វិញ្ញាសាទី១០៖ វប្បធម៌ទូទៅ ប្រឡងជ្រើសរើសសិស្សពូកែ ផ្នែកអក្សសិល្ប៍ គណិតវិទ្យា និងរូបវិទ្យា ថ្នាក់ទី ៩ (ប្រឡង ០៣.៣.២០០៨)

ចង់ប្តូរការងារ ឬ កំពុងស្វែងរកការងារ ផ្វើសារឥឡូវនេះ

វិញ្ញាសាទី១០៖ វប្បធម៌ទូទៅ

ប្រឡងជ្រើសរើសសិស្សពូកែ

ផ្នែកអក្សសិល្ប៍ គណិតវិទ្យា និងរូបវិទ្យា ថ្នាក់ទី ៩

(ប្រឡង ០៣.៣.២០០៨)

១.តើលក្ខណៈនៃភាវៈ “អនិច្ចំ ទុក្ខំ អនត្តា” មានន័យយ៉ាងដូចម្តេច? ចូរពន្យល់។

២.តើអ្នកយល់ថាសីលធម៌ និងប្រពៃណីផ្សេងៗរបស់ខ្មែរមានលក្ខណៈកសាងអភិវឌ្ឃសង្គមដែរឬទេ? ចូរពន្យល់

៣.ក្នុងចំនោមបុណ្យបែបព្រះពុទ្ធសាសនាមានបុណ្យមួយគេប្រារព្ធឡើងដើម្បីឧទ្ធិសកុសលដល់ញាតិទាំង៧សន្តាន។ បុណ្យនេះមានឈ្មោះអ្វី? មានរយៈពេលប៉ុន្មានថ្ងៃ? ពីថ្ងៃណាដល់ថ្ងៃណា? ញាតិទាំង៧សន្តានមានន័យដូចម្តេច?

៤.បរិស្ថានជាអ្វី? សព្វថ្ងៃនេះមនុស្សបានបង្កឲ្យមានការខូចខាតបរិស្ថានសង្គម បរិស្ថានធម្មជាតិដោយគេបានធ្វើអ្វីខ្លះ? ចូរពន្យល់។

ចម្លើយ

១.ពាក្យ “អនិច្ចំ ទុក្ខំ អនត្តា” ជាពាក្យដែលគេប្រើប្រាស់សំរាប់បញ្ជាក់លក្ខណៈនៃភាវៈទូទៅ និងជាទស្សនៈមូលដ្ធានទ្រទ្រង់លទ្ធិពុទ្ធនិយមហើយជាខ្លឹមសារធ្វើអោយលទ្ធិពុទ្ធនិយមមានតម្លៃផ្ទាល់ខ្លួនលើលទ្ធិដទៃទៀត។

អនិច្ចំ៖ សេចក្តីមិទៀង ព្រោះមានការប្រែប្រួលជាធម្មតា (កើត ចាស់ វិនាសមិនទៀងទាត់)។
ទុក្ខំ៖ ជាទុក្ខ ឬនាំមកនូវទុក្ខ ព្រោះមានការព្រួយលំបាក មិនចេះអស់ មិនចេះហើយ ឲ្យតែមានរូបនិងនាម គឺតែងតែមានទុក្ខជានិច្ច។
អនត្តា៖ មិនមែនជារបស់ខ្លួន(ព្រោះមិនស្តាប់បង្គាប់ខ្លួន មិនលុះក្នុងអំណាចចិត្ត ឬមិនមានខ្លឹមសារ) រូប វេទនា សញ្ញា វិញ្ញាណ សុទ្ធតែមិនមែនជារបស់ខ្លួន។

២.សីលធម៌ និងប្រពៃណីផ្សេងៗរបស់ខ្មែរមានលក្ខណៈកសាង និងអភិវឌ្ឃ៍សង្គម។

ក.សីលធម៌

ធ្វើឲ្យគ្រួសារចេះយោគយល់គ្នា
ធ្វើឲ្យមនុស្សចេះអត់អោនគ្នា
អនុគ្រោះគ្នា
គ្មានជម្លោះ ឬសង្គ្រាម
គ្មានអំពើរហឹង្សា
ទទួលបានសន្តិភាព

ខ.ប្រពៃណី

បុណ្យផ្សេងៗជាមធ្យោបាយក្នុងការកសាងរចនាសម្ព័ន្ធសង្គម
បុណ្យបញ្ជាក់ពិសាមគ្គីភាព
ចេះរក្សាវប្បធម៌
ធ្វើឲ្យសង្គមមានសន្តិភាព
មានសន្តិភាពនាំឲ្យមានការអភិវឌ្ឃសង្គម

៣.ក្នុងចំណោមបុណ្យបែបព្រះពុទ្ធសាសនាមានបុណ្យមួយគេប្រារព្ធឡើងដើម្បីឧទ្ទិសកុសលដល់ញាតិការទាំង៧សន្តាន។ បុណ្យនេះមានឈ្មោះ បុណ្យភ្ជំបិណ្ឌ។ មានរយៈពេល ១៥ថ្ងៃ។ ចាប់ពីថ្ងៃ ១រោជ ខែភតទ្របទ ដល់១៥រោជ ខែភទ្របទ។

ញាតិទាំង៧សន្តានមាន៖