តើត្រូវមានលក្ខខណ្ឌអ្វីខ្លះទើបអាចមានសញ្ជាតិជាខែ្មរបាន ?

ដើម្បីមានសញ្ជាតិជាខ្មែរត្រូវមានលក្ខខណ្ឌដូចជា ៖

ទោះនៅទីណាក៏ដោយ

• កូនមានខាន់ស្លាដែលកើតពីឪពុក ឬ ម្តាយដែលមានសញ្ជាតិជាខ្មែរ
• កូនឥតខាន់ស្លាដែលកើតពីឪពុក ឬ ម្តាយមានសញ្ជាតិខ្មែរទទួលស្គាល់
• កូនដែលឪពុកម្តាយមិនទទួលស្គាល់ តែបើតុលាការចេញសាលក្រមថាកូននោះពិតជាកើតពីឪពុក ឬម្តាយដែលមានសញ្ជាតិជាខ្មែរ។

 ជនដែលកើតនៅក្នុងព្រះរាជាណាចក្រកម្ពុជា

• កូនដែលកើតពីឪពុក ឬម្តាយបរទេសដែលកើតនិងរស់នៅស្របច្បាប់នៅក្នុង ព្រះរាជាណាចក្រកម្ពុជា
• កូនដែលកើតពីម្តាយឪពុកមិនស្គាល់និងកូនទើបនឹងកើតដែលគេរើសបាន នៅក្នុងព្រះរាជាណាចក្រកម្ពុជា។

ជនបរទេសសុំចូលសញ្ជាតិខ្មែរបាននៅពេលដែល

• ជននោះកើតនៅក្នុងព្រះរាជាណាចក្រកម្ពុជា រយៈពេលស្នាក់នៅជាប់ចំនួន៧ឆ្នាំ
• ជនបរទេសដែលទទួលលិខិតអនុញ្ញាតឱ្យវិនិយោគពីក្រុមប្រឹក្សាអភិវឌ្ឍន៍កម្ពុជា ដែលបានចំណាយទុន ចាប់ពី ១២៥០ ០០០ ០០០ ឡើងទៅ ។
• ជនបរទេសដែលពុំបានទទួលលខិតអនុញ្ញាតពីក្រមប្រឹក្សាអភិវឌ្ឍន៍កម្ពុជាតែទទួលបានការអនុញ្ញាតត្រឹមត្រូវតាមច្បាប់និងបានចំណាយទុនវិនិយោគចាប់ពី ១២៥០០០ ០០០ឡើងទៅ ។
• ជនបរទេស ដែលបានអំណោយជាប្រាក់ដល់វិការជាតិសម្រាប់អភិវឌ្ឍន៍កម្ពុជា ចាប់ពី១ ០០០ ០០០ ០០០រៀលឡើងទៅ អាចសុំសញ្ជាតិជាខ្មែរបានស្របតាមច្បាប់សញ្ជាតិ ។
• ជនបរទេសដែលបង្ហាញភុស្តតាងថាខ្លួនបានផ្តល់គុណសម្បត្តិពិសេស ជាប្រយោជន៍ដល់ប្រទេសកម្ពុជាអាចធ្វើពាក្យសុំចូលសញ្ជាតិខ្មែរបាន ។