ប្រឡងសញ្ញាបត្រមធ្យមសិក្សាទុតិយភូមិ សីលធម - ពលរដ្ឋ (២៥ កក្កដា ២០១១) (ថ្នាក់វិទ្យាសាស្ត្រ)

ប្រឡងសញ្ញាបត្រមធ្យមសិក្សាទុតិយភូមិ សីលធម - ពលរដ្ឋ (២៥ កក្កដា ២០១១) (ថ្នាក់វិទ្យាសាស្ត្រ)

I.(៨ពិន្ទុ) ចូរបំពេញល្បះខាងក្រោមឱ្យបានត្រឹមត្រូវ

១.ស្ថាប័នដែលមានសមត្ថកិច្ចដោះស្រាយវិវាទកើតឡើងពីការបោះឆ្នោតគឺ ..............។

២.មហាត្មៈគន្ធីបានយកធម៌ខន្តីជាគោលគំនិតគ្រឹះនៃធម៌អហិង្សាគឺកុំប្រកាន់ខ្លួន ....... និង ........។

៣.ក្នុងប្រព័ន្ធតុលាកាកម្ពុជា សាលាជម្រះក្តីជាន់ទាបរួមមាន ................... និង ................។

៤.និកាយហិនយានក្នុងសាសនាព្រះពុទ្ធចែកចេញជាពីរគណៈគឺ គណៈ................. និង គណៈ ................។

៥.ការបោះឆ្នោតចំឈ្មោះបុគ្គលដែលឈរឈ្មោះជាបេក្ខជនគឺជាការបោះឆ្នោតតាមប្រព័ន្ធ ............ ចំណែកការបោះឆ្នោតឱ្យបេក្ខជនតាមរយៈគណបក្សដែលមានឈ្មោះក្នុងបញ្ជីបោះឆ្នោតគឺជាការបោះឆ្នោតតាមប្រព័ន្ធ ................។

II.(៦ពិន្ទុ) តើសមាសភាពណាខ្លះដែលត្រូវបានចាត់តាំងជានគរបាលយុត្តិធម៌? ចូររៀបរាប់។

III.(៨ពិន្ទុ) ចូររាប់ឈ្មោះផលិតផលដែលមានលក្ខណៈជាសេដ្ឋកិច្ចប្រពៃណីនៅកម្ពុជាឱ្យបានប្រាំបី។

IV.(១២ពិន្ទុ) តើសិល្បៈនិងកីឡាផ្តល់សារប្រយោជន៍អ្វីខ្លះដល់មនុស្ស?

V.(១៦ពិន្ទុ) តើសមាសភាពណាខ្លះដែលគ្មានសិទ្ធិឈរឈ្មោះជាបេក្ខជនសម្រាប់ការបោះឆ្នោតជ្រើសរើសក្រុមប្រឹក្សារាជធានី ខេត្ត ក្រុង ស្រុក ខណ្ឌ?

ចម្លើយ

I.(៨ពិន្ទុ) ចូរបំពេញល្បះខាងក្រោមឱ្យបានត្រឹមត្រូវ

១.ស្ថាប័នដែលមានសមត្ថកិច្ចដោះស្រាយវិវាទកើតឡើងពីការបោះឆ្នោតគឺ ....ក្រុមប្រឹក្សាធម្មនុញ្ញ....។

២.មហាត្មៈគន្ធីបានយកធម៌ខន្តីជាគោលគំនិតគ្រឹះនៃធម៌អហិង្សាគឺកុំប្រកាន់ខ្លួន ...កុំខ្ជិល... និង ...កុំក្រោធ...។

៣.ក្នុងប្រព័ន្ធតុលាកាកម្ពុជា សាលាជម្រះក្តីជាន់ទាបរួមមាន ...សាលាដំបូង... និង ...តុលាការយោធា.....។

៤.និកាយហិនយានក្នុងសាសនាព្រះពុទ្ធចែកចេញជាពីរគណៈគឺ គណៈ...មហានិកាយ... និង គណៈ ...ធម្មយុត្តិកនិកាយ...។

៥.ការបោះឆ្នោតចំឈ្មោះបុគ្គលដែលឈរឈ្មោះជាបេក្ខជនគឺជាការបោះឆ្នោតតាមប្រព័ន្ធ ...ឯកត្តនាម... ចំណែកការបោះឆ្នោតឱ្យបេក្ខជនតាមរយៈគណបក្សដែលមានឈ្មោះក្នុងបញ្ជីបោះឆ្នោតគឺជាការបោះឆ្នោតតាមប្រព័ន្ធ ...សមាមាត្រ...។

II.(៦ពិន្ទុ) តើសមាសភាពណាខ្លះដែលត្រូវបានចាត់តាំងជានគរបាលយុត្តិធម៌? ចូររៀបរាប់។

សមាសភាពដែលត្រូវចាត់តាំងជានគរបាលយុត្តិធម៌គឺ៖

• អភិបាល អភិបាលរង រាជធានី ខេត្ត
• អភិបាល អភិបាលរង ក្រុង ខណ្ឌ ស្រុក
• ក្រុមប្រឹក្សាឃុំ សង្កាត់
• នគរបាលជាតិ
• កងរាជអាវុធហត្ថជាតិ
• ភ្នាក់ងារមានសមត្ថកិច្ចគ្រប់លំដាប់ថ្នាក់របស់នគរបាលជាតិ។

III.(៨ពិន្ទុ) ចូររាប់ឈ្មោះផលិតផលដែលមានលក្ខណៈជាសេដ្ឋកិច្ចប្រពៃណីនៅកម្ពុជាឱ្យបានប្រាំបី។

ផលិតផលដែលមានលក្ខណៈជាសេដ្ឋកិច្ចប្រពៃណីនៅកម្ពុជាមាន៖

• ហូលផាមួង ស្បៃមុង ក្រមា
• ឆ្នាំងដី ក្អម ផើងធ្វើពីឥដ្ឋ
• អង្ករបាត់ដំបង ឆៃប៉ូវ ក្រឡាន
• ចំលាក់ថ្មកែវ ថ្មភ្នំ
• ចំលាក់ស្មិត ជាងទង
• កងដៃ កងជើង ចិញ្ជៀន
• ទឹកត្រី ទឹកស៊ីអ៊ីវ
• ប្រហុក ម៉ាំ
• ជ័រទឹក ជ័រចុង
• កញ្ជើ កញ្ច្រែង ចង្អេរ
• កាំបិត ពូថៅ...។

IV.(១២ពិន្ទុ) តើសិល្បៈនិងកីឡាផ្តល់សារប្រយោជន៍អ្វីខ្លះដល់មនុស្ស?

សារប្រយោជន៍នៃសិល្បៈនិងកីឡា

ក.សារប្រយោជន៍សិល្បៈមាន

• សុខភាពផ្លូវកាយ ចលនារាងកាយ អប់រំកាយសម្បទា
• បម្រើឥន្ទ្រីយ៍អារម្មណ៍ ចក្ខិន្ទ្រីអារម្មណ៍ សោតិន្ទ្រីអារម្មណ៍
• បង្កបរិយាកាសរីករាយ ភ្លេចទុកកង្វល់ បំបាត់ការអផ្សុក
• បានប្រាក់ចំណូលសម្រាប់ផ្គត់ផ្គង់ខ្លួន និងគ្រួសារ
• ទទួលបានកិត្តិយសចំពោះខ្លួនឯង និងប្រទេសជាតិ
• រាងកាយសមសួន ទន់ភ្លន់។

ខ.សារប្រយោជន៍នៃកីឡាមាន

• សុខភាពផ្លូវកាយ រាងកាយមាំមួន
• បញ្ញាវាងវៃ ចេះប្រើល្បិចយកឈ្នះលើគូប្រគួត
• គោរពវិន័យ តស៊ូ អត់ធ្មត់ គ្មានគំនុំសងសឹក
• មានសមត្ថភាព មិត្តភាព
• បញ្ជៀសអបាយមុខដោយយកពេលទំនេរទៅហាត់កីឡា
• សុវត្ថិភាពសង្គម
• បានប្រាក់ចំណូលផ្គត់ផ្គង់ខ្លួន និងគ្រួសារ
• ទទួលបានកិត្តិយសចំពោះខ្លួន និងគ្រួសារ
• ទទួលបានកិត្តិយសចំពោះខ្លួនឯង និងប្រទេសជាតិ។

V.(១៦ពិន្ទុ) តើសមាសភាពណាខ្លះដែលគ្មានសិទ្ធិឈរឈ្មោះជាបេក្ខជនសម្រាប់ការបោះឆ្នោតជ្រើសរើសក្រុមប្រឹក្សារាជធានី ខេត្ត ក្រុង ស្រុក ខណ្ឌ?

សមាសភាពដែលគ្មានសិទ្ធិឈរឈ្មោះជាបេក្ខជនក្រុមប្រឹក្សា រាជធានី ខេត្ត ក្រុង ស្រុក ខណ្ឌគឺ៖

• ជនដែលមានអាយុក្រោម២៥ឆ្នាំ
• ជនដែលគ្មានសញ្ញាតិខ្មែរពីកំណើត
• ជនដែលមិនមែនជាសមាជិកនៃគណបក្សដែលចូលរួមក្នុងការប្រកួតប្រជែងក្នុងការបោះឆ្នោត
• ជនដែលគ្មានអស័យដ្ឋានពិតប្រាកដហើយបានស្នាក់នៅអចិន្ត្រៃយ៍យ៉ាងតិចមួយឆ្នាំគិតដល់ថ្ងៃបោះឆ្នោត
• ជនដែលមិនចេះអក្សរ
• ជនដែលគ្មានប័ណ្ណបោះឆ្នោត
• បព្វជិតរាជរដ្ឋាភិបាល
• សមាជិករដ្ឋសភា
• សមាជិកព្រឹទ្ធសភា
• ក្រុមប្រឹក្សាអង្គចៅក្រម
• មន្ត្រីរាជការក្នុងមុខតំណែង
• មន្រ្តីនគរបាលក្នុងមុខតំណែង
• កងយោធពលខេមរភូមិន្ទ
• មន្ត្រីតុលាការ
• ជនដែលត្រូវបានដកហូតសិទ្ធិបោះឆ្នោត
• ជនដែលត្រូវបានដកហូតសិទ្ធិបោះឆ្នោតបណ្តោះអាសន្ន
• ជនវិកលចរិក មានសតិមិនប្រក្រតី។