វិញ្ញាសាប្រវត្តិ ត្រៀមប្រឡងសញ្ញាបត្រមធ្យមសិក្សាទុតិយភូមិ ( វិញ្ញាសាទី៦ )

                                               សំណួរ

១. ​តើសេដ្ឋកិច្ចប្រទេសសិង្ហបុរីពឹងផ្នែកលើវិស័យប៉ុន្មាន ?​ មានវិស័យអ្វីខ្លះ ?

២. តើរបបកម្ពុជាប្រជាធិបតេយ្យបានចែកចេញជាប៉ុន្មានវណ្ណៈ ? តើមានអ្វីខ្លះ ?

៣ . តើមានអំពើអមនុស្សអ្វីខ្លះ ដែលពួកខ្មែរក្រហមបានធ្វើមកលើប្រជាជនកម្ពុជា ?

៤. តើចំណុចណាខ្លះដែលបញ្ជាក់ថារបបនេះបានរំលោភធ្ងន់ធ្ងរទៅលើវិស័យវប្បធម៌និងប្រពៃណីជាតិ ?

៥. ហេតុអ្វីបានជាកម្ពុជារងការបំផ្លិចបំផ្លាញក្នុងរបបខ្មែរក្រហម ?

                                         ចម្លើយ

១. សេដ្ឋកិច្ចប្រទេសសិង្ហបុរីពឹងផ្អែកលើវិស័យ ៖

• ឧស្សាហកម្ម
• ពាណិជ្ជកម្ម
• ទេសចរណ៍ ។

២. របបកម្ពុជាប្រជាធិបតេយ្យបានបែងចែក២វណ្ណៈ ៖

• ប្រជាជនចាស់ (មូលដ្ឋាន)
• ប្រជាជនថ្មី (១៧ មេសា) ។

៣. អំពើអមនុស្សធម៌របស់ក្រហមមាន ៖

• អោយធ្វើការជាទម្ងន់ពី១២ម៉ោងដល់១៥ម៉ោងក្នុងមួយថ្ងៃ
• ហូបមិនគ្រប់គ្រាន់ គ្មានថ្នាំព្យាបាល
• បំបិទសេរីភាពក្នុងជីភាពរស់នៅ
• ចាប់ដាក់គុក ធ្វើទារុណកម្ម កាប់សម្លាប់ដោយគ្មានការជំនុំជំរះក្តី
• កំទេសវត្តអារាម និងវប្បធម៌
• ប្រជាជនរស់នៅក្នុងគុកឥតជញ្ជាំង ។

៤. ចំណុចដែលបញ្ជាក់ថារបបនេះបានរំលោភធ្ងន់ធ្ងរទៅលើវិស័យវប្បធម៌ និងប្រពៃណីជាតិគឺ ៖

• បំបាត់វិស័យអប់រំ
• បំបាត់សាសនា (កំទេចវត្តអារាម ផ្សំកលោកសង្ឃ)
• បំបាត់ប្រពៃណីក្នុងការរៀបអាពាហ៍ពិពាហ៍ ស្លៀកពាក់ខ្មៅ
• គ្មានការយកចិត្តទុកដាក់កេតនភណ្ឌជាតិ ។

៥. កម្ពុជារងការបំផ្លិចបំផ្លាញក្នុងរបបខ្មែរក្រហមព្រោះ ៖

• ប្រកាន់យករបបនយោបាយផ្តាច់ការ ខ្មៅងងឹត
• ទទួលរងឥទ្ធិពលសង្គ្រាមត្រជាក់
• មេដឹកនាំមានចរិតជាតិនិយមជ្រុល
• ប្រល័យពូជសាសន៍
• បង្ខំប្រជាជនខ្មែរឲ្យធ្វើការជាទម្ងន់
• បង្អត់អាហារ
• បំបិទសិទ្ធិសេរីភាពគ្រប់បែបយ៉ាង
• បំបាត់ជំនឿសាសនា ប្រពៃណីទំនៀមទម្លាប់ ការអប់រំ
• ធ្វើទារុណកម្ម
• បង្កើតសហករណ៍កម្រិតខ្ពស់ទូទាំងប្រទេស
• លុបបំបាត់កម្មសិទ្ធិឯកជន
• ធ្វើវិសុទ្ធកម្ម
• ជម្លៀសប្រជាជនចេញពីទីក្រុងនិងទីប្រជុំជននានា
• មនោគមវិជ្ជាជ្រុលនិយម ។