តាមទំនៀមទំលាប់ខ្មែរ មុនពេលរៀបអាពាហ៏ពិពាហ៏ តើគេត្រូវធ្វើអ្វីខ្លះ?

តាមទំនៀមទំលាប់ខ្មែរ មុនពេលរៀបអាពាហ៏ពិពាហ៏ គ្រូសារកូនប្រុសនិងគ្រូសារកូនស្រី ត្រូវបំពេញការងារជាច្រើននៅពេលដែលឪពុកម្តាយខាងកូនស្រី និងកូនប្រុសពេញចិត្ត៖

១- ការចូលចែចូវ

ឪពុកម្តាយខាងកូនប្រុស រកស្រីដែលមានឥទ្ធិពលនៅក្នុងភូមិមិនអភព្វ័គូ មានចរិយាសម្បត្តិល្អ អ្នកភូមិគោរពរាប់អាន មានទ្រព្យសម្បត្តិ នៅផ្ទះខាងឪពុកម្តាយខាងស្រីនិយាយប្រាប់គ្រួសារកូនស្រីថាអ្នកនេះនៅឯនោះចង់ភ្ជាប់សាច់ឈាមជាមួយគ្រួសារលោក តើលោកថាយ៉ាងម៉េចដែរ? (ទៅច្រើនដង) រហូតដល់មានលទ្ធផលវិជ្ជមាន ឬអវិជ្ជមាន។ បើវិជ្ជមានអ្នកចែចូវត្រូវជំរាបសួរ រកថ្ងៃ ខែ ឆ្នាំ កូនស្រី ដើម្បីអោយឪពុកម្តាយខាងកូនប្រុសយកទៅរកហោរាគន់គូពិធី ផ្សំពង្ស និងផ្សំធាតុ បើល្អហើយត្រូវអោយគេរៀបចំពិធី ចូលស្តីដណ្តឹងទៅទៀត។

២- ពិធីស្តីដណ្តឹង

• ឪពុកម្តាយខាងកូនប្រុសរកហោរាមើលពេលវេលាជ័យ ថ្ងៃ ខែ ឆ្នាំល្អ ដើម្បីចូលស្តីដណ្តឹង។
• ឪពុកម្តាយខាងកូនរកឆ្មាយ (នារីដែលមានលក្ខណៈល្អប្រសើរ) ចេះនិយាយប្រពៃណីច្បាស់លាស់ រកប្រដាប់ប្រដា ស្លាម្លូ នំចំនីជាទ្រនាប់ដៃចូលទៅនិយាយជាមួយនឹងញាតិមិត្តសាច់សារលោហិតទៅចូលរួម។
• ឪពុកម្តាយខាងកូនស្រី ត្រូវរកចាស់ព្រឹទ្ធាចារ្យ ដែលចេះប្រពៃណីមកធ្វើជាមេបា តំណាងអោយខាងស្រី (បង្គោលការ) សំរាប់សំរេចកិច្ចការដែលឆ្មាយស្នើរសួរ។
• រៀបចំម្ហូបអាហារផ្ទះសំបែង អញ្ជើញញាតិមិត្ត លុះដល់ថ្ងៃខែកំណត់ឪពុកម្តាយខាងកូនប្រុសនាមឆ្មាយមហា អ្នកដឹកនាំមុខអ្នកការ (អ្នកផ្លូវចៅមហាទៅផ្ទះកូនស្រីដើម្បីស្តីដណ្តឹង ចំពោះមុខផ្ទះមេបាតាមប្រពៃណី)។

ពីបុរាណកាលពិធីដណ្តឹងមានបីលើក៖

ក- មេបាគ្រាប់តែអនុញ្ញាតិអោយផ្លូវដើរជណ្តើរឡើង

ខ- មេបាអនុញ្ញាតិអោយមានទំនាក់ទំនងពឹកពាក់សំណាក់អាស្រ័យ

គ- មេបាអនុញ្ញាតិអោយកូនប្រុសទៅជាមួយដើម្បីអោយកូនប្រុសពិនិត្យមើលរូបសម្បត្តិ និងចរិយាសម្បត្តិកូនស្រី។ បើមេបាយល់ព្រម ទើបអនុញ្ញាតិអោយកូនប្រុសមកបំរើគ្រូសារកូនស្រី។

៣- ពិធីស៊ីស្លា

ពិធីស៊ីស្លាត្រូវធ្វើពីរដង

ក- ស៊ីស្លាតូច មានរណ្តាប់ប្រហែលមួយភាគបីនៃពិធីរៀបអាពាហ៍ពិពាហ៍

ខ- ស៊ីស្លាធំ មានរណ្តាប់ប្រហែលមួយភាគពីរនៃពិធីរៀបអាពាហ៍ពិពាហ៍

សំគាល់ លំនាំពិធីត្រូវមានឆ្មាយមហាមេបា ដូចក្នុងពិធីដណ្តឹងដែរ។

ពេលស្តីដណ្តឹង គេកំណត់ភស្តុភារបណ្ណាការ ថ្ងៃ ខែ ឆ្នាំរៀបអាពាហ៍ពិពាហ៍ បើយល់ស្របគ្នាហើយ ត្រូវប្រុងប្រៀប៖

ខាងប្រុសៈ

• រកអារច្យពេលា
• រកឆ្មាយនិងអ្នកផ្លូវការចៅមហា
• រកភ្លេងប្រពៃណី
• ជំរាបមាមីង បងប្អូនញាតិមិត្ត
• រកភស្តុភាបណ្ណាការ(ជំនួន)
• រកស្បៀងអាហាសំរាប់ទទួលភ្ញៀវ

ខាងស្រីៈ

• រកលោកមេបា
• រកអាចារ្យខ្ញែ និងយាយខ្ញែ
• ជំរាបបងប្អូនញាតិមិត្ត
• រកអង្ករ និងគ្រឿងធ្វើធ្មេញ (បើមានធ្វើពិធី)
• រកស្បៀងសំរាប់ទទួលភ្ញៀវ
• រកអ្នកផ្នូង
• រៀបចំផ្ទះសំបែង