ចូរផ្តល់អត្ថន័យរបស់ពិសាខបូជា ? ចូររៀបរាប់ពីបែបផែននៃការធ្វើបុណ្យពិសាខបូជា ?

ពិសាខបូជា ជាការថ្វាយ ឬរំឭកដល់ថ្ងៃ មហាមង្គលទាំងបីរប​ស់ព្រះបរមគ្រូនៃយើង ពោលគឺ

ថ្ងៃប្រសូត​ ថ្ងៃត្រាស់ដឹង និងថ្ងៃបរិនិពា្វន ។

• ថ្ងៃ​ប្រសូត :  ថ្ងៃសុក្រ ១៥ កើត ពេញបូរមី ខែ ពិសាខ ឆ្នាំ ច ។
• ថ្ងៃត្រាស់ដឹង : ថ្ងៃពុធ ១៥ កើត ពេញបូរមី ខែ ពិសាខ ឆ្នាំ រកា ។
• បរិនិពា្វន : ថ្ងៃ អង្គារ ១៥ ​កើត ពេញបូរមី ខែ ពិសាខ ​​ឆ្នាំ ម្សាញ់ ។

ហើយចំពោះបែបផែននៃការប្រារព្ធធ្វើបុណ្យនេះឡើងរួមមានដូចខាងក្រោម ៖

1. មុនពេលថ្ងៃបុណ្យ

• នៅថ្ងៃ ១៣ ឬ ១៤​កើត ខែពិសាខរៀងរាល់ឆ្នាំ ពុទ្ធបរិស័ទតែងតែជួបជុំគ្នារៀបចំបោសសម្អាត តុបតែងប្រកបដោយសក្ការៈបូជាមានផ្កាភ្ញី ទៀន ធូប ប្រទីប ជ្វាលាជាដើម ។
• ត្រៀមយាគូ ចង្ហាន់ សម្រាប់ ដាក់បា​ត្រព្រមទាំងទេយ្យរត្ថុសម្រាប់ប្រគេន​ ព្រះសង្ឍ ។
• ពិធីបុណ្យនេះត្រូវរៀបចំនៅតាមវត្តនានា និងជាពិសេសនៅបរិវេណខាងមុខព្រះសក្យមុន្នីចេតិយ

1. ពេលប្រារព្វពិធីបុណ្យ

• ចាប់ពីពេលព្រឹក ១៥កើត ពេញបូរមី ខែ ពិសាខ រហូតដល់យប់
• កន្លែងខ្លះទៀតចាប់ពីថ្ងៃ រសៀល ១៥ កើត ពេញបូរមីខែ ពិសាខ រហូតថ្ងៃត្រង់ ១រោច ខែពិសាខ ។
• កន្លែងខ្លះទៀតចាប់ពីថ្ងៃ រសៀល ១៥ កើត ពេញបូរមីរហូតដល់ថ្ងៃត្រង់
• កន្លែងខ្លះទៀតចាប់ពីរសៀលថ្ងៃ ១៤​កើត រហូតដល់មួយថ្ងៃមួយយប់១៥កើតខែពិសាខ
• ពេលព្រឹកប្រគេនយាគូដល់ព្រះសង្ឃ
• ថ្ងៃរាប់បាត្រទេយ្យវត្ថុ
• ពេលរសៀលប្រគេនភេសជ្ជៈដល់ព្រះសង្ឃបន្ទាប់មកសូត្រមន្តចម្រើនព្រះបរិត្រ សម្តែងធម៌ទេសនាទាក់ទង់់ទីនឹងព្រះពុទ្ធបរមគ្រូ ពិសេសទាក់ទង់ទៅនិងថ្ងៃ   មហា មង្គលទាំងបីរបស់ព្រះពុទ្ធ ។