ចូរនិយាយរៀបរាប់ពីព្រហ្មញ្ញសាសនា និងការគ្រប់គ្រង់ប្រទេសក្នុងប្រទេសកម្ពុជា ។

ព្រហ្មញ្ញសាសនា និងការគ្រប់គ្រងប្រទេស ៖ ការគ្រប់គ្រងរបស់ព្រះបាទជ័យវរ័្មនទី២ មិនគ្រាន់តែបានផ្ដល់នូវលទ្ធភាព ដល់ការបង្រួបបង្រួមទឹកដីនិងសម្រេចនូវនិន្នា ការចម្រើននិយមក្នុងការពង្រីងវិស័យសេដ្ឋកិច្ចនោះទេ តែថែមទាំងមានការកំណត់នូវតុល្យការរីចម្រើនប្រទេសខ្មែរដោយមានភាពពង្រីងនិងប្រមូលផ្ដុំអំណាចរបស់វណ្ណៈអភិជន បព្វជិត និងគ្រហស្ថ ។ នៅក្នុងសម័យនោះព្រះបាទជ័យវរ័្មនទី២ បានផ្តួចផ្ដើមប្រារព្ធនូវលទ្ធិទេវរាជនៅលើកំពូលភ្នំគូលែនយ៉ាងឳឡារឹក ក្នុងគោលបំណងដើម្បីរំដោះប្រទេសខ្មែរពីចំណុះជ្វាជាពិសេសឪ្យប្រជាជនបានដឹងឮ ហើយទទួលស្គាល់ខ្លួនថាជាព្រះអាទិទេព ។