍ការប្រាប់ប្រយោជន៍ឬការដឹកនាំអនុជនឱ្យមានប្រយោជន៍នៅនាលោកិយនេះ ពុំនោះសោតនឹងហៅថាធម៌បំពេញមនុស្សភាព ក៏សឹងបានសេចក្តី ថាមនុស្សយល់ពីប្រយោជន៍ គឺស្រលាញ់ពលកម្មនោះនៃឱ្យមានទ្រព្យសម្បត្តិ ទ្រព្យសម្បត្តិនាំឱ្យមានសេចក្តីថ្លៃថ្នូរ សេចក្តីថ្លៃថ្នូរនាំឱ្យមានសិរីសួស្តីសុភមង្គល ។

៣. ពិធីសំពះព្រះខែ អកអំបុក គេធ្វើនៅក្នុងរាត្រីថ្ងៃ ១៥កើត ខែកក្តិក ។ ហើយគេធ្វើបុណ្យសំពះព្រះខែដើម្បីរំឮកដល់កាលដែលព្រះពោធិសត្វយោនយកព្រះសញ្ជាតិទៅកើតជាសត្វទន្សាយ ព្រោះនៅក្នុងរង្វង់ព្រះច័ន្ទដែលមានពន្លឺពេញបូរមី គេឃើញមានរូបទន្សាយ ។ រូបទន្សាយនេះព្រះឥន្ទ្រយកម្នាងសិលាមួយដុំគូសវាសភ្ជាប់រូបទន្សាយក្នុងរង្វង់ព្រះច័ន្ទ ។ ចំពោះបុណ្យអកអំបុកធ្វើឡើងជាការរំឮកចំពោះព្រះពោធិសត្វយោនយកកំណើតជាសត្វទន្សាយ ។ ប្រជាកសិករយើងច្រើនហូបអំបុកជាមួយចេក ហេតុនេះហើយបានជាក្នុងពិធីសំពះព្រះខែគេច្រើនដាក់ចេកថ្វាយព្រះចន្ទជាមួយអំបុក ។

៤. អ្នកដែលបានបង្កើតអង្គការកាកបាទក្រហម គឺ លោក ហង់ រីឌុយណង់ ជនជាតិស្វ៊ីស ហើយទង់កាកបាទក្រហមយក លំនាំតាមទង់ជាតិស្វ៊ីស ។ ហើយអង្គការនេះបង្កើតឡើងនៅឆ្នាំ ១៨៦៣ នៅទីក្រុងហ្សឺណេវ ទិសដៅដំបូងបង្អស់របស់កាកបាទក្រហមគឺ ៖

  • សង្រ្គោះដល់ជនរងគ្រោះដោយសង្រ្គាម
  • ព្យាបាលរបួស សង្រ្គោះយុទ្ធជន ដែលពើបប្រយុទ្ធគ្នាដោយមិនប្រកាន់ពូជសាសន៍ និន្នាការនយោបាយ ។

៥. វប្បធម៌សន្តិភាពមានសារៈប្រយោជន៍ជាច្រើនចំពោះសង្គមខ្មែរ ដែលរួមមានដូចតទៅ ៖

  • វប្បធម៌សន្តិភាពជាភាវៈទ្រទ្រង់នូវការសាបព្រោះបណ្តុះបណ្តាលភាពស្ងប់ចិត្ត បង្កើតចរិយាធម៌ចេះគោរពសិទ្ធិមនុស្សស្របតាមកប្រជាធិបតេយ្យ និងលទ្ធិពុទ្ធសាសនា ។
  • អប់រំមនុស្សឱ្យគោរពជីវិតសព្វយ៉ាង លើកកម្ពស់សេចក្តីថ្លៃថ្នូរ និងលុបបំបាត់ការរើសអើងដោយមិនប្រកាន់អ្វីទាំងអស់ ។
  • អប់រំមនុស្សឱ្យប្រកាន់មាគ៌ាអហិង្សា មានខន្តីសន្តោស លះបង់អស្មិមាន និងមាព្រហ្មវិហារធម៌ក្នុងខ្លួន ។
  • អប់រំមនុស្សឱ្យចេះគោរពសិទ្ធិមនុស្សលទ្ធិប្រជាធិបតេយ្យ ចេះប្រើសិទ្ធិ ចេះគោរពច្បាប់ធ្វើឱ្យសង្គមមានសណ្តាប់ធ្នាប់ល្អ ។
  • អប់រំមនុស្សឱ្យចេះអភិវឌ្ឍប្រកបដោយនិន្តរភាពទាំងសម្ភារ ចំណេះដឹង បញ្ញាស្មារតី ដើម្បីវឌ្ឍភាពនៃជីវិត និងសុភមង្គល ។


×

×

Tips to earn more points:

  • Get 2 point for each question.
  • Learn more how to earn point quickly with Point Center

Login

×

One more step

Please login to share your idea

Register Login