ផ្នែកទីផ្សារ (ភាគ៥)

សំណួរ

២១- តើការជ្រើសរើសគោលនយោបាយអំពីថ្លៃមានអ្វីខ្លះ ?

២២- តើការជ្រើសរើសវិធីសាស្រ្តកំណត់ថ្លៃមានប៉ុន្មានយ៉ាង ?

២៣- ដូចម្តេចដែលហៅថាច្រកបែងចែក ?

២៤- ការដឹកជញ្ជូនទំនិញ និងស្តុកមានតួនាទីអ្វីខ្លះ ?

២៥- តើការដឹកជញ្ជួនមានមានអ្វីខ្លះ ?

ចម្លើយ

២១- ការជ្រើសរើសគោលនយោបាយអំពីថ្លៃមានដូចជា​ ៖

• ថ្លៃសំរុក​ ដំបូងត្រូវកំណត់ថ្លៃឲ្យទាបធៀបនិងគួរប្រជែង ដើម្បីដណ្តើមទីផ្សារឲ្យបានធំតាមធ្វើទៅរួចឲ្យអតិថិជនឆាប់ស្គាល់ ផលិតផលយើងជាមុនសិន ។
• ថ្លៃទាប ដើម្បីបំបាក់ទឹកចិត្តគួរប្រកួតប្រជែង ក្នុងការឈានចូលទីផ្សារ ។
• ថ្លៃចំរាញ់​ កំណត់ថ្លៃខ្ពស់មុន ព្រោះផលិតផលយើងទើបមានដំបូង (មិនទាន់មានផលិតផលប្រកួតប្រជែង)ពេលមានគួរប្រកួតប្រជែងច្រើនចាំបាច់ត្រូវបន្ថយ​ថ្លៃវិញ ។
• ថ្លៃចិត្តសាស្រ្តកំណត់ថ្លៃតាមតម្លៃនៃការយល់ដឹងរបស់អតិថិជនដោយផ្អែកលើអ្វីដែលអ្នកទិញជឿថា​វានឹងផ្តល់ តម្លៃ (អត្ថប្រយោជន៍ចំពោះគេយ៉ាងណានោះ ។ ថ្លៃផ្សព្វផ្សាយលក់ ​គោលនយោបាយនេះទាក់ទងដល់ការប្រើប្រាស់នូវឱកាសពិសេសមួយសម្រាប់កំណត់ថ្លៃដើម្បីទាក់ទាញអតិថិជន ។

២២- ការជ្រើសរើសវិធីសាស្រ្តកំណត់ថ្លៃមាន​៣យ៉ាងគឺ ៖

• ការកំណត់ថ្លៃទៅតាមការចំណាយ ។
• ការកំណត់ថ្លៃទៅតាមការប្រកួតប្រជែង។
• កំណត់ថ្លៃយោងទៅតាមតម្រូវការ។

២៣- ដែលហៅថាច្រកបែងចែក គឺជាការចាប់ផ្តើមពីផលិតករ ហើយបានបញ្ចប់វិញដោយអ្នកប្រើប្រាស់ចុងក្រោយ ឬ​អ្នកប្រើប្រាស់ឧស្សាហកម្ម ។

២៤- ការដឹកជញ្ជូនទំនិញ និងស្តុកមានតួនាទីក្នុងការទទួលខុសត្រូវក្នុងការបញ្ជូនទំនិញ ទៅកាន់ទីគោលដៅដែលត្រូវបញ្ជួនទៅ ធានាសុវត្ថិភាពតាំងពីដើមទីរហូតដល់ចុងទី ។

២៥- ការដឹកជញ្ជួនមានមានដូចជា ៖

• តាមផ្លូវទឹក
• តាមផ្លូវដែក
• តាមផ្លូវអាកាស
• និងតាមបំពង់បង្ហូរ

តភាគ