តើតំបន់ពាណិជ្ជកម្មសេរីអាស៊ាន មានគោលដៅអ្វីខ្លះ ?

វត្ថុបំណងសំខាន់បំផុតរបស់ AFTA គឺដើម្បីបង្កើនឧត្តមភាពប្រកួតប្រជែងរបស់អាស៊ានដែលជាមូលដ្ឋានផលិតកម្មមួយសម្រាប់ទីផ្សារពិភពលោក ។​​ ជំហានដ៏សំខាន់នៅក្នុងទិសដៅនេះគឺសេរីភាវូបនីយកម្មពាណិជ្ជកម្មនៅក្នុងតំបន់តាមរយៈការលុបបំបាត់របាំងមិនមែនពន្ធគយក្នុងតំបន់​ ។ កិច្ចការនេះនឹងជះឥទ្ធិពលដល់ការធ្វើវិស័យផលិតកម្មអាស៊ានកាន់តែមានប្រសិទ្ធភាពនិងបង្កើនការប្រកួតប្រជែងនៅក្នុងទីផ្សារពិភពលោក ។ ស្របពេលជាមួយគ្នានេះអ្នកប្រើប្រាស់នឹងទទួលបានទំនិញពីផលិតករដែលកាន់តែមានប្រសិទ្ធភាពឡើងនៅក្នុងអាស៊ាន ដូច្នេះនឹងបង្កើតឡើងនូវពាណិជ្ជកម្មក្នុងរង្វង់អាស៊ាន ។ នៅពេលដែលភាពប្រកួតប្រជែងខាងតម្លៃរបស់ឧស្សាហកម្មផលិតនៅក្នុងតំបន់អាស៊ានត្រូវបានធ្វើឱ្យប្រសើរឡើងព្រមជាមួយនឹងទំហំដទៃនៃទីផ្សារវិនិយោគិនអាចធ្វើឱ្យផលិតកម្មទ្រង់ទ្រាយធំបាន ។ ក្នុងលក្ខខណ្ឌបែបនេះអាស៊ានសង្ឃឹមថានឹងទាក់ទាញវិនិយោគផ្ទាល់ពីបរទេសច្រើនថែមទៀតចូលមកក្នុងតំបន់អាស៊ាន ។ បញ្ហានេះជំរុញឱ្យមានការលូតលាស់នៃឧស្សាហកម្មទ្រទ្រង់នៅក្នុងតំបន់វិនិយោគផ្ទាល់ពីបរទេសជាច្រើន ។​