វិញ្ញាសាប្រវត្តិវិទ្យា ប្រឡងថ្នាក់ជាតិ ថ្នាក់ទី១២ ២៥ កក្កដា ២០១១ (ថ្នាក់វិទ្យាសាស្ត្រ)

ប្រឡងថ្នាក់ជាតិ ថ្នាក់ទី១២
សម័យប្រឡងៈ ២៥ កក្កដា ២០១១
វិញ្ញាសាៈ ប្រវត្តិវិទ្យា (ថ្នាក់វិទ្យាសាស្ត្រ)
រយៈពេលៈ ៦០នាទី
ពិន្ទុៈ ៥០ពិន្ទុ

I.(២ពិន្ទុ) ចូរបំពេញល្បៈខាងក្រោមអោយបានត្រឹមត្រូវ

   ១.នៅទសវត្សរ៍ឆ្នាំ៦០ ប្រទេសកម្ពុជាប្រកាន់របបនយោបាយ ...........................។

   ២.ពីឆ្នាំ ១៥២១ ដល់ឆ្នាំ ១៧៦២ ប្រទេសភីលីពីនស្ថិតក្រោមអាណានិគមនិយម ............................។

II.(៨ពិន្ទុ) តើមូលហេតុអ្វីដែលនាំឱ្យផ្ទុះសង្គ្រាមនៅឧបទ្ធីបកូរ៉េ? តើមានដំណោះស្រាយយ៉ាងណាដើម្បីបញ្ចប់សង្គ្រាម? តើសង្គ្រាមនេះផ្តល់ផលវិបាកដូចម្តេចខ្លះ?

III.(៩ពិន្ទុ) តើប្រធានាធិបតីកាទ័រ និង រីគែន បានប្រើនយោបាយការបរទេសអ្វីខ្លះ នៅក្នុងសម័យសង្គ្រាមត្រជាក់? តើប្រធានាធិបតីមួយណា ដែលធ្វើឱ្យសហរដ្ធអាមេរិកមានប្រៀបលើសហភាពសូវៀត? ហេតុអ្វីបានជាសហភាពសូវៀតមិនអាចរត់ប្រណាំងគ្រឿងសព្វាវុធបាន?

IV,(៩ពិន្ទុ) ក្រោយថ្ងៃទី ១៧ មេសា ឆ្នាំ ១៩៧៥ តើកងកម្លាំងប្រដាប់អាវុធរំដោះជាតិកម្ពុជាបានអនុវត្តតាមបញ្ជារបស់លេខាបក្សកុំមុយនីស្តកម្ពុជាប្រជាធិបតេយ្យប៉ុន្មានប្រការ? អ្វីខ្លះ?

V.(១០ពិន្ទុ) ហេតុអ្វីបានជានៅក្នុងអំឡុងទសវត្សឆ្នាំ ៦០ រាជរដ្ធាភិបាលកម្ពុជាបានផ្តាច់ទំនាក់ទំនងការទូតជាមួយវៀតណាមខាងត្បូង និង សហរដ្ធអាមេរិច?

VI.(១២ពិន្ទុ) ក្រោយសង្គ្រាមលោកលើកទី២

   ១.ហេតុអ្វីបានជាអង្គការសហប្រជាជាតិត្រូវបានបង្កើតឡើង?

   ២.តើអង្គការសហប្រជាជាតិមានគោលការណ៍អ្វីខ្លះ?

   ៣.តើប្រទេសកម្ពុជាបានចូលជាសមាជិកនៃអង្គការសហប្រជាជាតិនៅឆ្នាំណា?

   ៤.តើអង្គការសហប្រជាជាតិបានជួយដោះស្រាយបញ្ហាអ្វីខ្លះដល់ប្រទេសកម្ពុជាចាប់តាំងពីប្រទេសកម្ពុជាបានចូលជាសមាជិកនៃអង្គការនេះរហូតមកដល់បច្ចុប្បន្ន?

ចម្លើយ

I.(២ពិន្ទុ)

១. ...របបរាជានិយម (រាជាធិបតេយ្យអាស្រ័យរដ្ធធម្មនុញ្ញ)... ។

២. ...អេស៉្បាញ... ។

II.(៨ពិន្ទុ) មូលហេតុដែលនាំឱ្យផ្ទុះសង្គ្រាមនៅឧបទ្វីបកូរ៉េ៖

• ការពង្រីកឥទ្ធិពលកុំមុយនីសរបស់កូរ៉េខាងជើងនៅសម៧យសង្គ្រាមត្រជាក់
• អ្នកដឹកនាំមានមនោគមវិជ្ជាខុសគ្នា (កុំមុយនីស និង សេរី)
• ការលើកទ័ពកូរ៉េខាងជើងទៅវាយលុកកូរ៉េខាងត្បូង

ដំណោះស្រាយដើម្បីបញ្ចប់សង្គ្រាម

• អន្តរាគមន៍របស់កងទ័ពសហរដ្ធអាមេរិក (១៥ តុលា ១៩៥០)
• អន្តរាគមន៍របស់កងទ័ពអង្គការសហប្រជាជាតិ (០២ វិច្ឆការ ១៩៥០)
• ដោយកិច្ចព្រមព្រៀងសន្តិភាពប៉ាន់ម៉ុនជុម (២៧ កក្កដា ១៩៥៣)

ផ្តល់ផលវិបាក

• ចែកប្រទេសកូរ៉េជាពីរតាមរយៈខ្សែស្រប ៣៥ (រយៈទទឹងខាងជើង)
• ស្លាប់មនុស្ស ២.៥លាននាក់ (ចិន៩សែននាក់ អាមេរិក ៣សែននាក់)
• ខូចខាតទ្រព្យសម្បត្តិ និងហេដ្ធារចនាសម្ព័ន្ធ

III.(៩ពិន្ទុ)

នយោបាយការបរទេសរបស់លោក កាទ័រ៖

• លើកទឹកចិត្តដល់ការគោរពសិទ្ធិមនុស្ស
• លើកទឹកចិត្តដល់កិច្ចចរចាសន្តិភាពរវាងអេស៊ីប នងអ៊ីស្រាអែល (កិច្ចព្រមព្រៀងកំដារិត)

នយោបាយការបរទេសរបស់លោក រីគែន៖

• គំាំទ្រចលនាមិនមែនកុំមុយនីស
• អនុវត្តន៍នយោបាយម៉ឹងម៉ាត់ចំពោះសហភាពសូវៀត
• ប្រកាសសង្គ្រាមផ្តាយ

ប្រធានាធិបតីរីគែន បានធ្វើឱ្យសហរដ្ធអាមេរិកមានប្រៀបលើសហភាពសូវៀត

បានជាសហភាពសូវៀតមិនអាចរត់ប្រណាំងគ្រឿងសព្វាវុធបានព្រោះ៖

• បញ្ហាសេដ្ធកិច្ច
• បញ្ហាក្នុងតំបន់
• ចំណាយប្រាក់ច្រើនពេក

IV,(៩ពិន្ទុ) ក្រោយថ្ងៃទី ១៧ មេសា ឆ្នាំ ១៩៧៥ កងកម្លាំងប្រដាប់អាវុធរំដោះជាតិកម្ពុជាបានអនុវត្តតាមបញ្ជារបស់លេខាបក្សកុំមុយនីស្តកម្ពុជាប្រជាធិបតេយ្យ ៨ប្រការគឺ៖

១.ជំលៀសប្រជាជនចេញពីទីក្រុងទាំងអស់

២.លុបបំបាត់ផ្សារ

៣.លុបបំបាត់រូបិយបណ្ណរបស់របប លន់ នល់ ហើយដកទុករូបិយប័ណ្ណបដិវត្តដែលបានបោះពុម្ពរួចហើយ

៤.ផ្សិកលោកសង្ឃកាន់ព្រះពុទ្ធសាសនាទាំងអស់ ហើយអោយទៅធ្វើស្រែចម្ការតាមទិសដែលពួកគេទៅដល់តាមមូលដ្ធាននីមួយៗ

៥.ប្រហារជីវិតមេដឹកនាំរបស់របប លន់ នល់

៦.បង្កើតសហករណ៍កម្រិតខ្ពស់ទូទាំងប្រទេសដោយបង្កើតអោយមានរោងបាយរួម

៧.បណ្តេញជនជាតិវៀតណាមអោយចេញទាំងអស់

៨.បញ្ជូនទ័ពទៅតាមព្រំប្រទល់ ជាពិសេសព្រំប្រទល់វៀតណាម

V.(១០ពិន្ទុ) នៅក្នុងអំឡុងទសវត្សឆ្នាំ ៦០ រាជរដ្ធាភិបាលកម្ពុជាបានផ្តាច់ទំនាក់ទំនងការទូតជាមួយវៀតណាមខាងត្បូង និង សហរដ្ធអាមេរិច ដោយសារ៖

• ប្រទេសកម្ពុជាជាប្រទេសអព្យាក្រិត
• សហរដ្ធអាមេរិកគាប់សង្គត់ខាងផ្នែកសដ្ធកិច្ច និងហិរញ្ញវត្ថុ ដោយការផ្តាច់ជំនួយ
• សហរដ្ធអាមេរិករិះរកគ្រប់មធ្យោបាយអូសទាញកម្ពុជាចូលប្លុកសេរី
• ថៃឈ្លានពានកម្ពុជា ៦ លើក
• វៀតណាមឈ្លានពានកម្ពុជា ២៩លើក

VI.(១២ពិន្ទុ) ក្រោយសង្គ្រាមលោកលើកទី២

១.អង្គការសហប្រជាជាតិត្រូវបានបង្កើតឡើងព្រោះ

• ពិភពលោកចង់បានសន្តិភាព
• សង្គ្រាមលោកលើកទី២ រាលដាលពេញពិភពលោក
• សង្គមប្រជាជាតិគ្មានឥទ្ធិពល

២.អង្គការសហប្រជាជាតិមានគោលការណ៍

• អង្គការសហប្រជាជាតិផ្អែកលើសមភាព និងអធិតេយ្យភាពរវាងសមាជិកទាំងអស់
• សមាជិកទាំងអស់ត្រូវតែបំពេញកាតព្វកិច្ច ដោយជឿជាក់លោកធម្មនុញ្ញនៃអង្គការសហប្រជាជាតិ
• សមាជិកទាំងអស់ត្រូវដោះស្រាយរាល់ជម្លោះអន្តរជាតិ ដោយមធ្យោបាយសន្តិភាព នៅក្នុងលក្ខខណ្ឌដែលមិនអោយខូចខាតដល់សន្តិភាព សន្តិសុខ និងយុត្តិធម៌
• ត្រូវអត់ធ្មត់រាល់អំពើគំរាមកំហែង និងការប្រើប្រាស់កម្លាំងប្រឆាំងនឹងប្រទេសណាមួយក្នុងទំនាក់ទំនងអន្តរជាតិរបស់ខ្លួន
• ធម្មនុញ្ញមិនអនុញ្ញាតិអោយអង្គការសហប្រជាជាតិ ធ្វើអន្តរាគមន៍កិច្ចការផ្ទៃក្នុងរបស់ប្រទេសណាមួយឡើយ។

៣.ប្រទេសកម្ពុជាបានចូលជាសមាជិកនៃអង្គការសហប្រជាជាតិនៅឆ្នាំ ១៩៥៥។

៤.អង្គការសហប្រជាជាតិបានជួយដោះស្រាយបញ្ហដល់ប្រទេសកម្ពុជាដូចជា៖

• ១៥ មិថុនា ១៩៦២ ជួយដោះស្រាយរឿងក្តីប្រាសាទព្រះវិហារ
• ២៣ តុលា ១៩៩១ កិច្ចព្រមព្រៀងសន្តិភាពទីក្រុងប៉ារីស
• ២៣ ២៦ ឧសភា ១៩៩៣ រៀបចំការបោះឆ្នោតនៅកម្ពុជា
• ០៧ កក្កដា ១៩៩៣ បញ្ចូលប្រាសាទព្រះវិហារក្នុងបញ្ជីបេតិកភណ្ឌពិភពលោក
• ក្រុមប្រឹក្សាសេដ្ធកិច្ច និងសង្គម (អប់រំ សុខាភិបាល)ឮ
• ១៨ តុលា ២០១១ តុលាការអន្តរជាតិបានបញ្ជាអោយទ័ពថៃ និងកម្ពុជាដកចេញពីតំបន់ប្រាសាទព្រះវិហារ។