តើទណ្ឌកម្មវិន័យមន្ត្រីរាជការមានប៉ុន្មានវិន័យ ? ចូររៀបរាប់ ?

ទណ្ឌកម្មវិន័យមន្ត្រីរាជការមាន២វិន័យគឺ ៖

• ទណ្ឌកម្មវិន័យទីមួយ

- ស្តីបន្ទោស

- ស្តីបន្ទោសដោយមានចំណារក្នុងសំណុំលិខិតផ្ទាល់ខ្លួន

- ផ្លាស់ដោយបង្ខំវិធានការវិន័យ

- លុបឈ្មោះចេញពីតារាងឡើងឋានន្តរស័ក្តិ ឬថ្នាក់

• ទណ្ឌកម្មវិន័យទីពីរ

- ស្តីបន្ទោសជាទម្ងន់បណ្តាលឲ្យលុបចេញពីតារាងឡើងឋានន្តរស័ក្តិ ឬថ្នាក់ បើសិនជាមានចុះឈ្មោះហើយ ឬធ្វើឲ្យយឺតក្នុងការតម្លើងឋានន្តរស័ក្តិ ឬថ្នាក់ ក្នុងថេរៈវេលាមួយមានការកំណត់តែមិនត្រូវឲ្យលើសពី២ឆ្នាំ ក្នុងការតម្លើងឋានន្តរស័ក្តិ ឬថ្នាក់តាមវេនជ្រើសរើស ឬតាមវេនតីតភាព ។

- ដាក់ឲ្យនៅទំនេរគ្មានបៀវត្សមិនឲ្យលើសពីមួយឆ្នាំ ។

- បន្ថយឋានន្តរស័ក្តិ ឬថ្នាក់មួយថ្នាក់ ឬច្រើនថ្នាក់ ។

- ដាក់ឲ្យចូលនិវត្តន៍មុនកំណត់ ឬបញ្ឈប់ពីការងារដោយបង្ខំ ។

- បណ្តេញចេញពីមុខតំណែងរាជការ ។