បច្ចុប្បន្នព្រះរាជាណាចក្រកម្ពុជាកំពុងប្រឈមមុខនឹងបញ្ហាចរាចរណ៍ដែលតែងតែមានគ្រោះថ្នាក់ជារៀងរាល់ថ្ងៃ។

ក.គ្រោះថ្នាក់ចរាចរណ៍បណ្តាលមកពី៖

កត្តាមនុស្ស

• បើកបរហួសល្បឿនកំណត់មិនអាចម្ចាស់ការលើយានយន្តពេលជួបឧបសគ្គ
• សេពគ្រឿងស្រវឹង គ្រឿងញៀន ហើយបើកបរ
• បើកជែងដោយខ្វះការប្រុងប្រយ័ត្ន
• មិនគោរពសញ្ញាចរាចរណ៍ គ្មានប័ណ្ណបើកបរ

កត្តាផ្លូវ

• ផ្លូវគ្មានគុណភាពខ្លះបច្ចេកទេស
• ផ្លូវគ្មានស្លាកសញ្ញាគ្រប់គ្រាន់
• ផ្លូវគ្មានគំនូសចរាចរណ៍

កត្តាយានយន្ត

• យានយន្តមិនគ្រប់លក្ខណៈបច្ចេកទេស
• យានយន្តចាស់អស់សុពលភាពក្នុងការប្រើប្រាស់
• យានយន្តកែច្នៃ គ្មានការត្រួតពិនិត្តពីមន្រ្តីជំនាញ

កត្តាធម្មជាតិ

• ពេលភ្លៀងរអិលមើលមិនឃើញ
• ពេលចុះអ័ព្ទ ខ្យល់ព្យុះ ដីហុយ

ខ.គ្រោះថ្នាក់ចរាចរណ៍មានច្រើនករណីដែលយើងធ្លាប់ដឹងលឺនិងឃើញញឹកញាប់មាន៖

• អ្នកបើកបរបំពានមិនគោរពច្បាប់ចរាចរណ៍និងមានជាតិស្រវឹង
• អ្នកបើកបរខ្វះការទទួលខុសត្រូវ គ្មានការប្រុសប្រយ័ត្ន បាត់បង់ស្មារតី
• បើកបរលើសល្បឿនកំណត់ ប្រព័ន្ធយានយន្តគ្មានសុវត្ថិភាព

គ.ដើម្បីឱ្យប្រជាពលរដ្ឋជៀសផុតពីគ្រោះថ្នាក់ចរាចរណ៍ យើងមានយោបល់ដូចខាងក្រោម៖

• ត្រូវផ្សព្វផ្សាយឱ្យប្រជាពលរដ្ឋយល់ដឹងអំពីច្បាប់ចរាចរណ៍និងរបៀបធ្វើចរាចរណ៍
• ត្រូវរៀនសូត្របើកបរយានជំនិះនិងប្រឡងសមត្ថិភាពទទួលប័ណ្ណបើកបរ
• ត្រូវមានវិធានការឱ្យមានប្រសិទ្ធភាពទៅអ្នកបំពានលើច្បាប់ចរាចរណ៍
• ត្រូវដាក់ទណ្ឌកម្មនិងពិន័យឱ្យបានតឹងរឹងបំផុតចំពោះអ្នកមិនគោរពច្បាប់និងអ្នកបង្កឱ្យមានគ្រោះថ្នាក់ចរាចរណ៍
• មិនអនុញ្ញតឱ្យអ្នកបើកបរស្ថិតក្រោមឥទ្ធិពលគ្រឿងញៀន គ្រឿងស្រវឹង
• ហាមបើកបរចំពោះអនីតិជន និងអ្នកគ្មានសមត្ថភាព គ្មានប័ណ្ណបើកបរ