កាតព្វកិច្ចរបស់កម្មករនិយោជិត ឬសិទ្ធិវន្ត ជាមួយនិយោជក និងបេឡាជាតិរបបសន្តិសុខសង្គមទាក់ទងនឹងគ្រោះថ្នាក់ការងារ?

នៅពេលដែលរងគ្រោះថ្នាក់ការងារដែលកើតឡើងនៅពេលដែលកំពុងធ្វើការ ការធ្វើដំណើរពីលំនៅស្ថានទៅកន្លែងធ្វើការ និងត្រលប់មកវិញ កម្មករនិយោជិត ឬសិទ្ធិវន្តត្រូវរាយការណ៍ទៅនិយោជក អំពីគ្រោះថ្នាក់ការងារដែលធ្លាក់មកលើខ្លួន ហើយត្រៀមឯកសារមួយចំនួនតាមរយៈនិយោជកដើម្បីដាក់ជួនបេឡាជាតិរបបសន្តិសុខសង្គមពិនិត្យ និងសម្រេច។ ឯកសារនោះមានជាអាទិ៍ វិក័យបត្រដែលចំណាយលើការព្យាបាលផ្ទាល់ខ្លួននៅពេលដែលប្រើប្រាស់សេវាជាមួយមូលដ្ឋានសុខាភិបាល ដែលមិនបានចុះកិច្ចព្រមព្រៀង អត្តសញ្ញាណបណ្ណសញ្ជាតិខ្មែរ សំបុត្រអាពារហ៍ពិពាហ៍ សំបុត្រកំណើតប្តី ឬប្រពន្ធនិងកូន និងសំបុត្រមរណៈភាពក្នុងករណីជនរងគ្រោះបាត់បង់ជីវិត។