ដើម្បីជ្រើសរើសមុខរបរ ឬការងារមួយសម្រាប់អនាគត តើអ្នកគប្បីពិចារណលើលខ្ខខណ្ឌអ្វីខ្លះ?

ដើម្បីជ្រើសរើសមុខរបរ ឬការងារឲ្យបានល្អប្រសើរសម្រាប់អនាគត គប្បីយើងគួពិចារណាលើ៖

• សមត្ថភាពវិជ្ជាជីវៈ
  ត្រូវយល់ស្គាល់ពីសមត្ថភាព ជំនាញ ឯកទេសរបស់ខ្លួនឲ្យបានច្បាស់លាស់ជាមុនសិននិងត្រូវប្រាកដក្នុងខ្លួនថានឹងអាចធ្វើអ្វីបានខ្លះ ធ្វើបានក្នុងកម្រិតណាខ្លះ មានពិសោធកម្រិតណា ក្នុងមុខជំនាញណា ព្រោះការងារមិនត្រូវមុខជំនាញវានឹងនាំឲ្យបរាជ័យពុំរីកចម្រើនឡើយ។
• ឧបនិស្ស័យ ឬចំណង់ចំណូលចិត្តៈ
  ត្រូវពិចារណទៅលើនិស្ស័យពីកំណើត ពីចំណង់ចំណូលចិត្តផ្ទាល់របស់ខ្លួន ព្រោះថាអ្វីដែលចង់គឺខ្លូនមានលទ្ធភាព តែអ្វីដែលមិនចង់គឺពុំអាចធ្វើបានឡើយ ជាពិសេសពិចារណថាតើមុខជំនាញ ឬមុខរបរ ឬការងារដែលខ្លួបជ្រើសរើសយកនោះវាសមស្របទៅនឹងនិស្ស័យរបស់ខ្លួនឬទេ។
• ប្រភពធនធាន
  ត្រូវចេះប៉ាន់ប្រមាណពីប្រភពធនធានដែលខ្លួនមានជាមួយនឹងមុខវិជ្ជាជីវមុខរបរដែលខ្លួនជ្រើសរើស ឬបម្រុងនឹងជ្រើសរើសយក ហើយថ្លឹងថ្លែងមើសថាតើអាចទៅរួចឬអត់។ ប្រភពធនធានដែលត្រូវពិចារណាគឺ គិតពីសមត្ថភាព ចំណេះដឹង កម្រិត បច្ចេកទេស ទ្រព្យសម្ភារ ថវិការ សុខភាព រួមទាំងពេលវេលាផងថា តើខ្លួនអាវទ្រោលការងារនោះបានឬទេនិងបានក្នុងកម្រិតណា។
• ឧត្តមគតិសង្គមៈ
  គ្រប់ការងារដែលខ្លួនមានសមត្ថភាពធ្វើបាន ហើយដែលខ្លួនបម្រុងនឹងជ្រើសរើសយកនោះគប្បីជាការងារ ឬមុខរបរស្របច្បាប់ ស្របឧត្តមគតិសង្គមទើបការងារមានស្ថេរភាពនិងការរីកចម្រើន។
• ស្ថានភាពទីផ្សារៈ

ដើម្បីឲ្យការងារ ឬមុខរបររីកចម្រើនបន្ថែមពីលើលក្ខខណ្ឌ៤ខាងដើម ខ្លួនក៏ត្រូវសិក្សាពីតម្រូវការរបស់ទីផ្សារពលកម្ម ឬតម្រូវការនៃការផ្គត់ផ្គង់ថែមទៀត។ បើពុំដូចនោះទេខ្លួនពុំអាចសម្រេចគោលដៅនៃជីវិតបានឡើយ។ ព្រោះពីមួយជំនាន់ទៅមួយជំនាន់ ពីមួយទសវត្សទៅមួយទសវត្ស តម្រូវការទីផ្សារពលកម្មក៏ដូចជាតម្រូវការផ្គត់ផ្គងតែងតែប្រែប្រួលនិងអភិវឍ្ឍ។