តើមន្រ្ដីថ្នាក់ណាខ្លះដែលត្រូវចូលនិវត្តន៍ នៅអាយុ៦០ឆ្នាំ?

មន្រ្ដីដែលត្រូវចូលនិវត្តន៍ នៅអាយុ៦០ឆ្នាំមានៈ

ក. មន្រ្ដីដែលកំពុងកាន់មុខតំណែងពិតប្រាកដក្នុងអង្គការលេខ នៃរចនាសម្ព័ន្ធនៃការរៀបចំ និងប្រព្រឹត្តទៅរបស់ក្រសួង ស្ថាប័ន មានៈ

• អគ្គនាយក-អគ្គលេខាធិការ-អគ្គធិការ-អភិបាលរាជធានី ខេត្ត
• អគ្គនាយករង-អគ្គលេខាធិការរង-អគ្គធិការរង
• អធិការ-ប្រធាននាយកដ្ឋាន-អភិបាលរងរាជធានីខេត្ត
• អនុប្រធាននាយកដ្ឋាន-អធិការរង-ប្រធានមន្ទីររាជធានី ខេត្ត-អភិបាលក្រុង ស្រុក ខណ្ឌ
• និងមុខតំណែងទៀត ដែលមានថ្នាក់ស្មើនឹងមុខតំណែងខាងលើ ដែលមាននៅក្នុងអង្គការលេខ នៃរចនាសម្ព័ន្ធនៃការរៀបចំ និងការប្រព្រឹត្តទៅរបស់ក្រសួង ស្ថាប័ន។

ខ.មន្រ្ដីកំពុងបម្រើការងារក្នុងក្របខណ្ឌរដ្ឋ ដែលមានប្រភេទកាំបៀវត្សបច្ចុប្បន្នចាប់ពី កII-៧ឡើងទៅ

គ. មន្រ្ដីដែលមានប្រភេទកាំបៀវត្សបច្ចុប្បន្ន ខI ឬមន្រ្ដីដែលមានសញ្ញាបត្រសមមូល នឹងបរិញ្ញាបត្រឡើងទៅ។

ឃ. មន្រ្ដីដែលមានបម្រើការងារក្នុងក្របខណ្ឌគ្រូបង្រៀន របស់ក្រសួងអប់រំ យុវជន និងកីឡាទាំងអស់ និងគ្រូបង្រៀនអចិន្រ្ដៃយ៍នៅតាមសាកលវិទ្យាល័យ មហាវិទ្យាល័យ និងសាលាបណ្ដុះបណ្ដាលវិជ្ជាជីវៈ នៃក្រសួងនានាហើយដែលបានទទួលប្រាក់កម្រៃគរុកោសល្យ។