ក្បាច់ចម្លាក់ខ្មែរបុរាណមាន៣យ៉ាងគឺចម្លាក់លិប ចម្លាប់លៀន ចម្លាក់លោត ។ តើក្បាច់ចម្លាក់នីមួយៗមានតួនាទីនិងអត្ថន័យដូចម្តេចខ្លះ ?

ចម្លាប់លិប ឬចម្លក់រាក់ ៖ ជាក្បាច់ដែលគេឆ្លាក់នៅលើផ្ទាំងថ្មលូកចូលទៅក្នុងផ្ទៃថ្មមិនជ្រៅ មិនសូវឃើញខ្ពស់ឬផុសចេញខ្លាំងពីផ្ទៃថ្មទេ ។ គេច្រើនធ្វើក្បាច់បែបនេះនៅតាមជញ្ជាំងប្រាសាទ ។ ដូចជានៅតាមថែវជាន់ទឹកមួយនៃប្រាសាទអង្គរវត្តជាដើម ។

ចម្លាក់លៀន ឬចម្លាក់ជ្រៅ ៖ ជាក្បាច់ដែលគេឆ្លាក់លៀនចេញខ្ពស់ពីផ្ទៃថ្ម ដោយគេដាប់សាច់ថ្មឱ្យជ្រៅ មើលទៅរូបចម្លាក់ហាក់ដូចផុសចេញពីផ្ទៃថ្ម ។ គេនិយមធ្វើចម្លាក់លៀននៅលើផ្តេរលើសសរពេជ្យ លើជញ្ជាំង ។ ដូចរូបទេពអប្សរជាដើម ។

ចម្លាក់លោត ឬរូបបដិមា ៖ ម្តងនេះគេឆ្លាក់រូបសត្វឬមនុស្ស ពុំមែនលើជញ្ជាំងទេគឺដាច់ពីជញ្ជាំង ប៉ុន្តែផ្អែកជាប់នឹងជញ្ជាំងដោយទំរ ព្រោះខ្លាចរលំដួល ។ ក្រោយមកទៀតគេឆ្លាក់រូបបដិមាដាច់តែឯង ដោយមិនចាំបាច់មានទំរដូចមុនទៀតទេ ។