វិញ្ញាសាវប្បធម៌ទូទៅពហុជ្រើសរើសពិសេសសម្រាប់ត្រៀមប្រលងគរុកោសល្យ (វិញ្ញាសាទី៩៣)

សំណួរ

១. ចូររកពាក្យដែលសរសេរជាមួយ “ស្ត” ឱ្យបាន១០ពាក្យ ។

២. ចូរកំណត់អក្ខរាវិរុទ្ធដែលសរសេរនិង “ក្ល” និង”ខ្ល”ឱ្យបាន ត្រឹមត្រូវ ។

៣. ដូចម្តេចដែលហៅថាល្ខោន ? ចូររាប់ល្ខោនឱ្យបាន១០ ។

៤. ដូចម្តេចដែលហៅថាពាក្យបន្ថែមដើម ? ពាក្យបន្ថែមដើម ។ ផ្តល់ឧទាហរណ៍ ។

៥. តើភារកិច្ចស្នូលរបស់រាជរដ្ឋាភិបាលកម្ពុជាគឺអ្វី ?

ចម្លើយ​

១. ពាក្យដែលសរសេរជាមួយ “ស្ត” ឱ្យបាន១០ពាក្យរួមមាន ៖

• ស្តង់
• ស្តាប់
• ស្តើង
• ស្តុកស្តម្ភ
• ស្តួច
• ស្តាយ
• ស្តារ
• ស្តៅ
• ស្តុក
• ស្តោះ ។

២. កំណត់អក្ខរាវិរុទ្ធដែលសរសេរនិង “ក្ល” និង”ខ្ល” ៖

ក. អក្ខរាវិរុទ្ធសរសេរនឹង “ក្ល”

• ក្លាហាន
• ក្លស់បាំង
• ក្លែងក្លាយ
• ក្លាំងហាយ
• ក្លៀវក្លា
• ក្លៀក
• ក្លែប
• ក្លាំពាក់
• ក្លងវត្ថុ
• ក្លាយខ្លួន
• ក្លិង្គជន
• ក្លើម្រាក់
• ក្លិនក្លៀក
• មូលក្លុំ
• ក្លែងភេទ
• ក្លែមស្រា
• ក្លែបក្លិន ។

ខ. អក្ខរាវិរុទ្ធសរសេរនឹង “ខ្ល”

• ខ្លី
• ខ្លបខ្លាច
• ខ្លួន
• ខ្លា
• ខ្លាចខ្លា
• ខ្លះទៀត
• ខ្លោច
• ខ្លុយផ្តុំ
• ហួចខ្លេវ
• ខ្លុះច្រមុះ
• សត្វខ្លែង
• បង្ហើរខ្លែង
• ខ្លូតត្រសក់
• ក្នែកខ្លោត ។

៣. ល្ខោន គឺជាមហោស្រពមួយប្រភេទឋិតនៅចំទស្សនិកជន ។ រាប់ល្ខោនឱ្យបាន១០គឺ ៖

• ល្ខោនមហោរី
• ល្ខោនពោលស្រី
• ល្ខោនបើកបទ
• ល្ខោនព្រះរាជទ្រព្យ
• ល្ខោនអាប៉េ
• ល្ខោនស្រម៉ោលស្បែកធំ
• ល្ខោនប្រាមោទ្យ ឬបាមោទយ
• ល្ខោនចាប៉ីរឿង និទានរឿង សាដៀវរឿង
• ល្ខោនខោល
• ល្ខោនពណ៍ “ស្បែកសម្តែងពេលថ្ងៃ” ។

៤. ពាក្យបន្ថែមដើម គឺជាពាក្យសម្រាប់បន្ថែមមកខាងដើមនៃពាក្យឫស ។ ពាក្យសម្រាប់បន្ថែមខាងដើមរួមមានការសេចក្តី សភាពភាព ជន អ្នក ។ល។ ឧទាហរណ៍ ៖ ការរាំ ការដើរ សេចក្តីល្អ សភាពបរិសុទ្ធ ភាពត្រឹមត្រូវ ជនបរទេស ជនទុច្ចរិត អ្នកមាន អ្នកប្រាជ្ញ ។ ពាក្យបន្ថែមចុង គឺជាពាក្យសម្រាប់បន្ថែមនៅខាងចុងនៃពាក្យឫស ។ ពាក្យសម្រាប់បន្ថែមខាងចុងរួមមាន កម្មកិច្ច ភាព ធម៌ ការី បុរស បុគ្គល នារី វិទូ ។ល។ ឧទាហរណ៍ ៖ ពលកម្ម កសិកម្ម ធម្មកិច្ច សង្គហកិច្ច ជីវភាព មិត្រភាព មនុស្សធម៌ ឥស្សរជន វីរនារី ទស្សនវិទូ ។

៥. ភារកិច្ចស្នូលរបស់រាជរដ្ឋាភិបាលកម្ពុជាគឺ អភិបាលកិច្ចល្អ ។