តើនិព្វានជាអ្វី ? ហេតុអ្វីបានជាពុទ្ធបរិស័ទប្រាថ្នាចង់ទៅព្រះនិព្វាន ?

+ និព្វាន មកពី ៖

• និស ចាកផុត ចេញផុតស្រឡះ អស់ ឥត
• វាន ជាឈ្មោះតណ្ហាដែលបាក់ស្រេះ ទាក់ធ្លាក់ រូបរិតនៅក្នុងសន្ដានចិត្តសត្វ ។
• និ+ វាន , វ » ព តម្រូត ព » ព្វ-­និព្វាន មានអត្ថន័យថា គឺជាឈ្មោះធម្មជាតិឬចិត្តដែលបរិយាយថាអស់មានកម្មដដែលៗ​តទៅទៀតហើយ ( ភាពស្ងប់ស្ងាត់ គ្មានកើត ចាស់ ឈឺ ស្លាប់ ) ។

+ បានជាពុទ្ធបរិស័ទប្រាថ្នាចង់បានទៅព្រះនិព្វាន ព្រោះពុទ្ធបរិស័ទមើលឃើញថាជីវិតលោកិយមិនទៀងទាត់ អ្វីៗមិនស្ថិតស្ថេរ សេចក្ដីសុខ ឬ សប្បាយទ្រព្យសម្បត្តិ សេចក្ដីរុងរឿង កិត្តិយស រួមទាំងរូបកាយនិងជីវិតតែងតែប្រែប្រួល ឬ វិនាសទៅវិញដោយចៀសមិនផុតឡើយ ។ ដូច្នេះហើយមានតែស្ថាននិព្វានទេ ដែលជាស្ថានរំលត់ទុក្ខ ដែលជាកន្លែងបំផ្លាញចំណង់គ្រប់យ៉ាងមានតែសុខ សុភមង្គលរៀងរហូត ប៉ុន្ដែអ្នកដែលអាចទៅកាន់ព្រះនិព្វាន មានតែព្រះអរិយបុគ្គលតែបុគ្គលប៉ុណ្ណោះ ។