ហេតុអ្វីបានជារាជរដ្ឋាភិបាលកម្ពុជាយើងចាំបាច់ត្រូវប្រារព្ធពិធីបុណ្យឯករាជ្យជាតិរៀងរាល់ឆ្នាំ? តើបុណ្យនេះមានអត្ថន័យយ៉ាងណាខ្លះ?

បានជារាជរដ្ឋាភិបាលកម្ពុជាយើងចាំបាច់ត្រូវប្រារព្ធពិធីបុណ្យឯករាជ្យរៀងរាល់ឆ្នាំ ពីព្រោះចង់ឱ្យប្រជាជនខ្មែរចងចាំនូវថ្ងៃទទួលបានឯករាជ្យជាតិ ៩ វិច្ឆិកា ១៩៥៣ ពីអាណានិគមបារាំង។

អត្ថន័យ៖

• សម្តែងនូវការដឹងគុណដល់បុព្វបុរស ដែលបានពាក់លីជីវិតដើម្បីបុព្វហេតុរំដោះជាតិមាតុភូមិឱ្យរួចផុតពីការត្រួតត្រារបស់អាណាព្យបាលបារាំង ក្រោមព្រះរាជកិច្ចដឹកនាំរបស់ព្រះបាទនរោត្តម សីហនុ។
• បង្ហាញនូវកិត្យានុភាព និងភាពអង់អាចក្លាយហានរបស់ប្រជាជនខ្មែរនៅលើឆាកអន្តរជាតិ។
• បំផុសស្មារតីប្រជាជនខ្មែរឱ្យចេះតស៊ូស្រលាញ់ឯករាជ្យជាតិ សាមគ្គីភាពជាតិ និងការពារបូរណភាពទឹកដីឱ្យបានគង់រង្ស។