គោលនយោបាយអប់រំរបស់កម្ពុជានាបច្ចុប្បន្ននេះ ជម្រុញឲ្យមានស្រ្តីទាំងនៅថ្នាក់មូលដ្ឋាន ក៏ដូចជានៅថ្នាក់ឧត្តមសិក្សា ។ តើការអប់រំមានសារៈសំខាន់អ្វីខ្លះចំពោះស្រ្តី ?

ការអប់រំពិតជាមានសារៈសំខាន់ណាស់ចំពោះស្រ្តី ព្រោះវាបានជះឥទ្ធិពលដល់ស្រ្តីឲ្យមានការអភិវឌ្ឍដូចជា ៖

ក អភិវឌ្ឍខ្លួនឯង

• ធ្វើជាម្ចាស់លើខ្លួនឯង
• ម្ចាស់ការលើការងារ និងមានទំនួលខុសត្រូវ
• ចេះថែទាំសុខភាពរបស់ខ្លួន
• ចេះត្រិះរិះពិចារណារកហេតុផលបានត្រឹមត្រូវ
• មានអធ្យាស្រ័យល្អ និងគំនិតទូលំទូលាយ
• យល់ដឹងពីតួនាទី និងសិទ្ធិអំណាច
• ចេះរៀបចំជីវិតឲ្យបានល្អប្រសើរ...។

ខ អភិវឌ្ឍគ្រួសារ

• ចេះអប់រំប្តី កូនឲ្យចេះរក្សាសុខភាព និងអនាម័យ
• អប់រំវប្បធម៌ទូទៅដល់កូន
• មានផែនការពន្យាកំណើនកំណត់ចំនួ​នកូនបានច្បាស់លាស់
• ចេះរៀបចំ​ផែនការសេដ្ឋកិច្ចគ្រួសារ បា​នល្អប្រសើរ
• អាចយកចំណេះដឹងផ្តល់ដល់វិស័យកសិកម្មបានទិន្នផលខ្ពស់
• បណ្តុះនូវសីលអំពើ សីលតម្លៃគ្រួសារមាន សីលធម៌ សុជីវធ​ម៌ជាដើម ។

គ អភិវឌ្ឍសង្គមជាតិ

• ជាអ្នកផលិតនូវធនធានមនុស្ស ពលរដ្ឋជូនសង្គមជាតិ
• បង្កើតសមិទ្ធផលផ្សេងៗ ​ដើម្បីបម្រើសង្គមជាតិ
• ចូលរួមក្នុងកិច្ចការសាធារណៈ កិច្ចការប​ម្រើរដ្ឋឬកិច្ចការក្នុងអង្គការមហាជន
• ធ្វើឲ្យបុរសក្នុងសង្គមមានការទទួលស្គាល់សិទ្ធិនិងស្នាដៃរប​ស់ស្រ្តី
• ចូលរួមការផ្សាព្វផ្សាយស្តីពីការអប់រំសុខភាពមាតា និងទារក
• ចូលរួមបំបាត់អំពើហឹង្សាក្នុងគ្រួសារ និងសហគមន៍ ។