សំណួរ
១. ចូរនិយាយពីជំហានដំបូងនៃការសង្រ្គោះទារក ។
២. តើកត្តាអ្វីខ្លះដែលបណ្តាលឱ្យមានការហែកមាត់ស្បូននិងទ្វារមាសផ្នែកខាងលើ ?
៣. ដូចម្តេចដែលហៅថាកាតាលីករ ? ក្លូម៉េរុល ? នុយក្លេអូភីឡាម៉ង់ ? នុយក្លេអូសូម ? នុយក្លេអូល ? ប្លាស្មូលីស ? បង្ហួរនាម ?
៤. តើអង់ស៊ីមមានចំណែកថ្នាក់ប៉ុន្មានក្រុមធំៗ ?
៥. ចូរពិពណ៌នាអំពីលក្ខណៈរបស់អង់ស៊ីម ។
ចម្លើយ
១. ជំហានដំបូងនៃការសង្រ្គោះទារកគឺ ៖
- ផ្តល់កម្តៅ
- សម្អាតស្លេស្មពីមាត់និងច្រមុះ
- ជូតសម្ងួតទារកនិងរៀបចំស្ថានភាពហើយហិត
- រំញោចទារកបើចាំបាច់ ។
២. កត្តាដែលបណ្តាលឱ្យមានការហែកមាត់ស្បូននិងទ្វារមាសផ្នែកខាងលើគឺ ៖
- សម្រាលអូសបន្លាយ/ឧបសគ្គ
- សម្រាលដោយប្រើដង្កៀប/បូម
- សម្រាលដោយប្រញាប់ប្រញាល់ដោយឯកឯងឬដោយការភ្ញោចអុកស៊ីតូស៊ីន
- មាត់ស្បូនមិនធម្មតា/មិនក្រក្រតី ។
៣. ពន្យល់ ៖
- កាតាលីករ ៖ គឺជាសមាសធាតុដែលបង្កើនល្បឿនប្រតិកម្ម ។
- ក្លូម៉េរុល ៖ គឺជាបណ្តូំសសៃប្តូរ រុំព័ទ្ធដោយកន្សោមបូម៉ាន់ របស់ណេប្រុង ។ នៅទីនោះទឹកនិងមូលេគុលរលាយតូចៗច្រោះចេញពីឈាមចូលក្នុងកន្សោមបូម៉ាន់ ។
- នុយក្លេអូភីឡាម៉ង់ ៖ គឺជាភីឡាម៉ង់នៃក្រម៉ូទីនបង្កឡើងដោយម៉ូលេគុលADN ដែលរុំព័ទ្ធលើអ៊ីស្តូន ។
- នុយក្លេអូសូម គឺជាទម្រង់បង្កដោយបណ្តុំម៉ូលេគុលប្រូតេអ៊ីនដែលរុំព័ទ្ធដោយ AND
- នុយក្លេអូល គឺជាធាតុកោសិកានៅក្នុងណ្វៃយ៉ូ ។ វាផ្សំឡើងដោយARN ជាច្រើន ។
- ប្លាស្មូលីស គឺជាបាតុភូតអូស្មូលដែលធ្វើឱ្យកោសិការុក្ខជាតិរួមតូចដោយការបាត់បង់ទឹក ។
- បង្ហូរនោម គឺជាបំពង់ដឹកនាំទឹកនោមចេញពីប្លោកទៅកាន់ទ្វារនោម ។ ចំពោះបុរសបំពង់នេះក៏មាននាទីដឹកនាំស្ពែម៉ាតូសូអ៊ីតផងដែរ ។
៣. អង់ស៊ីមមានចំណែកថ្នាក់អង់ស៊ីមជា៦ក្រុមធំៗគឺ ៖
- អុកស៊ីដូរេដុតាស គឺជាអង់ស៊ីម ដែលចូលរួមក្នុងប្រតិកម្មអុកស៊ីដូរេដុកម្ម (ប្រតិកម្មរេដុ) ។ ថ្នាក់រងរបស់ក្រុមនេះមាន ៖
- ដេអ៊ីដ្រូសែនណាស
- អុកស៊ីដាស
- អុកស៊ីសែនណាស
- ពែអុកស៊ីតដាស
- រេដុចតាស
- អ៊ីដ្រុកស៊ីឡាស ។
- ត្រង់ស្វ៊ែរ៉ាស គឺជាអង់ស៊ីម ដែលចូលរួមក្នុងប្រតិកម្មគីមីយថាប្រភេទដោយផ្ទេរម៉ូលេគុល ពីបណ្តុំមួយទៅបណ្តុំមួយទៀតដូចជាបណ្តុំអាមីន បណ្តុំកាបុកស៊ីល មេទីល ផូស្វរីល ។
- អ៊ីដ្រូឡាស គឺជាអង់ស៊ីម ដែលចូលរួមក្នុងប្រតិកម្មផ្តាច់សម្ព័ន្ធគីមីដោយការភ្ជាប់អ៊ីយ៉ុងH- និង អ៊ីយ៉ុងH+ ដែលបានមកពីម៉ូលេគុលទឹក (ប្រតិកម្មអ៊ីដ្រូលីស) ។ អ៊ីដ្រូលាសរួមមានកាបូអ៊ីដ្រាស (អាមីឡាស សែលុយឡាស) ប្រូតេអាស លីប៉ាស អេស្ទែរ៉ាស ផូស្វាតាស និងប៉ិបទីដាស ។
- លីយ៉ាស គឺជាអង់ស៊ីមឌេលបំបែកទឹក កាបូនឌីអុកស៊ីស និងអាម៉ូញ៉ាក់ ក្នុងនោះរួមមាន ដេអ៊ីដ្រាតាស ឌែមីណាលីយ៉ាស ។
- អ៊ីសូមេរ៉ាស គឺជាអង់ស៊ីមដែលជំរុញប្រតិកម្មក្នុងម៉ូលេគុល ដើម្បីរៀបចំម៉ូលេគុលជាថ្មីឡើងវិញ ។
- លីហ្កាស គឺជាអង់ស៊ីមដែលចូលរួមក្នុងប្រតិកម្មបង្កើតសម្ព័ន្ធគីមីរវាងម៉ូលេគុលស៊ុបស្រ្តាបពីរ ។ ថាមពលដែលផ្តល់ដល់ប្រតិកម្មនេះបានមកពីអ៊ីដ្រូលីសនៃATP ។ លីហ្កាសរួមមានសាំងតេតាស កាបុកស៊ីឡាស ។
៥. ពិពណ៌នាអំពីលក្ខណៈរបស់អង់ស៊ីម ៖
- ជាប្រូតេអ៊ីនដេលមានសកម្មភាពខ្លាំង
- បង្កើនល្បឿនប្រតិកម្មគីមី
- ជាប្រូតេអ៊ីនយថាប្រភេទនៃអំពើរបស់វា
- គ្រប់ប្រតិកម្មគីមីក្នុងសារពាង្គកាយ ទាមទារអង់ស៊ីមយថាប្រភេទ ។
