ហេតុអ្វីបានជាគេថាភាសាជាប្រព័ន្ធសញ្ញាពិសេស ។

មុននឹងឈា​ន​​ចូលទៅដល់ការ​ប​ក​ស្រាយសំណួរខាងលើ យើងត្រូវយល់នូវពាក្យមួយចំនួនដូចជា៖

ក. ប្រព័ន្ធ ( System )                                             

        ជាសំណុំមួយ ដែលមានធាតុចាប់ពីបីរឡើងទៅ ហើយធាតុទាំងនេះ មានទំនាក់ទំន​ងគ្នាទៅវិញទៅមក ។

ឧទាហរណ៍៖ ប្រព័ន្ធផ្លូវទឹក ប្រព័ន្ធភ្លើង អគ្គិសនី ប្រព័ន្ធសេដ្ឋកិច្ច ប្រព័ន្ធគ្រួសារ ... ។

ខ​. សញ្ញា ( singe )

        គឺជាអ្វីដែលជំរុញចូលទៅក្នុងខួរក្បាល របស់មនុស្សធ្វើឲ្យយើងគិតពិចារណា វិភាគឬយល់ឃើញអ្វីមួយខុសពីមុន ។

ឧទាហរណ៍ ៖ ភ្លើងចរាចរ ( ភ្លើងក្រហម ឈប់ ភ្លើងលឿង ប្រុងប្រយ័ត្ន ភ្លើងបៃតង ត្រូវធ្វើដំណើរ ) ។

​គ.​ សញ្ញាពិសេស ( Special  Singe )

        សញ្ញាពិសេសរបស់ភាសាគឺ ត្រូវផ្សំគ្នាហើយឈានឡើងជានិច្ចពី សទ្ទ ( Phonem ) រូបសព្ទ ( Morphem )  ពាក្យ ( Word ) កន្សោមពាក្យ ( Group of Word ) ល្បះ ( Sentence ) អត្ថបទ​ ( Texte ) ។

          រួមសេចក្តីមកសញ្ញាពិសេស មានលក្ខណៈដូចតទៅ ៖

• ផ្តុំគ្នា​ ឬផ្សំគ្នាបាន
• តគ្នាជាបន្ទាត់ពីសទ្ទ> រូបសទ្ទ >ព្យាង្គ >ពាក្យ​ >កន្សោមពាក្យ> ឃ្លា >ល្បះ> កថាខណ្ឌ >អត្ថបទ
• យូរអង្វែង ( ឧទាហរណ៍អក្សរឡាតាំងភាសាមានលក្ខណៈយូរអង្វែងខុសពីសញ្ញាធម្មតា ដែលអាចប្តូរភ្លាមៗបានដូចជា សញ្ញាចរាចរណ៍ ប្រព័ន្ធរូបិយរត្ថុ ... )
• មានលក្ខណៈមួយទល់មួយ ឬមួយទល់នឹងច្រើន

ដូចនេះរួមមក ដែលហៅថា ប្រព័ន្ធសញ្ញា គឺជាប្រព័ន្ធនៃធាតុរបស់សញ្ញា ។ រីឯ ( ប្រព័ន្ធសញ្ញាពិសេស ) របស់ភាសានោះគឺប្រព័ន្ធសញ្ញាដែលមានលក្ខណៈលាយ​ចម្រុះ ។ ប្រព័ន្ធដែលមានលក្ខណៈជាប្រភពដើម ឯប្រព័ន្ធផ្សេងទៀតក្រៅពីភាសាគឺជាកម្លាយ ។ ប្រព័ន្ធសញ្ញាភាសាជាបាតុភូតផ្ទៃក្នុងរបស់សង្គម ឯប្រព័ន្ធសញ្ញាជាបាតុភូតខាងក្រៅ ។

កំណត់សម្គាល់

        សញ្ញាមានពីរផ្នែកគឺ៖

១. សញ្ញារូប

២. សញ្ញាន័យ ។