គណៈកម្មាធិការបេតិកភណ្ឌពិភពលោកមានលក្ខណវិនិច្ឆ័យ១០ប្រការ សម្រាប់ទទួលបានជាសម្បត្តិបេតិកភណ្ឌពិភពលោកមានដូចជាៈ
- ជាស្នាដៃឯកនៃទេពកោសល្យដែលមនុស្សជាអ្នកបង្កើត
- បង្ហាញពីការប្តូរគ្នាពីតម្លៃរបស់មនុស្សក្នុងតំបន់វប្បធម៌ពិភពលោក ការបង្កើតនូវស្ថាបត្យកម្ម ឬបច្ចេកវិទ្យា សិល្បៈដ៏មានសារៈសំខាន់ ការរៀបចំទីក្រុង ឬរចនាប័ទ្មទិដ្ឋភាព
- មានលក្ខណៈជាស្នាដៃឯកតែមួយគត់គ្មានពីរ ឬវិសេសវិសាលចំពោះប្រពៃណី វប្បធម៌ ឬអរិយធម៌ ដែលកំពុងតែមានជីវីត ឬបានវិនាសទៅហើយ
- ជាគំរូឆ្នើមនៃប្រភេទសំណង់ ទិដ្ឋភពខាងស្ថាបត្យកម្មឬបច្ចេកវិទ្យា ដែលបានបង្ហាញពីលក្ខណៈនៃដំណាក់កាលដ៏ប្រសើរ និងប្រវត្តិមនុស្សជាតិ
- ជាគំរូឆ្នើមនៃការតាំងទីលំនៅរបស់មនុស្សបែបប្រពៃណី ការប្រើប្រាស់ដី ឬសមុទ្រ ដែលតំណាងឲ្យវប្បធម៌មួយឬច្រើន អន្តរកម្មជាមួយនិងបរិស្ថានជាពិសេសនៅពេលដែលវាងាយនិងរងគ្រោះ មានន័យថា កំពុងស្ថិតក្រោមផលប៉ះពាល់នៃការផ្លាស់ប្តូរដែលចៀសមិនផុត
- មានទំនាក់ទំនងផ្ទាល់ ឬរូបិយជាមួយនិងព្រិត្តិការណ៍ឬប្រពៃណីនៃការរស់នៅ គំនិត ឬជំនឿ ស្នាដៃសិល្បៈ និងអក្សរសាស្រ្តដែលលេចធ្លោជាសកល ។ អ្វីៗទាំងអស់នេះគណៈកម្មាធិការ ពិចារណាថាលក្ខណៈវិនិច្ឆ័យនេះ គួរតែត្រូវបានគេប្រើប្រាស់ស្របនិងលក្ខណៈវិនិច្ឆ័យផ្សេងទៀត
- មានបាតុភូតធម្មជាតិ ដ៏វិសេសវិសាល ឬតំបន់ដែលមានសម្រស់ធម្មជាតិវិសេសវិសាល និងសារៈសំខាន់ដែលពាក់ព័ន្ធនិងសោភណភាព
- គំរូឆ្នើមដែលតំណាងដំណាក់កាលធំៗនៃប្រវត្តិផែនដីដែលរួមមានប្រវត្តិជីវិតមនុស្ស ដំណើរការការកកើតភូមិសាស្រ្តដែលកំពុងតែកើតមានដ៏សារៈសំខាន់ក្នុងការបង្កើតជាលក្ខណៈនៃភូមិសណ្ឋានវិទ្យា ឬភមិសាស្រ្ត
- ជាគំរូឆ្នើមដែលបង្ហាញពីដំណើរការនៃបរិស្ថាន ផែនដី ទឹកសាប ឆ្នេរសមុទ្រ និងផ្លូវសមុទ្រ
- មានលំនៅឋានធម្មជាតិ ដែលមានសារៈសំខាន់បំផុតសម្រាប់ការអភិរក្សជីវចម្រុះជាដើម ។
