មនុស្សមានការវិវត្តន៍ ៣ដំណាក់កាលហើយដំណាក់កាលនីមួយៗមាន៖
- មនុស្ស អូមូហាំបាលីស៖ គឺមនុស្សដើរដោយជើងបួនមានលក្ខណៈរបៀបស្វាដើរ ពុំទាន់ចេះដឹង(គិត) មានលក្ខណៈជាសត្វច្រើន ។ ចំណែកការរស់នៅស្រដៀងសត្វដូចជា បេះផ្លែឈើ ចាប់សត្វ ហូបសាច់ឆៅជាដើម និងប្រើប្រាស់ឧបករណ៍ពីធម្មជាតិ ដូចថ្ម ឈើ ឆ្អឹងសត្វ ប៉ុន្តែពុំទាន់ចេះកែច្នៃឧបករណ៍ទាំងនោះសម្រាប់ប្រើប្រាស់នៅឡើយទេ ។
- មនុស្ស អូមូអេរិទីស ៖ គឺមនុស្សជំហរត្រង់ មានចំណេះដឹងនៅក្នុងខ្លួន រស់នៅដោយបេះផ្លែឈើបរបាញ់សត្វជាអាហារ ហូបសាច់ឆ្អិនព្រោះរកឃើញភ្លើងនឹងចេះប្រើភ្លើងរស់នៅក្នុងរូងភ្នំ និងប្រើប្រាស់ឧបករណ៍ធ្វើពីធម្មជាតិដូចគ្នា ប៉ុន្តែគេយកមកកែច្នែបន្ថែមឲ្យមានលក្ខណៈរលោងងាយស្រួលប្រើំ ។ ការរស់នៅប្រសើរជាងមនុស្ស អូមូហាំបាលីស ។
- មនុស្ស អូមូសាព្យាង គឺមនុស្សយើងសព្វថ្ងៃដែលរស់នៅក្នុងពិភពលោកនេះ គឺជាមនុស្សដែលមានចំណេះដឹងមានគំនិតចេះគិតច្រើនចេះធ្វើកសិកម្ម នេសាទចេះប្រើប្រាស់ឧបករណ៍ធ្វើពីលោហៈ ដែលជំនួសឲ្យឧបករណ៍ថ្ម និងឆ្អឹងសត្វ ជាដើម ។ នៅពេលមនុស្សរកឃើញលោហៈ និងចេះប្រើប្រាស់លោហៈពេលនេះមនុស្សមានការរីកចម្រើនយ៉ាងលឿន ។
