តើព្រះព្រហ្មមានមុខងារនិងលក្ខណៈសម្គាល់អ្វីខ្លះ?

ព្រហ្ម័នបានបង្កើតព្រះព្រហ្មមុនគេ ហើយព្រះព្រហ្មក៏បានចាប់កសាងលោកបន្តទៀតគឺបានបែងចែកទៅភាវៈផ្សេងៗដូចជា វិស្ណុ សិវៈ ច័ន្ទអង្គារ វាយុ អគ្គី ភារុណ ឥន្ទ្រ... ទៅជាមនុស្ស ជាសត្វ ធម្មជាតិ គម្ពីរវេទ...។ព្រះព្រហ្មមានឈ្មោះមួយទៀតថា ហិរណ្យភគ៌ ពីព្រោះមានជំនឿថាព្រះព្រហ្មកើតចេញពីស៊ុតមាសមួយ ដែលព្រះព្រហ្មបានធ្វើឲ្យអណ្តែតនៅលើអាកាសរួចបំបែកជា២គឺ ទេវលោក និង បាតាល។

• មហេសី៖ សរស្វតី។
• បុត្រ៖​ ទស្សភគ៌ុ ឬ ភឬគុ​ និង សំធ្យា ឬ សន្ធិយា(តំណាងពេលរាត្រី)។
• រូបកាយ៖ មានមុខ៤ ដៃ៤ (កាន់គម្ពីរវេទ ឬផ្កាឈូក) ជួនឈរ ជួនអង្គុយលើហង្ស ឬផ្កាឈូកដែលដុះចេញពីផ្ចិតរបស់ព្រះវិស្ណុផ្ទុំនៅលើនាគអនន្ត។
• សម្លៀកបំពាក់៖​ ពណ៌ស។
• កេតនភ័ណ្ឌ៖ ថូ ផ្គាំ ស្លាបព្រា កងចក្រ។
• យានជំនិះ៖ ជិះសត្វហង្ស។
• សម្បុរ៖ ពណ៌ផ្កាឈូក។