កាលពីសម័យពុទ្ធកាលតើមានព្រះពុទ្ធពរប៉ុន្មានប្រការ ? អ្វីខ្លះ ? តើពរនីមួយៗមានអត្ថន័យអប់រំដូចម្តេច ?

ពុទ្ធពរសម័យពុទ្ធកាលផ្សាភ្ជា​ប់និងការអប់រំ ។ ហើយនៅសម័យពុទ្ធកាលព្រះពុទ្ធពរមាន ៤ប្រការគឺ អាយុ វណ្ណៈ សុខៈ និងពលៈ ។

• អាយុៈ ត្រូវមានស្មារតីប្រុងប្រយ័ត្នជា​និច្ច ដើម្បីរក្សាការពារអាយុជីវិតឲ្យគង់វង្ស កុំយកអាយុជីវិតទៅប្រលែងនិងគ្រោះថ្នាក់ ពិសេសពេលធ្វើចរាចរណ៍បើកបរមិនត្រូវប្រមាថចំពោះគ្រោះថ្នាក់ឡើយ ។
• វណ្ណៈ ត្រូវរក្សាអនាម័យខ្លួនប្រាណជាប្រចាំ ថែរក្សាបរិស្ថាន ។
• សុខៈ ​បុគ្គលម្នាក់ៗត្រូវស្ងប់ចិត្តអារម្មណ៍ មិនត្រូវប្រើហឹង្សា បុគ្គលស្ងប់នាំដល់គ្រួសារស្ងប់ ហើយសហគមន៍ក៏ស្ងប់ ឯសង្គមជាតិក៏មានសន្តិភាពដែរ ។
• ពលៈ សូមឲ្យមានកម្លាំងមាំមួន ដើម្បីមានកម្លាំងកាយមាំមួន ត្រូវមានបរិភោគអាហារគ្រប់គ្រា​ន់ ធ្វើជំរើសអាហារតាមក្បួនវេជ្ជសាស្រ្តនូវអ្វីដែលគួរបរិភោគ និងអ្វីដែលមិនគួរបរិភោគ ដោយបរិភោគតែអាហារណាដែលទ្រទ្រង់ និងចិញ្ចឹមរាងកាយឲ្យបានល្អដើម្បីទ្រទ្រង់ជីវិត ។