Point Center Login Help

ចង់ប្តូរការងារ ឬ កំពុងស្វែងរកការងារ​​ ផ្វើសារឥឡូវនេះ

Answer 1


user icon
You
2017-09-06 22:01

សិទ្ធិទាំង ៤៦ ប្រភេទគឺ :

-សិទ្ធិដើម្បីរស់រានមានជីវិត គឺមិនសម្លាប់ និងការពារជីវិតឱ្យគង់វង្ស

-សិទ្ធិដើម្បីមានសេរីភាព បំបិទសេរីភាព គឺរំលោភសិទ្ធិ

-សិទ្ធិរួចផុងពីការធ្វើទារុណកម្ម ទារុណកម្មគ្រប់ប្រភេទត្រូវហាមជាដាច់ខាត

-សិទ្ធិស្មើគ្នានៅចំពោះមុខច្បាប់ គឺច្បាប់ត្រូវការពារ និងផ្ដន្ទាទោសមនុស្សស្មើៗគ្នា

-សិទ្ធិរួចផុតពីការរើសអើង គឺមិនត្រូវប្រកាន់បក្សពួក វណ្ណៈ ឋានៈ ។ល។

-សិទ្ធិឱ្យមានច្បាប់ការពារ  គឺត្រូវមានច្បាប់ឱ្យគ្រប់គ្រាន់សម្រាប់ការពារមនុស្សលើគ្រប់វិស័យ

-សិទ្ធិដើម្បីមានសញ្ជាតិមួយ គឺឱ្យតែមនុស្សត្រូវតែមានសញ្ជាតិ

-សិទ្ធិមានឈ្មោះមួយ

-សិទ្ធិប្រព្រឹត្តតាមដំណើរការច្បាប់ គឺត្រូវប្រតិបត្តិតាមលំនាំច្បាប់

១០-សិទ្ធិប្រើប្រាស់ប្រព័ន្ធតុលាការ គឺចេញចូលតុលាការបានតាមត្រូវការ

១១-សិទ្ធិទទួលការជំនុំជំរះក្ដី  ដោយអាជ្ញាធរមានសមត្ថកិច្ច មិនលំអៀង និងឯករាជ្យ គឺមានតែតុលាការទេ ដែលមានសមត្ថកិច្ចកាត់សេចក្ដី ហើយអង្គចៅក្រមត្រូវតែអព្យាក្រិត ឥតលំអៀង និងឯករាជ្យ

១២-សិទ្ធិមានការជំនុំជំរះក្ដីជាសាធារណៈ  គឺតុលាការជំរះក្ដីដោយមានសាធារណៈជនចូលស្ដាប់ផង

១៣-សិទ្ធិទទួលព័ត៌មានស្ដីពីការចោទប្រកាន់ គឺបើក្រសួងធ្វើការចោទប្រកាន់ជនណាម្នាក់ គឺត្រូវតែប្រាប់មូលហេតុនៃការចោទប្រកាន់នោះ

១៤-សិទ្ធិសន្មតជាមុនថាជាមនុស្សគ្មានកំហុស គឺបើតុលាការមិនទានរកភស្តុតាងថាជនបានប្រព្រឹត្តកំហុស ត្រូវចាត់ទុកជននោះថាជាជនគ្មានកំហុស

១៥-សិទ្ធិមិនឱ្យគេបង្ខំឱ្យបង្ហាញភស្ដុតាងដែលជាប់ជំពាក់ក្នុងបទឧក្រិដ្ឋដោយខ្លួនឯង គឺមិនត្រូវបង្ខំឱ្យជនដែលជាប់សង្ស័យ បង្ហាញភស្ដុតាងទម្លាក់កំហុសដោយខ្លួនឯងឡើយ

១៦-សិទ្ធិអាចទារយកព័ត៌មានដែលជាប់ទាក់ទងនឹងខ្លួន

១៧-សិទ្ធិមានការឧបត្ថម្ភសេវាច្បាប់ដោយឥតគិតឈ្នួល គឺបើជនជាប់ចោទមិនមានប្រាក់ជួលអ្នកការពារក្ដីទេ ក្រសួង ឬស្ថាប័នឯទៀតដែលទាក់ទិនត្រូវផ្ដល់ឱ្យ

១៨-សិទ្ធិជ្រើសរើសសេវាច្បាប់ការពារខ្លួន គឺជនជាប់ចោទអាចទទួលយកស្មាក្ដីដែលរដ្ឋផ្ដល់ឱ្យ ឬបើមានប្រាក់គេអាចជួលស្មាក្ដីដោយខ្លួនឯង

១៩-សិទ្ធិមានពេលវេលា និងមានលទ្ធភាពរៀបចំកិច្ចការពារខ្លួនតាមផ្លូវច្បាប់ គឺមុននឹងនាំជនជាប់ចោទទៅជំរះក្ដីត្រូវទុកពេលឱ្យជននោះរកស្មាក្ដីដើម្បីសិក្សាសំណុំរឿង និងរៀបចំការពារក្ដីឱ្យគេ

២០-សិទ្ធិការពារ និងសិទ្ធិឆ្លើយដោះសារដោយផ្ទាល់ គឺជាដាច់ខាតត្រូវផ្ដល់លទ្ធភាពឱ្យជនជាប់ចោទឆ្លើយឆ្លងឱ្យបានគ្រប់គ្រាន់ដើម្បីការពារខ្លួន

២១-សិទ្ធិមានការទាក់ទងជាមួយស្មាក្ដី គឺត្រូវអនុញ្ញាតឱ្យជនដែលនៅក្នុងមន្ទីរឃុំឃាំង ឬក្នុងគុក មានការទាក់ទងជាមួយអ្នកការពារក្ដីតាមត្រូវការ

២២-សិទ្ធិមានជំនួយពីអ្នកបកប្រែភាសាដោយឥតឈ្នួល គឺបើកាត់ទោសលើជនបរទេស ក្រសួង ឬស្ថាប័នពាក់ព័ន្ធត្រូវផ្ដល់អ្នកបកប្រែភាសា

២៣-សិទ្ធិមានលទ្ធភាពតក្ដីស្មើគ្នា ចំពោះអំណាចច្បាប់

២៤-សិទ្ធិមានការពិនិត្យពិច្ច័យលើសាក្សី គឺអ្នកការពារក្ដីអាចសួរដេញដោលសាក្សីដើមចោទ

២៥-សិទ្ធិឱ្យតុលាការប្រតិបត្តិតាមនីតិវិធី គឺការកាត់ទោសមិនសមស្របតាមនីតិវិធី នឹងចាត់ទុកជាឥតបានការ

២៦-សិទ្ធិទទួលបានការដោះស្រាយដោយប្រសិទ្ធភាព គឺនៅក្នុងដំណើរការកាត់ក្ដី តុលាការត្រូវដោះស្រាយបញ្ហានានាដោយវិធីឆាប់រហ័ស និងវាងវៃ

២៧-សិទ្ធិមិនត្រូវមានទោសបញ្ញត្តិដែលមានប្រតិកម្មធាក់ថយ

២៨-សិទ្ធិសុំប្ដឹងឧទ្ធរណ៍ គឺបើភាគីណាមិនពេញចិត្តចំពោះសេចក្ដីសម្រេចនៃតុលាការថ្នាក់ក្រោម គេអាចប្ដឹងទៅតុលាការថ្នាក់លើទៀត

២៩-សិទ្ធិមានការគ្រប់គ្រងដោយមនុស្សធម៌ គឺមិនត្រូវផ្ដន្ទាទោស ឬប្រព្រឹត្តអំពើឃោរឃៅ អមនុស្សធម៌លើជនណាឡើយ

៣០-សិទ្ធិមានការគ្រប់គ្រងសមរម្យជាអ្នកទោស គឺត្រូវទុកដាក់អ្នកទោសឱ្យសមស្របតាមបទដ្ឋាននៃការគ្របគ្រងអ្នកទោស

៣១-សិទ្ធិការពារពីការរំលោភរបស់អាជ្ញាធរ គឺត្រូវមានច្បាប់សម្រាប់ទប់ស្កាត់ និងផ្ដន្ទាទោសមន្ត្រីរាជការ ដែលប្រព្រឹត្តរំលោភលើរាស្រ្តស្លូតត្រង់

៣២-សិទ្ធិទទួលយក សែ្វងរក និងចែកចាយព័ត៌មាន គឺមិនត្រូវហាមឃាត់មិនឱ្យយកព័ត៌មាន និងចែកចាយព័ត៌មានឡើយ

៣៣-សិទ្ធិមានមនសិការ និងបញ្ចេញមតិដោយសេរី រួមទាំងជំនឿសាសនា និងជំនឿនយោបាយ

៣៤-សិទ្ធិមានសន្តិសុខក្នុងលំនៅឋានរបស់ខ្លួន គឺមិនត្រូវយាយីលំនៅឋានគេឡើយ

៣៥-សិទ្ធិមាននិរភ័យក្នុងទំនាក់ទំនងផ្ទាល់ខ្លួន គឺមិនត្រូវជ្រៀតជ្រែកក្នុងកិច្ចការរបស់អ្នកដទៃ ជាអាទិ៍ការទាក់ទងផ្ទាល់ខ្លួន

៣៦-សិទ្ធិមានកិច្ចការពារកិត្តិយស និងកិត្តិសព្ទ គឺត្រូវមានច្បាប់ការពារកុំឱ្យមានការប៉ះពាល់កិត្តិសព្ទ និងកិត្តិយស

៣៧-សិទ្ធិធ្វើដំណើរដោយសេរី​ ប៉ុន្តែបើចូលទៅប្រទេសដទៃ ត្រូវមានការអនុញ្ញាតពីប្រទេសនោះ

៣៨-សិទ្ធិតាំងលំនៅឋានដោយសេរី ប៉ុន្តែត្រូវឱ្យសមស្របតាមច្បាប់សំណង់

៣៩-សិទ្ធិមានសំណងជំងឺចិត្តក្នុងករណីមានការខុសធ្លោយខាងយុត្តិធម៌ បើកាត់ទោសជនណាម្នាក់ខុស ត្រូវតែសងជំងឺចិត្តជននោះ

៤០-សិទ្ធិរួចផុតពីការធ្វើពិសោធន៍ខាងពេទ្យ ឬខាងវិទ្យាសាស្ត្រដោយគ្មានការព្រមព្រៀង បើគ្មានការព្រមព្រៀងដោយសេរីពីសាមីខ្លួនទេ គឺមិនអាចធ្វើការពិសោធន៍លើជននោះឡើយ

៤១-សិទ្ធិរៀបអាពាហ៍ពិពាហ៍ រួមមានសិទ្ធិបដិសេធមិនព្រមរៀបអាពាហ៍ពិពាហ៍ដោយគ្មានការសុខចិត្តដោយសេរី និងពេញលេញ

៤២-សិទ្ធិមិនឱ្យគេដកហូតទ្រព្យសម្បត្តិតាមអំពើចិត្ត គឺដោយគ្មានបញ្ជាពីតុលាការ

៤៣-សិទ្ធិរួចផុតពីការជាប់ពន្ធនាគារដោយសារការជាប់ជំពាក់បំណុលគេ គឺមិនត្រូវយកមនុស្សទៅដាក់គុកដោយសាររឿងជំពាក់បំណុលឡើយ

៤៤-សិទ្ធិមិនត្រូវឱ្យគេនិរទេសដោយគ្មានបញ្ជាពីតុលាការ គឺមានតែស្ថាប័នតុលាការទេ ដែលមានងំណាចសម្រេចនិរទេសមនុស្ស

៤៥-សិទ្ធិចាកចេញពីប្រទេស និងសិទ្ធិត្រឡប់ចូលមកក្នុងប្រទេសវិញ

៤៦-សិទ្ធិមិនចូលបំរើកងទ័ព ដោយសំអាងទៅលើលទ្ធិ ឬជំនឿសាសនាអ្វីមួយ


Login or Register to Share Login

×

×

Tips to earn more points:

  • Get 2 point for each question.
  • Learn more how to earn point quickly with Point Center

Login

×

One more step

Please login to share your idea

Register Login