តើផ្កាស្លាបីដែលលោកអាចារ្យពិធីមង្គលការចងសំរាប់ ទុកបាចអោយកូនកំលោះក្រមុំពេលផ្ទឹមតំណាងអ្វី ? សំរាប់ធ្វើអ្វី ? ផ្កាស្លានីមួយៗរៀបចំដូចម្តេច ?

លក្ខណៈតំណាងការរៀបចំផ្កាស្លា ដែលលោកអាចារ្យពិធីមង្គលការបំរុង បាចអោយកូនកំលោះក្រមុំពេលផ្ទឹមចងដៃគឺមានដូចតទៅ ៖

• ផ្កាស្លាទី១ ហៅថាផ្កាស្លាច្បង សំរាប់ “សងគុណឪពុក” ។ សំនុំផ្កាស្លាមាន ២១ទង រុំស្រោបដោយស្លឹក ម្លូ ២១ សន្លឹក ចងផ្អោបដោយអំបោះឆៅពណ៌ស ។ ពីលើមានដោត ២១ ផ្លែជុំវិញ ។
• ផ្កាស្លាទី២ ហៅថា ផ្កាស្លាកណ្តាល សំរាប់ “សងគុណម្តាយ” ។ សំនុំផ្កាស្លាមាន២១ ទង រុំស្រោបដោយស្លឹកម្លូ ២១ សន្លឹក ចងផ្អោបដោយអំបោះឆៅពណ៌ស ។ ជុំវិញមានស្លាចំនួន ១២ ។
• ផ្កាស្លាទី៣ ហៅថាផ្កាស្លាពៅសំរាប់ “សងគុណបង” ។ សំនុំផ្កាស្លានេះមាន៦ ទង រុំស្រោបដោយ សន្លឹកម្លូ ៦ សន្លឹក ចងផ្អោបដោយអំបោះឆៅពណ៌ស ។ ជុំវិញមានផ្តោតផ្លែស្លាចំនួន៦ ។ ផ្កាស្លានីមួយៗដាក់ក្នុងកែវ រឺជើងស្រាពក៏ ។