ពាក្យថា “អាស៊ាន” មានន័យជាខេមរភាសាដូចម្តេច ? ជាភាសាអង់គ្លេសដូចម្តេច ? ហើយកើតឡើងនៅពេលណា ? ពេលនោះមានសមាជិកប៉ុន្មាន ? តើប្រទេសណាខ្លះ ? បច្ចុប្បន្នមានសមាជិកប៉ុន្មាន ? ប្រទេសផ្សេងទៀតបានចូលជាសមាជិកនៅពេលណា ?

ពាក្យថា “អាស៊ាន” មានន័យ ៖

• ជាខេមរភាសា ៖ អាស៊ាន = សមាគមប្រជាជាតិអាស៊ីអាគ្នេយ៍ ។
• ជាភាសាអង់គ្លេស ASEAN ៖ Association of south East Asia Nations ។
• អង្គការសមាគមប្រជាជាតិអាស៊ីអាគ្នេយ៍ ត្រូវបានបង្កើតឡើងយោងតាមសេចក្តីប្រកាសនៅក្រុងបាងកក ថ្ងៃទី៨ ខែសីហា ឆ្នាំ ១៩៦៧ ។ នៅពេលនោះប្រទេសជាសមាជិកអាស៊ានមាន ៥គឺ ៖ ថៃ ម៉ាលេស្យា ភីលីពីន ឥណ្ឌូនេស៊ី សិង្ហបុរី ។
• បច្ចុប្បន្ន ប្រទេសដែលជាសមាជិកមាន ១០ ពោលគឺបន្ថែមប្រទេស ៥ ទៀត នៅអាស៊ី ៖
• ប្រទេសព្រុយនេ (៨ មករា ១៩៨៤)
• ប្រទេសវៀតណាម (២៨ កក្កដា ១៩៩៥)
• ប្រទេសមីយ៉ាន់ម៉ា (២៣ កក្កដា ១៩៩៧)
• ប្រទេសឡាវ (២៣​ កក្កដា ១៩៩៧)
• ប្រទេសកម្ពុជា (៣០ មេសា ១៩៩៩) ។