តើស្ត្រីប្រកបដោយលក្ខណៈអ្វីខ្លះទើបចាស់បុរាណលោកហៅថាស្ត្រីគ្រប់ល័ក្សណ៏?

ស្ត្រីដែលប្រកបដោយលក្ខណៈ៣១ប្រការទើបចាស់បុរាណហៅថាស្ត្រីគ្រន់ល័ក្សណ៏គឺ៖

• មិនចេះអេចអូចនិយាយដើមអ្នកដទៃ
• ចេះគួរសមទទួលមាតាបិតានិងស្វាមី
• ដឹងគុណ តបគុណ មាតាបិតាញាតិមិត្តទាំងពីរ
• មិនចេះដេកថ្ងៃ
• មិនវង្វេង ភ្លេចមុខភ្លេចក្រោយ
• ចេះថែរក្សាទ្រព្យសម្បត្តិ
• មិនផិតក្បត់ស្វាមី
• មិនចេះប្រច័ណ្ឌស្វាមី
• គ្មានរំសាយសក់ឲ្យគេឃើញ
• មានចិត្តអត់ធន់ ធ្ងន់ធ្ងរ
• មានជើងស្រាល មិនតន្ត្រំក្នុងក្តាំង
• មិនឈរឬអង្គុយសំញែងកាយឲ្យគេឃើញ
• មិនដើរញ៉ីញ៉ក់ កាច់ឬក កាច់រាង
• ចេះសង្រួមភ្នែកមិនក្រឡេករឡេមរឡាម
• មានដំណើរល្អ មិនគ្រលែងកាយ ចំទយគូទ
• មិបបង់បោយញាក់ស្មាគ្រលែងដើមដៃ
• មានសម្លេងតិចតែច្បាស់លាស់
• មិនចេះឡេះឡោះលេងសើច
• មិននិយាយផ្តោះផ្តងចំពោះបុរស
• មិនទម្រន់ធ្វើការងារណាធ្វើទាល់តែហើយនោះទេ
• ទៅនាចេះឆាប់ត្រឡប់មកវិញ
• ចេះទុកដាក់អីវ៉ាន់ក្នុងពេលគួរទុកដាក់
• ចេះរៀបចំផ្ទះសម្បែង
• ចេះតុបតែងគ្រឿងឧបភោគបរិភោគ
• ខ្លាចចិត្តស្វាមី មាតាបិតា ហើយគោរពតាមឱវាទ
• បរិភោគចំណីអាហារក្រោយមាតាបិតានិងស្វាមី
• ឈប់បរិភោគចំណីអាហារមុនមាតាបិតានិងស្វាមី
• ត្រូវចូលទទួលទានដំណេកក្រោយស្វាមី
• ត្រូវភ្ញាក់ពីដំណេកមុនស្ចាមី
• មានមេត្តា ករុណា ចេះធ្វើបុណ្យទាន។