Point Center Login Help

ចង់ប្តូរការងារ ឬ កំពុងស្វែងរកការងារ​​ ផ្វើសារឥឡូវនេះ

    សេចក្ដីពន្យល់៖  មនុស្ស​ទាំង​ឡាយ​ដែល​កើត​មក​ហើយ តែង​តែ​មាន​មេ​បា​ជា​អ្នក​បង្កើត និង​ចិញ្ចឹម​បីបាច់​ ថែរក្សា និងការពារ​។ តាម​ទ្រឹស្តីព្រះ​ពុទ្ធ​សាសនា​បាន​ចែង​ថា ”មាតាបិតាគឺ​ជា​បុព្វ​ទេវា បុព្វាចារ្យ និង​ជា​ព្រះរបស់​បុត្រ​ធីតា“ 0
    តើ​ទ្រឹស្តីនេះ​ត្រឹម​ត្រូវ​ឬទេ ?
ដើម3ជា​ជំ​នួយ​ដល់​ការ​បក​ស្រាយ​បញ្ហា​ខាង​លើ ​​​​​​​​​​​​​​យើង​គួរ​យល់​អត្ថ​ន័យ​នៃ​ពាក្យ "មាតា​បិតា និង​បុត្រ​ធី​តា"​ ជា​មុន​សិនណា។ មាតាបិតា គឺ​ជា​ឪពុក​ម្តាយ​ដែល​ជា​អ្នក​ផ្តល់​កំ​ណើត​ដល់​កូន។ បុត្រ​ធី​តា គឺ​កូន​ប្រុស​ស្រីនឹងហើយ។ ប្រ​ធាន​ខាង​លើ​មាន​ន័យ​ថា មាតាបិតាគឺ​ជាបុព្វ​ទេ​វា​ ជា​គ្រូ និង​ជាព្រះ​សំរាប់កូន។ មាតាបិតាជា​បុព្វ​ទេវានៃ​បុត្រ​ធី​តា​មានន័យ​ថា គឺ​ជា​ទេវ​តាដើម​ ដែល​ផ្តល់កំ​ណើត​កើត​ជា​ដល់​កូន​ប្រុស​ស្រី ហើយ​ថែម​ទាំង​ចិញ្ចឹម​បីបាច់​ថែ​រក្សា​អោយ​កូន​មាន​ជី​វិត​ថ្លៃ​ថ្នូរ​ ល្អ​ប្រ​ពៃ​។ ក្រៅ​ពី​ការ​ចិញ្ចឹម​មាតាបិតា​ផ្តល់​នូវ​ភាព​កក់​ក្តៅ​ជា​ច្រើន​ទៀត​ដូច​ជា​បញ្ជូន​កូន​អោយ​សាលា​រៀន​សូត្រ​យក​ចំ​ណេះ​ផ្សេង​ៗ អោយ​កូន​មាន​ឱ​កាស​ចូល​រួម​សកម្ម​ភាព​នានា​ដើម្បី​សប្បាយ​​រីក​​រាយ​ក្នុង​ជីវិត។ ផ្សេង​ពី​នេះ​មាតាបិតា​ផ្តល់​ក្តី​សង្ឃឹម​គ្រប់​បែប​យ៉ាង ដើម្បីអោយ​កូន​រស់​នៅ​បាន​សុខ​ស្រួល និង​មាន​ភាព​កក់​ក្តៅ​ក្នុង​ជីវិត។ មាតាបិតា​សុខ​ចិត្ត​រង​គ្រោះ​ក្នុង​ទុក្ខ​លំ​បាក​វេទ​នា​ដោយ​ខ្លួន​ឯង ដើម្បី​អោយ​កូន​បាន​សុខ​ស្រួល និង​មាន​ភាព​សុខ​សាន្ត។ មា​តា បិតា​ ហ៊ាន​ស្លាប់បាត់​បង់​ជីវិត​ជំ​នួស​បុត្រ​ធី​តា។ ដូច​នេះ​បើ​គ្មាន​មាតាបិតា ក៏គ្មាន​បុត្រ​ធី​តា បើ​គ្មាន​បុព្វ​ទេ​វា បុត្រ​ធី​តា​ទាំង​ឡាយ ក៏ក្មាន​សេច​ក្តី​សុខ​ចំ​រើន​ដែរ។ ឯបុព្វា​ចារ្យ​នេះ​​ ​សំ​ដៅ​លើ​អាចារ្យ​ខាង​ដើម មាតា បិតា​គឺ​ជា​គ្រូអាចា​រ្យ​ដែល​បាន​ អប់​រំ​ទូន្មាន ប្រៀន​ប្រ​ដៅ​កូន​ចៅ​អោយ​ខិតខំ​រៀន​សូត្រ​ ចេះ​គោរព​ចាស់​ទុំ​ គ្រូបាអាចារ្យ ចេះ​ធ្វើ​អំ​ពើ​ល្អ ដោយ​កាយ​វាចា​ចិត្ត គោរព​ច្បាប់​សង្គម និង​មិន​ប្រ​ព្រឹត្ត​អំ​ពើ​អា​ក្រក់​ទុច្ច​រិត​ដែ​ល​នាំអោយ​សង្គម​ស្អប់​ខ្ពើម។មិន​តែ​ប៉ុណ្ណោះ​បាន​នែ​នាំ​កូន​អោយ​ចេះ​ដឹង​គុណ និង​តប​ស្នង​សង​គុណ​ដល់​គ្រូឧប​ជ្ឃាយាចារ្យ។ ចេះ​ស្រ​លាញ់​ថែ​រក្សា​បង​ប្អូន ពូជ​ពង្ស​វង្ស​ត្រ​កូល​ផៅ​សណ្តាន​ ចេះ​ជួយ​ទុក្ខ​ធុរៈ​ ញាតិ​មិត្ត​មិន​រើស​អើង និង​មិន​ប្រកាន់​វណ្ណៈឡើយ។ សេចក្តី​ល្អ​ទាំង​ឡាន​ដែល​កូន​បាន​ចេះ​ដឹង​សុទ្ធ​សឹង​តែ ទទួល​បាន​ពី​ការ​អប់​រំ​របស់​មាតា​បិតា​ទាំង​អស់។ ឯព្រះ​ព្រហ្ម​មាតា​បិតា​ជា​ព្រះ​ព្រហ្ម​យ៉ាង​ពិត​ប្រា​កដ​ណាស់ សំរាប់​បុត្រ​ធី​តា ឧបេក្ខា ក្តី​មេតា របស់​ម៉ែ​ឪ​ចំ​ពោះ​កូន​នោះ មាន​ជា​អនេក គឺ​ការ​ផ្តល់​នូវ​សេច​ក្តីស្រ​លាញ់​ ពេញ​ចិត្ត​ដល់​កូន​គ្រប់​ៗ​រូប​ស្មើ​គ្នា​ឥត​មាន​មន្ទិល​សៅ​ហ្មង។ ​ករុណា​ការ​អា​ណិត​អា​សូរ​ប្តូរ​ផ្តាច់​ របស់​មាតា​បិតា​ចំ​ពោះ​កូន​ ដោយ​ហ៊ាន​ធ្វើ​ពលីកម្ម ខ្លួន​ឯង​សព្វ​បែប​យ៉ាង​ដើម្បី​អោយ​កូន​បាន​សុខ​ស្រួល​ និង​មាន​អនាគត​ល្អ។ មុទិតា គឺ​សេចក្តី​ត្រេក​អរ សប្បាយ​រីក​រាយ យ៉ាង​ខ្លាំ​ឥត​ឧប​មា​របស់​ម៉ែ​ឪ នៅ​ពេល​កូន​ចៅ​របស់​ខ្លួន​ទទួល​បាន​សេច​ក្តី​សុខ​ចំ​រើន​រុង​រឿង។ ឧបេក្ខា គឺ​ជា​ការ​ប្រ​មើល​មើល​ ដ៏​វែង​ឆ្ងាយ​ទាំង​ផ្លួវ​កាយ​ចិត្ត​បញ្ញា​ស្មារ​តី របស់​មាតា​បិតា ក្នុង​គោល​បំ​ណង​ចង់​អោយ​បុត្រ​ធីតា​របស់ខ្លួន​មានចំ​ណេះ​ដឹង​ខ្ពស់ មាន​កិត្តិ​យស​ មាន​បុណ្យ​ស័ក្តិ​ធំ មាន​ទ្រព្យ​សម្បត្តិ​មហិមា មាន​គេ​ស្រ​លាញ់​រាប់អាន​ គោរព​កោត​ខ្លាច និង​ជា​មនុស្ស​សំ​ខាន់​សំ​រាប់​សង្គម។ដោយ​អំ​ណាច​នៃ​ព្រហ្ម​វិហារ​ធម៌​នេះ លោក​ជា​មាតា​បិតា​ខំ​ព្យា​យាម​ស្វែង​រក ទ្រព្យសម្បត្តិ​​​អោយ​បាន​ច្រើន​ សំ​រាប់​ទុក​ជួយ​ឧបត្ថម​ដល់​បុត្រ​ធី​តា។ ទោះ​បី​ជា​​ប្រ​ទះ​និង​សេច​ក្តិ​ក្រ​លំ​បាក​វេទ​នា​យ៉ាង​ណាក៏​ដោយ ក៏​លោក​នៅ​តែ​ប្រឹង​ប្រែង​ព្យា​យាម ជួ​យ​ឧបត្ថម​បុត្រ​ធី​តា​ របស់​ខ្លួន​តាម​លទ្ធ​ភាព​ដែល​មាន។ សរុប​សេច​ក្តី​មាន​តាបិតា​ពិត​ជា ទេវ​តា​ដើមដំ​បូង​ និង​ជា​ព្រះ​ព្រហ្ម​សំ​រាប់​បុត្រ​ធី​តា​ពិត​មែន។
​​​​​​​    ប្រ​ធាន​បទ​ខាង​លើ​ពិត​ជា​ត្រឹម​ត្រូវ​ល្អ ព្រោះ​បាន​អប់​រំ​មនុស្ស​អោយ​ដឹង ពីគុណ និង​ចេះ​តប​ស្នង​សង​គុណ​ចំ​ពោះ​មាតា​បិតា​របស់​ខ្លួន។ ដូច​នេះ​ក្នុង​នាម​ជា​ខេមរ​បុត្រ​ទាំង​អស់​គប្បី​ចេះ​ គោរព​ស្តាប់​បង្គាប់​ម៉ែ​ឪ ខិត​ខំ​រៀន​សូត្រ​ កុំ​ធ្វើ​អោយ​លោក​ពិបាក​ព្រោះ​តែ​យើង៕



×

×

Tips to earn more points:

  • Get 2 point for each question.
  • Learn more how to earn point quickly with Point Center

Login

×

One more step

Please login to share your idea

Register Login