ដូចម្តេចដែលហៅថា បរិស្ថាន ?តើបរិសា្ថនចែកចេញជាប៉ុន្មាន ? អ្វីខ្លះ ? ចូររៀបរាប់ ។ ហើយក្នុងនាមអ្នកជាមនុស្សខ្មែរមួយរូប តើអ្នកត្រូវធ្វើយ៉ាងដូចម្តេច ដើម្បីការពារបរិស្ថានឲ្យមានការអភិវឌ្ឍ ?

ដែលហៅថា បរិស្ថានគឺជា អ្វីៗដែលនៅជុំវិញខ្លួនយើង ដែលយើងមានទំនាក់ទនងដោយផ្ទាល់ ឬដោយប្រយោលជាមួយវាហើយជីវិតយើងគ្រប់គ្នាទាំងអស់សុទ្ធតែត្រូវការបរិស្ថានដោយមិនអាចខ្វះបាន ។

          ដោយបរិស្ថានត្រូវបានចែកចេញជា៣គឺ ៖

1. បរិស្ថានធម្មជាតិ : (មានជីវិត និងឥតជីវិត ) គឺជាអ្វីៗដែលកើតមានឡើងដោយឯកឯង ក្រៅពីសកម្មភាពពលកម្ម ផលិតកម្មរប​ស់មនុស្សគឺវាកើតឡើងដោយធម្មជាតិខ្លួនឯងផ្ទាល់ ។ ម៉្យាងទៀត គឹរាល់សរីរង្គដែលកើតឡើងដោយភាវៈធម្មជាតិដែលផ្សំបង្កើតឲ្យមានឡើង តួយ៉ាងធម្មជាតិគ្មានជីវិតដូចជា ៖ ទឹក ដី ភ្លើង ខ្យល់... ។

ឯធម្មជាតិមានជីវិតដូចជា សត្វគ្រប់ប្រភេទ និងរុក្ខជាតិគ្រប់ប្រភេទ...។

1. បរិស្ថានសង្គមវប្បធម៌: (មានជីវិត និងឥតជីវិត)​ គឺអ្វីៗដេលកើតមានជារូបរាងឡើងដោយផ្ទាល់ដៃ ពលកម្ម ផលិតកម្មប្រកបដោយការប៉ិនប្រសប់ និងការច្នៃប្រឌិតរប​ស់មនុស្ស ដើម្បីបម្រើសំណូមពរ និងតម្រូវការក្នុងជីវភាពរស់នៅរបស់មនុស្ស ។ ដោយសមិទ្ធផលនៃបរិស្ថានសង្គមវប្បធម៌នេះបានញុំាងឲ្យចាកផុត ពីភាពចំណុះធម្មជាតិ​ និងដកខ្លួនឲ្យផុតពីស្ថានភាពជាសត្វ ។ប៉ុន្តែរាល់សមិទ្ធផលទាំងនេះមនុស្សបានច្នៃបង្កើតឡើងដោយធ្វើការកែច្នៃធម្មជាតិ បើគ្មានបរិស្ថានធម្មជាតិគឺ មិនអាចមានបរិស្ថានសង្គមវប្បធម៌បានឡើយ ។ តួយ៉ាងបរិស្ថានសង្គមវប្បធម៌មានជីវិតដូចជា អគារផ្សេងៗ ផ្លូវថ្នល់ ស្ពាន ក្រុង ភូមិ ស្រុក ប្រឡាយទឹកឧបករណ៍ផលិតកម្ម...។ ចំណែកឯបរិស្ថានសង្គមវប្បធម៌ឥតជីវិតគឺ សកម្មភាពសង្គម ស្ថាប័ន ការគ្រប់គ្រង់ដឹកនាំសង្គម នយោបាយ សេដ្ឋកិច្ច ការអប់រំ សាសនា ប្រវត្តិសាស្រ្ត​ ការកម្សាន្ត ...។
2. បរិស្ថានមនុស្ស : (មានជិវិត និងឥតជីវិត)​ គឺជាមនុស្សទូទៅ)ដេលរស់នៅលើភពផែនដីទាំងអស់ ។

• បរិស្ថានមនុស្សមានជីវិត : មនុស្សដែលកំពុងតែរស់រានមានជីវិតនៅសព្វថ្ងៃ គឺស្ថិតនៅក្នុងចំណោមភាវៈមានជីវិតទាំងអស់
• បរិស្ថានមនុស្សឥតជីវិត : គឺមនុស្សដែលបាត់បង់ជីវិតទៅហើយ ពោលគឺបុព្វបុរសជំនាន់ដើម និងមនុស្សជំនាន់ក្រោយ ដែលពុំទាន់មនាកំណើតគឺស្ថិតនៅក្នុងភាវៈឥតជីវិត ។

ក្នុងមានយើងគឺជាមនុស្សខ្មែរមួយរូបយើងត្រូវរួមចំណែកដល់ការកសាង និងការពារបរិស្ថានដើម្បីឲ្យមានការអភិវឌ្ឍន៍ពីព្រោះ បរិស្ថានជាភាវៈសម្រាប់ទ្រទ្រង់ភាវៈគ្មានជីវិត និងមានជីវិតហើយជាប្រភពធនធានធម្មជាតិ ដែលជាប្រភពនៃជីវិតព្រមទាំងវត្ថុធាតុដើមសម្រាប់ធ្វើការកែច្នៃបង្កើតភោគទ្រព្យនានាសម្រាប់បម្រើតម្រូវការរប​ស់មនុស្ស ។ កន្លងមកបើមនុស្សគ្រាន់តែទាញផលពីធម្មជាតិដើម្បីបម្រើនូវតម្រូវការ ដេលចាំបាច់នៃជីវិតប្រចាំថ្ងៃធនធានធម្មជាតិក៏ដូចជាបរិស្ថានធម្មជាតិមិនទទួលរង់នូវការវិនាសខូចខាតបាត់បង់តុល្យភាព ជះឥទ្ធិពលអាក្រក់ដល់ប្រព័ន្ធអេកូឡូស៊ីនៃភពផែនដី ។​ចំពោះមុខទោះបីបរិស្ថានធម្មជាតិ ឬភពផែនដីអាចបន្តពូជមនុស្សឲ្យរស់នៅបាន តេបរិស្ថានសព្វថ្ងៃមានការប្រែប្រួលគូរឲ្យព្រួយបារម្ភដូចជា ​ការកើនឡើងនៃកម្តៅព្រះអាទិត្យ គ្រោះទឹកជំនន់ គ្រោះរាំងស្ងួត រដូវមិនទៀងទាត់ បណ្តាលឲ្យមានគ្រោះទុរ្ភឹក្ស ហើយ​បញ្ជាក់ថាបរិស្ថាននៃភពផែនដីទទួលរង់នូវការខូចខាតដោយសារសកម្មភាពមនុស្ស ។ ដូចនេះយើងជាមនុស្សខ្មែរត្រូវតែយល់កិច្ចកសាង និងការពា​របរិស្ថា​នជា​ភារកិច្ចរប​​ស់យើងទាំងអស់គ្នា និងមនុស្សជា​តិនៃសកលលោកទាំងមូល ជួយការពារគុណភាពបរិស្ថាន ស្រឡាញ់ខ្លួន ស្រឡាញ់ជីវិត ហើយបានរៀបចំអនាគត់ល្អសម្រាប់កូនចៅជំនាន់់ ក្រោយព្រមទាំងបានស្រឡាញ់មនុស្សជាតិទាំងមូលលើភពផែនដី ។