ការចាប់ផ្តើមនៃមហាសាសនានៃពិភពលោក

មហាសាសនានៃពិភពលោក​ទាំងអស់ចាប់ផ្តើមនៅអាស៊ី។ សាសនាបីក្នុងចំណោមនោះ គឺសាសនាជូដាយ (Judaism) សាសនាគ្រិស្ត (Chistianity) និង​សាសនាឥស្លាម (Islam) បានចាប់ផ្តើមនៅក្នុងតំបន់ដូចគ្នា​នៃអាស៊ីខាងលិច។ សាសនាហិណ្ឌូ (Hinduism) និង​សាសនាព្រះពុទ្ធ (Buddhism) បានចាប់ផ្តើមនៅប្រទេសឥណ្ឌា។ ប្រជាជនលើពិភពលោកទាំងអស់​បានបង្កើតប្រព័ន្ធជំនឿ​មានកម្លាំងខ្លាំងជាងខ្លួនរបស់ពួកគេផ្ទាល់ទៅទៀត។ សាសនាដំបូងគេបង្អស់ គឺទាក់ទងនឹង​កម្លាំងធម្មជាតិដូចជា ព្រះអាទិត្យ ព្រះច័ន្ទ ខ្យល់ ទឹក ថ្ម និង​ដើមឈើ និង​ជាមួយសត្វ។ សាសនាហិណ្ឌូ​ គឺជាជំនឿសាសនាដែលចំណាស់ជាងគេបង្អស់របស់ប្រជាជននៅអាស៊ី។ សាសនាហិណ្ឌូ​មានព្រះច្រើន និងមានច្បាប់គ្រប់គ្រងចំណីអាហារ ការប្រកាន់យកការធ្វើបុណ្យទាន និងសូម្បីតែការងារដែលប្រជាជនធ្វើ។ ក្នុងសាសនាហិណ្ឌូ ព្រះអាទិទេព ឬ​ទេពធីតា គឺពោរពេញដោយកម្លាំងថាមពល។ ដៃទាំងបួនរបស់ព្រះវិស្នុ​ គឺជាអ្នកការពារភពផែនដី។ ព្រះវិស្នុ (Vishnu) ជាព្រះមួយក្នុងចំណាម​ព្រះទាំងពីរ​ក្នុងសាសនាហិណ្ឌូ (Hinduism) ដែលព្រះមួយទៀតគឺ ព្រះស៊ីវ៉ា (Shiva)​ ។

សាសនាព្រះពុទ្ធ (Buddhism) បានចាប់ផ្តើមនៅប្រទេសឥណ្ឌា ប្រហែលជា ៥០០ឆ្នាំមុនគ.ស ហើយក្រោយមកបានផ្សព្វផ្សាយ ដោយអ្នកផ្សព្វផ្សាយសាសនានៅប្រទេសភូមា និង​ប្រទេសចិន។ នៅកន្លែងកំណើតក្នុងប្រទេសឥណ្ឌា​សាសនាព្រះពុទ្ធ​បានបាត់បង់ទៅហើយ។