តើតម្រូវការយេនឌ័រជាយុទ្ធសាស្រ្តអ្វីខ្លះ ?

តម្រូវការយេនឌ័រជាយុទ្ធសាស្រ្តទាក់ទងនិងឋានៈតួនាទីរបស់ស្រ្តី និងទំនាក់ទំនងរបស់ស្រ្តីនៅក្នុងសង្គម ។ តម្រូវការយេនឌ័រជាយុទ្ធសាស្រ្ត ទាក់ទងទៅនឹងការជ្រើសរើសដើម្បីគ្រប់គ្រងធនធាន និងផលប្រយោជន៍ ផ្សេងៗឬទាក់ទងទៅនឹងការរៀបចំឡើងវិញនូវសមាសភាពការអភិវឌ្ឍន៍ភូមិដើម្បីបញ្ចូលបុរសនិងស្រ្តីឲ្យមានចំនួនស្មើ ។ ដើម្បីដោះស្រាយតម្រូវការផ្លាស់ប្តូរដោយធ្វើអន្តរគមន៍ឲ្យបានសមស្រប ។

          ដំណោះស្រាយយេនឌ័រជាយុទ្ធសាស្រ្ត និងការកែលំអតួនាទីរបស់ស្រ្តីឲ្យបានប្រសើរឡើងអាចសម្រេចតាមរយៈ

• ការបង្កើត និងការកែប្រែគោលនយោបាយសម្រាប់កែលំអរឋានៈ និងតួនាទីរបស់ស្រ្តី
• លុបបំបាត់ការរើសអើង ប្រឆាំងស្រ្តីនិងកុមារី
• កំណត់គោលការសមធម៌ សមភាពយេនឌ័រដែលអាចជួយដល់ស្រ្តី និងកុមារីមានឱកាសស្មើនិងបុរសនិងកុមារាក្នុងឱកាសទទួលការងារ ការបណ្តុះបណ្តាលការអប់រំការធ្វើសេចក្តីសម្រេចបានប្រាក់បៀវត្សស្មើគ្នាចំពោះការងារ ដូចគ្នាសិទ្ធិកាន់កាប់ដីធ្លីទ្រព្យសម្បត្តិសិទ្ធិសេរីភាពក្នុងការជ្រើសរើស ការផ្តល់កំណើតកូនសិទ្ធិគ្រងគ្រងលើធនធានលផលកំរៃនិងចូលរួមដំណើរការអភិវឌ្ឍន៍តាមបែបប្រជាធិបតេយ្យ
• កាត់បន្ថយភាពទន់ខ្សោយ ដែលទោទន់ោទៅរកអំពើហិង្សានិងការកេងប្រវ័ញ្ច
• ធ្វើឲ្យមានសន្តិសុខផ្នែក សេដ្ឋកិច្ច ឯករាជ្យ ភាពការផ្តល់ជំរើសនិងឱកាស
• ការចែករំលែកភារកិច្ច ទទួលខុសត្រូវសម្រាប់ការងារមិនបានកំរៃ
• ស្រ្តីត្រូវមានសេចក្តីទុកចិត្តលើខ្លួនឯងកាន់តែខ្លាំង
• បង្កើនអំណាចផ្នែកនយោបាយផ និងការចូលរួមក្នុងការធ្វើសេចក្តីសម្រេច
• អង្គការស្រ្តីកាន់តែលេចធ្លោឡើងនិងមានប្រសិទ្ធិភាពកាន់តែច្រើនឡើង
• បង្កើនការយល់ដឹងសាធារណៈស្តីពីបញ្ហាស្រ្តី និងសារៈសំខាន់ស្រ្តីចូលរួមជាតំណាងអ្នកបោះឆ្នោត ។