ប្រឡងជ្រើសរើសសិស្សពូកែនៅសាលារៀន អន្តរទ្វីប អាមេរិកាំង ផ្នែកអក្សសិល្ប៍ គណិតវិទ្យា និងរូបវិទ្យា ថ្នាក់ទី ៩ (ប្រឡង ប្រឡង ១៨.ធ្នូ ២០១០)

វិញ្ញាសាទី១៥៖ វប្បធម៌ទូទៅ

ប្រឡងជ្រើសរើសសិស្សពូកែនៅសាលារៀន អន្តរទ្វីប អាមេរិកាំង

ផ្នែកអក្សសិល្ប៍ គណិតវិទ្យា និងរូបវិទ្យា ថ្នាក់ទី ៩

(ប្រឡង ប្រឡង ១៨.ធ្នូ ២០១០)

១.តើការប្រើប្រាស់គ្រឿងញៀនបង្កឱ្យមានផលវិបាកអ្វីខ្លះ ចំពោះខ្លួនឯង គ្រួសារ និងសង្គមជាតិ?

២.តើកូនស្រីប្រុសត្រូវមានវិន័យដូចម្តេចខ្លះចំពោះគ្រួសារ?

៣.តើពលរដ្ធម្នាក់ៗត្រូវមានករណីកិច្ចដូចម្តេចខ្លះ ចំពោះជាតិមាតុភូមិរបស់ខ្លួន?

៤.តើធាតុរបស់ព្រហ្មវិហារធម៌មានអ្វីខ្លះ? ចូរពន្យល់ធាតុនីមួយឺឱ្យបានក្បោះក្បាយ។

៥.ដើម្បីការពារអត្តសញ្ញាណជាតិខ្មែរ តើយើងម្នាក់ៗមានវិធានការបែបណាខ្លះ?

៦.ក.អាស៊ានជាអ្វី? បង្កើតឡើងនៅឆ្នាំណា?

ខ.តើរព្រះរាជាណាចក្រកម្ពុជាចូលជាសមាជិកអាស៊ានថ្ងៃខែឆ្នាំណា?

គ.ហេតុអ្វីបានជាប្រទេសកម្ពុជាខិតខំចូលជាសមាជិកអាស៊ាន?

ចម្លើយ

១.ការប្រើប្រាស់គ្រឿងញៀនបង្កឱ្យមានផលវិបាកដូចជា៖

ក.ចំពោះខ្លួនឯង

• ខូចសុខភាព (ទ្រុឌទ្រោម បាក់កម្លាំង...)
• កើតជម្ងឺ (ថ្លើម ក្រពះ ពោះវៀន រលាកស្រោមខួរ...)
• ខាតបង់ទ្រព្យសម្បត្តិ ខាតបង់ពេលវេលា
• បាត់បង់ការងារ បាត់បង់ពេលវេលា
• បាត់បង់ទំនុកចិត្តល្អពីគ្រួសារ បាត់បង់កិត្តិយស...។

ខ.ចំពោះគ្រួសារ

• បាត់បង់ធនធានមនុស្សនៅក្នុងគ្រួសារ
• បាត់បង់ប្រាក់កាស ខាតពេលវេលា
• បង្កឱ្យមានអំពើហិង្សាក្នុងគ្រួសារ
• ធ្វើឱ្យគ្រួសារមានការបារម្ភ...។

គ.ចំពោះសង្គមជាតិ

• បាត់បង់ធនធានមនុស្ស
• បាត់បង់សេចក្តីថ្លៃថ្នូរ
• កើតមានភាពអាណាធិបតេយ្យ អសន្តិសុខសង្គម (ចោរកម្ម ចោរប្លន់ និងឧក្រិដ្ធផ្សេងៗ)
• សង្គមគ្មានការរីចម្រើន
• សម្បូរក្មេងអានាថា ក្មេងពាល(ក្មេងទំនើង)
• មានការជួញដូរភេទ ជួញដូរមនុស្ស អំពើរំលោភផ្លូវភេទជាដើម។

២.កូនស្រីប្រុសត្រូវមានវិន័យចំពោះគ្រូសារដូចតទៅ៖

• គោរពតាមដំបូន្មានឪពុកម្តាយ
• មានភាពស្មោះត្រង់និងយុត្តិធម៌
• មិនប្រព្រឹត្តអំពើពាលាអាវាសែនាំឱ្យអាប់ឱនកិត្តិយសគ្រួសារ
• មិនបង្កលក្ខណៈឱ្យឪពុកម្តាយពិបាកចិត្ត
• ជួយបំពេញការងារក្នុងគ្រួសារ
• ស្រលាញ់និងដឹងគុណមាតាបិតា
• ខិតខំសិក្សានិងស្វ័យសិក្សា
• ស្រឡាញ់រាប់អាន អាធ្យាស្រ័យ​ សន្តោស មេត្តាចំពោះសមាជិកទាំងអស់នៅក្នុងគ្រួសារ
• មានស្វាមីភក្តីចំពោះគ្រួសាជានិច្ច...

៣.ពលរដ្ធម្នាក់ៗត្រូវមានករណីកិច្ច ចំពោះជាតិមាតុភូមិរបស់ខ្លួនដូចតទៅ៖

• បង់ពន្ធជូនរដ្ធតាមច្បាប់កំណត់
• រួមចំណែកក្នុងការកសាងជាតិ និងការពារជាតិ
• ជួយថែរក្សាសម្បតិ្តសាធារណៈ
• គោរពច្បាប់រដ្ធ
• ថែរក្សាបរិស្ថាន
• ពង្រឹង សាមគ្គីជាតិនិងអន្តរជាតិ
• គោរពសិទ្ធិមនុស្ស និងលិទ្ធិប្រជាធិបតេយ្យ...

៤.ធាតុរបស់ព្រហ្មវិហារធម៌មាន៖

• មេត្តា៖ សេចក្តីស្រលាញ់រាប់អាន
• ករុណ៖ សេចក្តីអាណិតអាសូរ
• មុទិតា៖ មានចិត្តរីករាយនៅពេលឃើញគេបានសុខ
• ឧបេក្ខា៖ ការតាំងចិត្តនៅជាកណ្តាល។

៥.ដើម្បីការពារអត្តសញ្ញាណជាតិខ្មែរ យើងម្នាក់ៗមានវិធានការដូចតទៅ៖

• ពង្រីកវប្បធម៌ខ្លួនឱ្យបានរឹងមាំតាមរយៈប្រព័ន្ធផ្សព្វផ្សាយ (វិទ្យុ ទូរទស្សន៍ ការសែត...)
• ចេះរាំងស្កាត់នូវរប្បធម៌ដែលជឿនលឿន ហើយកែច្នៃវប្បធម៌នោះឱ្យមកមានលក្ខណៈជាខ្មែរ។
• ធ្វើការសិក្សានិងការពារវប្បធម៌ខ្លួនឱ្យបានខ្លាំងក្លា។
• ខិតខំពង្រឹកចំណេះដឺងទូទៅ ចំណេះដឹងផ្នែកវិទ្យាសាស្ត្របច្ចេកវិទ្យា ឱ្យបានទូលំទូលាយ។
• រក្សាការពារទឹកដី ប្រកបដោយឧត្តមភាព។
• រក្សាឱ្យបានជាប្រចាំនូវសាមគ្គីភាព និងឯកភាពជាតិ បំបាត់ចោលនូវទស្សនៈអាត្មានិយម បក្សពួកនិយម និងគ្រួសារ និយម។
• នាំគ្នាលើកតំកើងភាសា អក្សរសាស្រ្ត សិល្បៈប្រពៃណី ទំនៀមទម្លាប់ ឱ្យបានខ្លាំងក្លា។

៦.ក.អាស៊ាន ជាសមាគមប្រជាតិអាស៊ីអាគ្នេយ៍។ អាស៊ានត្រូវបានគេបង្កើតឡើងយោងតាមសេចក្តីប្រកាសនៅទីក្រុង បាងកក ថ្ងៃទី០៨​ ខែសីហា ឆ្នាំ ១៩៦៧។

ខ.ព្រះរាជាណាចក្រកម្ពុជាចូលជាសមាជិកអាស៊ានថ្ងៃ ៣០ខែមេសា ឆ្នាំ១៩៩៩។

គ.បានជាប្រទេសកម្ពុជាខិតខំចូលជាសមាជិកអាស៊ាន ព្រោះ

• ដើម្បីរឹតចំណងសាមគ្គីភាពជាមួយប្រទេសជាមាជិកអាស៊ាន។
• ធ្វើឱ្យប្រទេសរីកចំរើនឆាប់រហ័ស
• ឱ្យមានស្ថេរភាពផ្នែកសន្តិសុខ និងសន្តិភាព។
• ជំរុញកិច្ចសហប្រតិបត្តិការឱ្យកាន់តែមានប្រសិទ្ធភាពជាមួយប្រទេសដែលជាសមាជិកអាស៊ាន
• មិនអាចរស់នៅឯកោក្នុងតំបន់បានទេ។
• ជំរុញឱ្យមានការសិក្សាស្រាវជ្រាវក្នុងតំបន់អាស៊ីអាគ្នេយ៍។

រក្សាយ៉ាងជិតស្និទ្ធ និងមានប្រយោជន៍ជាមួយអង្គការជាតិ និងអន្តរជាតិ...។