តើខ្លឹមសារនៃសេចក្តីថ្លែងការណ៍ ឆ្នាំ ២០០០ដើម្បីសន្តិភាពវប្បធម៌អហឹង្សារួមមានអ្វីខ្លះ ? ចូរបង្ហាញ ។

ខ្លឹមសារនៃសេចក្តីថ្លែងការណ៍ឆ្នាំ២០០០ ដើម្បីសន្តិភាព វប្បធម៌អហឹង្សារួមមាន ៖

• គោរពជីវិតមនុស្ស : គោរពជាតិ និងសេចក្តីថ្លៃថ្នូររបស់ជនគ្រប់រូបដោយគ្មានការរើសអើងពូជ សាសន៍ ឬគំនិតអគតិ ។
• បដិសេដអំពើហិង្សា : ប្រកាន់យកវិធីអហិង្សា ច្រានចោលរាល់អំពើហិង្សាគ្រប់ប្រភេទរួមមាន អំពើកេងប្រវ័ញ្ខលើរាងកាយ អំពើរំលោភបំពានលើផ្លូវ ភេទការគាបសង្កត់ផ្លូវចិត្ត ការគាបសង្កត់សេដ្ឋកិច្ចនិងសង្គម ជាពិសេសចំពោះជនដែលគ្មានលទ្ធភាព ការពារខ្លួនឯង និងជនងាយរងគ្រោះថ្នាក់ដោយសារអំពើរំលោភបំពានទាំងនេះ ។ តួយ៉ាងដូចជា ជនក្នុងវ័យជំទង់ និងកុមារជាដើម ។
• រួមចំណែកជាមួយអ្នកដទៃ : ប្រើប្រាស់ពេលវេលា និងរួមចំណែកធនធានសម្ភារៈរបស់ខ្ញុំក្នុងគំនិត សម្បុរសធម៌ ដើម្បីបញ្ចប់នូវរាល់ការរើសអើង បញ្ចាប់នូវអំពើអយុត្តិធម៌ និងការជិះជាន់គាបសង្កត់លើនយោបាយ និងសេដ្ឋកិច្ចជាដើម ។
• ស្តាប់ដើម្បីយល់ដឹង : ការពារសេរីភាពក្នុងការសម្តែងមតិយោបល់ និងសេរីភាពក្នុងជំនឿពហុវប្បធម៌ ជានិច្ចកាលជ្រើសរើសយកការសន្ទនា និងការស្តាប់ឲ្យបានច្រើនជាជាងការប្រកាន់ខ្ជាប់ គំនិតនិយមជ្រុល និងការបង្ខូចកេរ្តិ៍ឈ្មោះគ្នា ហើយច្រានចោលទស្សនៈរបស់បុគ្គលដទៃ ។
• ថែរក្សាភពផែនដី : លើកម្ពស់ឥរិយាបថអ្នកប្រើប្រាស់ដេលមានការទទួលខុសត្រូវ និងលើកកម្ពស់រាល់ការអភិវឌ្ឍដោយគោរពជីវិតគ្រប់ប្រភេទ និងដែលបានរក្សាតុល្យភាពធនធានធម្មជាតិលើភពផែនដីនេះ​ ។
• ស្វែងរកសាមគ្គីភាពជាថ្មីឡើងវិញ : រួមវិភាគទានដល់ការអភិវឌ្ឍសហគមន៍របស់ខ្ញុំ ដោយចូលរួមយ៉ាងសកម្មពីស្រ្តី និងដោយមានការគោរពគោលការណ៍ប្រជាធិបតេយ្យ ក្នុងបំណងរួមបង្កើតសាមគ្គីភាពក្នុងរូបភាពថ្មីមួយ ។