ចូរប្រៀបធៀបព្រៃលិចទឹក និងព្រៃតំបន់ខ្ពស់។

ប្រៀបធៀបព្រៃលិចទឹក និងព្រៃតំបន់ខ្ពស់ៈ

ក.ព្រៃលិចទឹកៈ

• ជាព្រៃដែលមាននៅតាមមាត់បឹង ឬសមុទ្រនៅជុំវិញបឹងទន្លេសាប ទំនាបទាបៗក្នុងខេត្តកោះកុង មានដើមកោកាង ដើមចាក ដើមតាអោន ដើមស្មាច់ជាដើម ពុំមានដើមឈើធំៗទេ។ ព្រៃទាំងនេះជាជំរកត្រីយ៉ាងសំខាន់។

ខ.ព្រៃតំបន់ខ្ពស់មានៈ

• ព្រៃរបោះដែលមានដើមឈើធំៗដុះមិនសូវញឹក ហើយមានស្មៅ និងស្បូវដុះពីក្រោម មានច្រើននៅខ្ពង់រាបខាងជើង និងខ្ពង់រាបមណ្ឌលគីរី។
• ព្រៃស្តុកៈ មានដើមឈើធំៗដុះប្រជ្រៀតគ្នាយ៉ាងញឹក ហើយមានបណ្ណង្គជាតិរពាក់ ផ្តៅ វល្លិនៅពីក្រោម។ ព្រៃនេះសំបូរមាននៅតាមជួរភ្នំក្រវាញ ជួរភ្នំដងរែក និងខ្ពង់រាបរតនគីរី។