សំណួរ-ចម្លើយ មេរៀនទី៤ ផលិតផល (Product) (ភាគ២)

សំណួរ

៦- តើការចាត់ថ្នាក់ផលិតផលមានប៉ុន្មាន ? អ្វីខ្លះ ?

៧- តើផលិតផលប្រើប្រាស់មានអ្វីខ្លះ ?

៨- អ្វីទៅជាទំនិញងាយស្រួល ?

៩- អ្វីទៅជាទំនិញត្រូវដើររកទិញ ?

១០- អ្វីទៅជាទំនិញពិសេស ?

១១- តើអ្វីទៅជាទំនិញមិនស្វែងរក ?

១២- តើផលិតផលឧស្សាហកម្មមានអ្វីខ្លះ ? ចូររៀបរាប់ ?

ចម្លើយ

៦- ការចាត់ថ្នាក់ផលិតផលមានដូចជា​៖

• ផលិតផលប្រើប្រាស់ (Consumer Product)
• ផលិតផលឧស្សាហកម្ម (Industrial Product)

៧- ផលិតផលប្រើប្រាស់មានដូចជា ៖

• ទំនិញងាយស្រួល (Convenience Goods)
• ទំនិញត្រូវដើររកទិញ (Shopping Goods)
• ទំនិញពិសេស (Specialty Goods)
• ទំនិញមិនស្វែងរក (Unsought Goods)

៨- ទំនិញងាយស្រួល គឺជាប្រភេទដែលមានចំនួនទិញច្រើន អ្នកប្រើប្រាស់ងាយស្រួលបំផុតក្នុងការទិញទំនិញ (ទីតាំងជិតៗដែលពួកគេងាយទិញទំនិញតាមតែគេចង់ទិញ) ឧទាហរណ៍ នំប័ុង ទឹកដោះគោ ថ្នាំដុសធ្មេញ សាប៊ូ ។ល។

៩- ទំនិញត្រូវដើររកទិញ ជាប្រភេទទំនិញដែលអ្នកទិញត្រូវស្វែងរកវា នឹងធ្វើការប្រៀបធៀប លើថ្លៃ(price) គុណភាព(quality) រចនាបទរបស់ទំនិញ(style of goods) ជាដើម ។ ឧទាហរណ៍ សំលៀកបំពាក់ កុំព្យូទ័រ នាឡិកា សៀវភៅអាន ។ល។

១០- ទំនិញពិសេស វាជាប្រភេទទំនិញកំររកមានអ្នកនឹងអាចមានលទ្ធភាពទិញបាន​ ហើយមានតម្លៃខ្ពស់ និងមានដែនកំណត់ ។ ឧទាហរណ៍ រថយន្តម៉ាក Rolls Royce ។

១១- ទំនិញមិនស្វែងរក ជាទំនិញដែលត្រូវមានមនុស្សក្នុងសង្គម ពួកគេទទួលបានដូចគ្នាដោយមិនប៉ុនប៉ងទុកមុនទេ ។ ឧទាហរណ៍ ការធានារ៉ាប់រងជីវតិ ឬសេវាធានារ៉ាប់រងទំនិញ សេវាច្បាប់ សេវាពេទ្យជាដើម ។ល។

១២- ផលិតផលឧស្សាហកម្មមានដូចជា ៖

• ផលិតផលតំឡើង (Installations) គឺជាទំនិញផលទុនសំខាន់ៗ ដូចជាអាគារ និងគ្រឿងម៉ាស៊ីនទាំងឡាយដែលពុំតម្រូវឲ្យមានការចរចារគ្នាច្រើននៅមុនពេលទិញដូចជាចរចារអំពីការតំឡើងម៉ាស៊ីនទាំងនោះនៅក្នុងរោងចក្រអ្នកទិញ និងមានការផ្តល់សេវាបណ្តុះបណ្តាលបច្ចេកទេស ។
• ផលិតផលបន្ថែម (Accessories) ជាប្រភេទទំនិញដែលមានវដ្តជីវិតខ្លីជាងផលិតផលតំឡើង ដូចជាសម្ភារៈប្រើប្រាស់ក្នុងផលិតកម្ម ឬការងារប្រតិបត្តិការក្នុងការិយាល័យដូចជាម៉ាស៊ីន កុំព្យូទ័រ ម៉ាស៊ីនហ្វាក់ ទូរស័ព្ទ ។ល។
• វត្ថុធាតុដើម (Raw Material) គឺជាទំនិញដែលមិនទាន់ឆ្លងកាត់ដំណើរការផលិតកម្មដើម្បីក្លាយទៅជាផលិតផលសម្រេច ដូចជាឈើហ៊ុប រ៉ែដែក រ៉ែសង្ក័សី ធ្យូងថ្ម សំឡី កប្បាស់ ។ល។ បន្ទាប់មកគេយកវាបញ្ជូលទៅក្នុងរោងចក្រដោយដាក់ឲ្យឆ្លងកាត់ផលិតកម្ម ។
• គ្រឿងផ្សំ (Components) ជាប្រភេទផលិតផលដែលបានឆ្លងកាត់ផលិតកម្ម ហើយក្លាយជាគ្រឿងផ្សំឬផ្នែកផ្សេងៗនៃផលិតផល ។ ឧទាហរណ៍ ផ្នែកជាច្រើនផ្គុំបានជាឡានថ្មីមួយ ។
• គ្រឿងបន្លាស់ (Spare parts) រួមមានគ្រឿងខៅ្ចខ្ចង ឬចំណែកផ្សេងៗដែលប្រើប្រាស់សម្រាប់ផ្លាស់ប្តូរផ្នែកដែលខូចនៃម៉ាស៊ីន ឬសម្ភារៈប្រតិបត្តិការ ។
• សម្ភារៈការិយាល័យ (Office Supplies) វាជាសម្ភារៈប្រើប្រាស់ក្នុងការិយាល័យ មានដូចជា ក្រដាស ប្រដាប់កិបឯកសារ សៀវភៅកត់ត្រា ដែលត្រូវបានបញ្ជាទិញជាប្រចាំ ។

តភាគ